Baugstidende í kreppu

Nú er aldeilis að fjara undan Nyhedsavisen (a.k.a. Baugs Tidende ), en Danir virðast ekki ætla að meðtaka snilldina með sama hætti og við Mörlandar.

Sagan virðist ætla að vera rituð öðruvísi hér. Að mínum dómi er orðið nokkuð langt síðan að Fréttablaðið varð bitastæðara blað en Mogginn, sem heldur þó ákveðnum sjarma og ákveðnum standard, sem Fréttablaðið fer stundum á mis við.

En í Fréttablaðinu eru oft fréttir og upplýsingar, sem að mínum dómi eru athygliverðar, en Mogginn birtir ekki. Þannig eru meiri upplýsingar í Fb, þó fréttirnar í Mbl. séu að jafnaði traustverðugri.

Í Danmörku virðist Nyhedsavisen ekki hafa tekist að ná nægjanlega góðri fótfestu, hugsanlega vegna þess að danskir auglýsendur eru ekki að taka þennan miðil alvarlega, eða ekki eins alvarlega og við hér heima á Fróni.

En hvað gera bændur nú? Er blaðið að hætta eða mun það halda áfram í smækkaðri útgáfu?

Fjöldauppsagnir á Nyhedsavisen

Minjar frá elstu byggð Egyptalands

Ef ég man rétt, frá þeim árum þegar maður las fornaldarsögu, var elsta þekkta byggðin í Egyptalandi á Faiyum svæðinu, nokkuð vestur af núverandi Kairó. Þarna var stöðuvatn og nokkur gróður. Byggð var þarna töluverð og, að því að sumir telja, fyrsta skipulagða borg í heimi, en hefur vísast verið reist á svipuðum tíma og fyrstu borgirnar í Súmer og á því svæði, þar sem nú er Kúveit og suðurhluti Íraks.

(Faiyum þarna í suðvestur frá Kairó, við stöðuvatnið á myndinni)


Það ku hafa verið þarna, sem þéttbýlismyndun varð skipulögð að einhverju ráði og menn hófu að skipuleggja sig með nýju móti, en áður voru menn hirðingar og flökkuðu um. Eins og ég sagði að framan er erfitt að átta sig á hvort föst búseta hófst fyrr í Faiyum eða Súmer, en það skiptir e.t.v. engu stórmáli.

Ég skal viðurkenna, að ég er farinn að gleyma, en mig minnir að það hafi verið sjálf móðirin, Níl, sem ákvað að lækka aðeins rostann í börnunum sínum í Faiyum. Aur og leðja sem fljótið mikla bar með sér, ku hafa stíflað rennsli og smám saman minnkað vatnið í Faiyum og þar með búsetumöguleikar. EKki síst átti þetta við um flóðin.

(Viðbót: Verið getur að mig misminni. Fór að pæla í þessu aðeins og verið getur að flóðin í Níl hafi verið óvenjumikil, svo fljótið hafi brotið sér leið inn í Faiyum og skilið eftir sig rústir. EN ég veit fyrir víst að það voru flóðin í Níl sem skemmdu afkomumöguleika íbúanna þarna...)

Þetta gerðist þó smám saman, en vegna flóðanna lokaðist semsagt rennsli til Faiyum og íbúar þar urðu undir í baráttunni við náttúruöflin. Þeir ku hafa flutt sig til Nílarbakka, en leðjan og moldin sem fljótið bar með sér frá fjöllum, var víst ágætis áburður, svo þegar sjatnaði í ánni varð jarðvegurinn aftur frjósamur vegna næringaefna og vatns, sem eftir varð í jörðinni.

Stórveldistími Faiyum var liðinn, en þarna bjuggu þó einhverjir áfram og síðar átti þetta svæði góðar og glaðar stundir, en ekkert í líkingu við  það sem var, þegar gullöld þessa staðar átti sér stað, þegar í upphafi, þegar menn tóku að koma sér upp fastri búsetu, reisa áveitur og rækta landið sér til viðurværis, og halda húsdýr.

Nú er svosem ekki mikið að sjá þarna, og þó. Þegar ég fór til Egyptalands mátti ég ekki vera að því að heimsækja þennan stað -- vissi varla af honum þá! En næst þegar ég fer þarna suðureftir stefni ég að því að heimsækja hann, þó ekki sé nema til að kíkja á píramídann þar. (Og ég veit ekkert hvort þessi sé eldri eða yngri en t.d. þeir í Gísa).

Úff, ég er kominn með alvarleg fráhvarfseinkenni. Miðausturlönd kalla...

(Viðbót: bætti við link á umfjöllun í Wikipediu...vona að ég sé að linka á réttan stað!)

7.000 ára borgarrústir finnast í Egyptalandi

Snjór í Jerúsalem

Já, ekki gerist þetta nú oft. Meðan ég bjó þarna suðurfrá snjóaði bara einu sinni, formlega, en ekki kallaði ég það snjó. Aðeins nokkur snjókorn svifu til jarðar og næsta dag voru þau horfin.

En ég held að fáar borgir séu jafn fallegar í snjó eins og Jerúsalem. Fáar borgir eru eins fallegar per se. En snjórinn gerir allt fallegra, og um stundarsakir gleyma menn vandamálum og erjum og horfa á hverni snjórinn hylur óhreinindi á götunum og grjótið, sem alls staðar má finna þarna.

En hin gullna Jerúsalem er hvít í dag. Megi hún finna frið.

(Mynd: Damaskus-hliðið í snjó).

Hvít Jerúsalem

Svona á ekki að vera hægt

Merkilegt myndband. Svona á ekki að vera hægt. Snilld hjá Þóri Ben að finna þetta.

Slysalegur rass?

Ja, ég hef nú ekki skoðað rassinn neitt rækilega, en mér sýnist ekki vera mikið slysalegt við hann þennan. Ég sé ekki betur en að  þetta sé bara ágætis eintak

En ég fatta ekki reyndar hvað er svona fréttnæmt við þetta...eins og svo margt sem hér birtist úr heimi fræga fólksins.

Rassinn hálfgert slys

Stormviðvörun í Írak

Varúð: á morgun verður veður til loftárása. Almenningur er vinsamlegast beðinn að halda sig fjarri bústöðum grunaðra terrorista.

Kveðja

Veðurstofa Stöðvar 2 og Bylgjunnar.

Veðurspá hjá Sigga eftir pöntunum

Um borgarstjóra: úr smiðju spekings

Fékk skemmtilega analýsu (eða Önnulísu eins og sumir kalla þetta) frá ónefndum matreiðslumanni um borgarstjóra og framferði þeirra. Ég verð að birta þetta:

Sæll Snorri,

Ég var að lesa umræður á "hvalablogginu" um borgarmál

og langar til að kommentera aðeins á það.

Dagur er umræðupólitíkus. Hann talar og talar, setur mál í nefndir og á hundrað dögum

hans sem borgarstjóra gerðist ekki neitt . Fyrri reynsla af störfum Dags í borgarstjórn

bendir til þess að í þeim málum sem ekki tekst að svæfa endanlega, séu teknar rangar ákvarðanir.

Gamli góði Villi er athafnapólitíkus. Hann tekur ákvarðanir án þess að ráðfæra sig við neinn

og er bara býsna fljótur að því. Því miður eru ákvarðanir hans flestar rangar.

Þar af leiðir; Dagur gerir færri afglöp og er því skárri borgarstjóri en Gamli góði Villi

En svona án gríns, stjórnunarhættir Villa gengu ágætlega þegar Davíð var borgarstjóri,

enda er hann leiftrandi skarpur og var að flestu leyti afar farsæll í starfi.

Gamli góði Villi hins vegar er sauður, sem virðist klúðra flestu sem hann kemur nálægt.

Ég hef nú séð margar vitlausari skilgreiningar á borgarmálunum en þessa! En hvað ætli þessi frægi matreiðslumaður hafi að segja um Ólaf F. Magnússon?

Borgarstjóri ætlar ekki á höfuðborgarráðstefnu

Toppurinn að vera í teinóttu?

Ja, það fannst amk Helga Björns & Co,

En það var ekki toppurinn í kvöld, þegar þeir feit-teinóttu fóru niður í logum gegn Arsenal, sem er nú komið heim, amk um stundarsakir.

Arsenal ku víst hafa haft mikla yfirburði (nema í upphafi síðari hálfleiks) og vann nú Newcastle 3-0 í annað skiptið á nokkrum dögum.

Keegan hefur því tapað 0-6 fyrir Arsenal á nokkrum dögum og ekki byrjar það vel.

Og Adebayor að brillera. Hann virðist sá eini sem getur haldið í við Ronaldo í markaskoruninn í PL.

Sko risann.

Arsenal náði þriggja stiga forskoti

Skiljanleg ákvörðun

Ekki mjög erfitt að stökkva á svona tilboð, ekki síst þegar hann mun þá jafnframt losna frá Liverpool.

Bjarni: „Ákveðin léttir að vera laus frá Everton“

Ástþór í forsetaframboð í Rússlandi?

" Sjálfskipaður keisari, fjórar keisaraynjur og fjöldi annarra sérvitringa hafa falast eftir að fá að bjóða sig fram í forsetakosningunum í Rússlandi í mars, að því er formaður yfirkjörstjórnar greindi frá í dag. Alls hafa borist yfir eitt hundrað framboðsbeiðnir frá "óháðum" frambjóðendum."

Ástþór í framboði, eða amk einhverjir af svipuðum toga?

En greinilega að Íslendingar og Rússar eiga margt sameiginlegt. Spurning hvort Rússar fylgja þá ekki fordæmi Kínverja og styðji okkur til setu í öryggisráðinu?

Þykjustukeisarar og aðrir sérvitringar vilja bjóða fram