7-0

Maður var nánast orðlaus í gær, að horfa á leikinn hjá Arsenal og Slavia. Og Arsenal hefði getað skorað fleiri mörk, ekki vantaði færin, en merkilega nokk kláraðu Arsenal menn færin sín betur nú en oft áður.


Gaman að sjá Walcott koma svona sterkan inn. Og Cesc var frábær að venju og Hleb heldur áfram að spila afburða vel, sér í lagi miðað við frekar slakt tímabil í fyrra. Hvergi var veikan blett að finna hjá Arsenal.

Til hamingju strákar og allir Arsenal menn.

Arsenal skoraði 7 mörk gegn Slavia Prag

Mannlíf í okt 1959: nokkur fróðleiksbrot úr Lesb. Mbl.

Úr Lesb. Mbl.

FRAMKVÆMDIR

 

• Tekið í notkun ultrastuttbylgjuskeytakerfi fyrir flug um Ísland.
• Ný lýsing sett á Keflavíkurflugvöll fyrir aðflug. Slíkt kerfi var þá hvergi annars staðar í Evrópu.
• Guðni Þórðarson blaðamaður stofnar ferðaskrifstofuna Sunnu
• Nýtt skip vígt, til að annast ferðir milli lands og Eyja. Nefndist Herjólfur.
• Ný sjúkraflugvél keypt til Akureyrar
• Nýtt varðskip tekið í notkun. Nýsmíðað frá Álaborg. Kallast Óðinn.
• Lendingarljóst sett á flugvöllinn í Vestmannaeyjum.
• Farið að selja mjólk í pappaumbúðum í Reykjavík
• Jarðskorpan á Íslandi mæld. Þykkari en menn áttu von á.
• NIðurskurður fjár á mæðiveikisvæðinu í Reykhólasveit
• Reynivallakirkjan stækkuð og endurvígð.
• Nýtt togskip, Skagfirðingur, kemur til Sauðárkróks.
• Miklabraut í Reykjavík upplýst með kvikasilfursljósum
• Ákveðið að leggja nýja vatnsæð þvert yfir borðina, frá Þorfinnsgötu að Suðurgötu. 1.680 km að lengd.

LISTIR

• Hafmeyjan, eftir Nínu Sæmundsdóttir, afdjúpuð í Reykjavíkurtjörn
• Þjóðleikhúsið tekur til starfa
• Tékkneskir tónlistarmenn halda hér tónleika
• Guðmundur Jónsson óperusöngvari fer til Vínarborgar
• o.fl.

ÍÞRÓTTIR

• Ríkarður Jónsson knattspyrnumaður fer til æfinga hjá Arsenal í 2 mánuði
• Benedikt Waage endurkjörinn forseti ÍSÍ
• Ákveðið að senda skíðamenn á Ól í Squaw Valley
• KR verður Íslandsmeistari
• Ólafur Á. Ólafsson er golfmeistari Reykjavíkur í 2. sinn
  

osfrv, osfrv. Margir skemmtilegir fréttaflokkar.

Gaman að skoða gömul blöð og sjá hvernig þetta var í den.

Eiður Smári ....eða Gudjohnsen?

Jæja, Eiður byrjar inná í kvöld.

"Eiður Smári er góður leikmaður sem stóð sig vel með okkur í fyrra en hefur verið meiddur. Hann hefur ekki leikið mikið með okkur í vetur vegna meiðslanna en hefur lagt hart að sér og fær tækifæri í kvöld," sagði Rijkaard.

Ég er næstum því 100% viss um, að Rijkaard sagði ekki "Eiður Smári...", heldur "Eidur" eða "Gudjohnsen".


Spurning að senda blm. Moggans á gæsalappanámskeið til Helgu Kress?

Eiður Smári í byrjunarliði Barcelona

Ríkarður hjá Arsenal við æfingar

Jæja, hvað hafa margir Íslendingar keppt með Arsenal?

 

Albert Guðmundsson
Sigurður Jónsson
Valur Fannar Gíslason
Stefán Gíslason
Ólafur Ingi Skúlason


Og síðan hafa einhverjir, t.d. Kolbeinn Sigþórsson, æft með Arsenal.


Ég var að fletta gamalli Lesbók Mbl, 11. október 1959, þar sem segir frá:


"Ríkarður Jónsson, hinn kunni knattspyrnumaður, fer til Englands og verður hjá knattspyrnufél. Arsenal um 2 mánaða skeið".

Ég skal viðurkenna, að ég hafði ekki hugmynd um þetta.


Ætli lengi sé von á einum...enn?

Nú verður Siggi glaður

Enda er hann ekki kallaður Siggi stormur fyrir ekki neitt.


En voðalega er þessi íslenski vetur (eða síðhaust) þreytt.is

Rigning, rigning og aftur rigning. Og síðan bætist rokið við.


Fussum svei.

Stormviðvörun við vesturströndina

Hvílíkur unaður

Svo menn snúi aftur til umræðunnar í gær; margir harðir Arsenal menn þurftu ekki að taka inn viagra í nótt, en hugsanlega hafa einhverjir þurft að létta vatni.


Jú, Spurs auðmýkt einu sinni enn.  Ef þetta boðar ekki skjálfta á Upptyppingum, þá veit ég ekki hvað.


En mikið rosalega held ég að Spurs aðdáendur hér á landi séu byrjaðir að útbúa felulitina. Feis it! Spurs getur ekkert, alveg sama þó félagið eyði og eyði í leikmenn.

 

Newcastle lagði Tottenham, 3:1

Brann Bergen

Mér finnst ekki svo mjög langt síðan, að ónefndur náungi, sem ég þekkti eitthvað aðeins, hafði samband við mig. Hann er eða var víst framarlega í stuðninsmannaklúbbi Brann, Bergen. Hann hafði það erindi, að spyrja mig hvort þessi nýi leikmaður, Kristján Sigurðsson, væri jafn lélegur og hann virðist vera skv. fyrstu leikjunum að dæma.

Ég sagðist nú ekki þekkja hann neitt sérstaklega, en miðað við genasamsetningu ætti hann eftir að sanna sig og það ágætlega. Hann myndi semsagt koma til þegar á liði og reynast vel þegar á hólminn væri komið.


Náungi þessi trúði mér svona rétt mátulega en ákvað að gefa honum séns og biðja aðra að gera það líka.


Nú skilst mér að Kristján sé dáður og dýrkaður í Brann...


Já, mikið vatn getur runnið til sjávar á skömmum tíma, ef straumar eru harðir.

Allt á hvolfi í Bergen

Upptyppingar enn og aftur

Já, í dag eru það pissufréttir og standpínur sem ríða húsum og brynna músum hér á þessum slóðum.


Já, upptyppingarnir skjálfa og nötra hér á Íslandi, en í USA eru menn byrjaðir að gefa út viðvarandir gegn því að æsa upp þarlenda upptyppinga með lyfjum.



En hvernig stendur á því, að viagra geti valdið heyrnartapi? Einn gaur sem ég þekki var einn harðasti neytandi þessa varnings og hafði það engin áhrif á heyrnina.


En ég veit ekki hvort samhengi sé á milli, en viagrað hafði meiri áhrif á ýmsar venjur hans, en t.d. fór hann að fara á Bóhem í staðinn fyrir kaffihúsin.


Svipað eins og ef ég færi að leika mér með eldspýtur og bensín. Ég myndi frekar brenna mig en fá njálg í Ashotið.

Greinilegri aðvaranir á stinningarlyf

Með lögum skal land byggja

Jæja, löggan stendur sig vel í að handsama allskonar bófa og misyndismenn, hvort sem þeir pissa á almannafæri eða keyra ölvaðir.


En svo virðist sem fleiri hafi verið gómaðir við pisseríið en stútaðir undir stýri. Greinilegt hvar mesta ógnin við íslenskt samfélag liggur.


En spurning að hafa fleiri almenningssalerni í miðbænum?

Tólf teknir fyrir ölvunarakstur og fimm undir áhrifum fíkniefna

Mikið pissað um helgina?

Þá hlýtur mikið að hafa verið drukkið.


Annars eru þessar pissufréttir orðnar þreytandi.

34 teknir fyrir brot á lögreglusamþykkt Reykjavíkurborgar