Stöð 2 hækkar

Jæja, þá hækkar Stöð 2.

Persónulega skil ég ekki þessar ástæður. Aðkeypt efni hækkar? Maður gæti skilið það svosem, ef þetta "aðkeypta efni" væri af einhverjum klassa. Mér sýnist þetta nú aðallega vera B-flokks efni frá USA, "fjöldaframleitt" úr verksmiðjum Hollywood, andlaust og marklaust: Efni sem skilur ekkert eftir sig, en drepur tímann hjá þeim sem ekki eiga bækur eða eru latir að lesa.

Innlend dagskrárgerð? Bíðiði hæg! Hef ég misst af einhverju? Var ekki Stöð 2 að minnka innlenda dagskrárgerð, m.a. með því að loka morgunsjónvarpinu? Hvaða nýja efni er Stöð 2 að framleiða? Einhverra hluta vegna hefur það farið framhjá mér. Það getur þá varla verið mjög gott.

Launahækkanir? Það má vel vera. En manni hefur fundist, að starfsmönnunum væri að fækka. Að minnsta kosti tekur maður ekki eftir að nein lúxusviðbót eigi sér stað hjá Stöð 2. En auðvitað er gott ef fyrirtæki gerir vel við starfsmenn sína.

En í öllu falli hlýtur fyrirtækið að vera að gera eitthvað vitlaust, því framboð af efni er ekki það mikið og enn síður gott, að maður hafi áhuga á að kaupa áskrift. En ég skal endurskoða þá ákvörðun, þegar Enski boltinn er kominn "heim"!

Áskrift að Stöð 2 hækkar um 9%

Álverið ekki stækkað

Jæja, þá er þetta mál loksins búið, í bili amk. Það er aðalatriðið. Maður var orðinn verulega þreyttur á þessu.

En ekki var nú munurinn mikill, innan við hundrað atkvæði.

En jæja, fyrir nokkrum árum kusu Reykvíkingar flugvöllinn burtu, en landsbyggðar menn hafa verið að andæfa.

Nú segi ég bara eins og Hafnfirðingar: þetta er okkar local mál. Okkar deiluskipulag. Mind your own business.

En verður ekki bara hægt að flytja flugvöllinn þangað sem álverið stendur nú, eftir 2014?

Hafnfirðingar höfnuðu stækkun álversins

Hvernig á að kjósa í ál-málinu?

Heyrði einn góðan:

"Það á auðvitað að kjósa MEÐ stækkun álversins... Af hverju? ... Jú, af því Ögmundur Jónasson er á móti henni."

Margt vitlausa en að vera alltaf í andstöðu við Ömma, og undantekningin væri þá ESB?

 

 

Tæplega 6.000 Hafnfirðingar hafa greitt atkvæði í álverskosningunni

Meiðsli

Já, Gunnar Björnsson bankastarfsmaður meiddist. What's new?

Hér í gamla daga voru meiðsli hans aðallega marblettir, enda var fátt skemmtilegra en að dúndra boltanum í Gunzó og látann væla.

En til að taka undir meiðslasöguna, þá fór ég í ræktina í gær og meiddist ekkert. Brenndi mig hins vegar á fingri á hurðinni inn í gufubaðið.

Fleiri meiðslasögur til reiðu?

Dorrit lærbrotnaði í skíðaslysi

Skotar!

Já, þeir tíma ekki að sóa kynorkunni, meðan þeir hafa hana!

Rod Stewart, einn harðasti fótboltaáhugamaðurinn í Skotlandi, ætti þó að geta borgað sig inn, ólíkt þeim sem hér til hliðar sitja í Skotastúkunni.

Dáist að kynkrafti föður síns

Íranar viðurkenna, að hafa platað Kjarnorkueftirlitsstofnunina

Jæja, háttsettir Íranir viðurkenna nú óopinberlega, að hafa platað Kjarnorkueftirlitsstofnunina (IAEA) af ótta við viðbrögð Bandaríkjanna og Ísraels, "stríðsmagnaranna" í Írak.

Ótti ríkisstjórna Vesturlanda við kjarnorkuáætlun Írana er alls ekki út í bláinn. Ríkisstjórn Írans hefur hótað árásum á nágrannaríki sitt og reynt að fela það, hvað raunverulega er að gerast í þessum málum í kjarnorkuverum sínum (sumum ófullgerðum).

Ef Íranar virkilega hafa aðeins í hyggju að nýta kjarnorku til raforkuframleiðslu, hvers vegna vilja þeir þá ekki hleypa eftirlitsmönnum inn í kjarnorkuverin, nema á afmarkaða staði, sem engu máli skipta, en hindra aðgang þeirra þangað, sem grunað er að "fjörið" sé í framleiðslu?

Nú liggur hart á El Baradei og mönnum hans að koma Írönum í skilning um, að SÞ muni ekki láta Írani í friði með kjarorkuáætlunina og muni, ef þurfa þykir, taka hart á þeim.

 

Sumarveiðin byrjar

 Jæja, þá fer veiðitímabilið af stað.

En ég var að lesa hér á blogginu í gær eða hinn daginn, að verðið hafi hækkað töluvert mikið.

Er þá ekki bara málið, að skella sér í vatnaveiði? Og fara með tjaldið af stað, nú þegar spáð er 15-20 stiga hita?

Stangveiðin hefst á morgun

Nasismi í sókn í Þýskalandi

Jæja, þá er þetta byrjað aftur. En að þessu sinni veit ég fyrir víst, að hvorki Þjóðverjar né þjóðir heims muni sætta sig við, að þessi pest breiðist út enn og aftur.

En jafnframt er ekki hægt að horfa upp á það, að innflytjendastraumur, einkum fólks frá Austur-Evrópu og Tyrklandi, hefur skapað mörg vandamál. Hér forðum fluttu Þjóðverjar inn Tyrki í massavís til að vinna þau störf, sem þeir nenntu ekki sjálfir að gera, svona svipað og við höfum verið að gera á síðustu árum. En síðan sat þetta fólk eftir í landinu og fór eðlilega að breiða úr sér. Börn þeirra líta á sig sem Þjóðverja og tala góða þýsku, en taka störf frá "Aríunum" og kemur þá upp þessi gamalkunna krafa: "Útlendingarnir taka frá okkur störf og fjármuni"--- sama ákall og var í Þýskalandi á Weimar tímabilinu, en þá hétu útlendingar Juden.

Auk Tyrkjanna hafa þúsundir A-Evrópubúa flust til Þýskalands, ja, eiginlega hundruðir þúsunda á aðeins nokkrum árum, ef ég man rétt. Sumir komu sem flóttamenn, aðrir sem farandverkafólk.

En niðurstaðan er, að ákveðin vandamál hafa skapast, eins og víða annars staðar. Slíkar aðstæður eru gróðrarstía kynþáttahatara.

Þegar ég var í námi í Englandi 1992-1993 kynntist ég lítillega þýskum ný-nasista, en hann var bróðir eins samnemanda míns og var í heimsókn. Hann var frá A-Þýskalandi og skv. frásögn hans var ástandið slæmt og enn líti á útlendinga sem sníkjudýr, sem taki fé og atvinnu frá hinum innfæddu, einkum Austur-Þjóðverjum, sem hefðu þjást nóg undan kommúnisma og ættu nú skilið að hagur þeirra verði bættur.

Síðan þá hefur efnahagur fyrrum A-Þýskalands batnað, en útlendingum jafnframt fjölgað. Og ný-nasisminn hefur breiðst út hægt en örugglega. 

Árásum á útlendinga í Þýskalandi fjölgaði um 37% á síðasta ári

Fífl!

Hvar annars staðar en í einræðisríki er það, að taka þátt í mótmælum gegn spilltri harðstjórn, talið vera að "biðja um að vera barinn"??

 

Múgabe hlýtur að vera verulega veruleikafirrtur ef hann trúir þessu sjálfur.

Mugabe segir Tsvangirai hafa beðið um barsmíðarnar

Gaflarar

....hafa gáfur þær/

sem gagnast þeim vel í bítið /

þeir vita lengra en nefið nær /

en nefið er stundum lítið.

(Flosi Ólafsson)

Hafnfirsk ungmenni mótmæla álversstækkun