Tveir ólíkir, en af sama meiði

Jahérna. Þetta er mjög merkilegt. Tvíburar fæðast. Móðirin frá Ghana, pabbinn þýskur. Annað barnið hvítt, hitt litað.

Þetta er svona eins og með Ögmund Jónasson og Steingrím Joð. Þegar annar þeirra rekur við, kemur prumpufýla af hinum.

Mislitir tvíburar

Spænski leikurinn

kom líka upp í skák í dag á alþjóðlegu skákmóti Hellismafíunnar. Spánverjinn fór halloka þar líka, rétt eins og í leiknum hjá strákunum.

Glæsilega gert. Áfram Ísland

Ísland vann stórsigur á Spáni

Hvað er löggan eiginlega að gera?

Ja, skemmtileg mynd með þessari frétt. Af henni má ráða að löggan sé að pissa þarna úti í óbyggðum.

Drakk hann of mikið vatnslosandi te með kleinuhringjunum?

Einn handtekinn í Helguvík

Örlitlar breytingar

Björk ætti að takmarka sig við að syngja í útlöndum!

Björk ætti frekar að syngja gegn fátækt

Rakararnir þenja gúlinn

Jæja, Shaving Iceland heldur áfram frá síðasta ári með allskonar óskunda og spjöll. Nú er bara að fá Kólumbíumenn til að lána okkur eins og einn mini-kafbát, hrúga liðinu þangað og senda það til Guantanmo -- á kostnað VG auðvitað.

Stöðvuðu vinnu í Helguvík

Nafnið tryggir

Já, VG virðist lunkið að ganga í gildrur, bæði VG í Noregi og hér á Íslandi. Hið íslenska VG hefur nefnilega líka látið plata sig, jafnvel þótt enginn hafi skipulega reynt að gabba flokkinn, heldur fundið snyrtilegar sjálfskapargildrur og anað beint í þær.

En síðan anar Mogginn í allar mögulegar "gildrur" sem finnast í íslensku máli, bæði eiginlegar gildrur og síðan sjálfskapargildrur, en blaðið hefur því miður hætt að reyna að skrifa fréttir á góðu, íslensku máli. Fréttirnar eru merkilega oft illa unnar og óvandaðar, og málfarið og málfræðin oft á tíðum fyrir neðan allar hellur. Og þetta gengur svona mánuð eftir mánuð, ár eftir ár, a.m.k. á mbl.is. Og stjórnendur blaðsins virðast ekki reyna mikið a.m.k. að bæta þar úr.

Nýjasta snilldin er úr þessari frétt:

"Þá hafi blaðið ákveðið að treysta heimildarmanninum enda kom hann fram undir fullu nafni og sendi blaðinu af sér mynd."

Æ, er ekki kominn tími til að Mogginn ráði prófarkalesara sem lesi fréttir áður en þær fara í loftið? Eða þá að ráða blaðamenn sem eru betur skrifandi?

VG gekk í gildru

Bangsinn & ólympían

Jæja, nú styttist í ólympíuleikana og Bangsinn kemur til leiks í betra formi en áður. Það er glæsilegt. Maður getur eiginlega ekki ímyndað sér landsliðið, sérstaklega varnarleikinn, án Bangsa. Síðan skilst mér að hann sé ómissandi í liðið svona "móralskt séð", prakkari, eiginlega snorrískur á stundum.

EN þrátt fyrir tap gegn Spánverjum í gær held ég að liðið sé að smella saman. Levítinn átti magnaða leiki þarna um daginn og nú kemur Björgvin Gústavs inn með stæl. Nú þarf bara að dáleiða markagræðgi í Óla Stef og þá verður þetta í góðu lagi á ólympíunni.

En þar verður Bangsinn afar nauðsynlegur. Fyrir utan allt annað er það ómissandi fyrir áhorfendur að sjá þetta barnslega einlæga tröll gráta af gleði við sigur, sýna furðusvip og undra sig á hverjum einasta brottrekstri, horfa á furðusvip mótherjanna þegar þeir hrökkva af honum, osfrv.

Ég efa ekki að það sé krafa landsmanna að Fúsi fari á Ól. Hann er einfaldlega ómissandi í landsliðið. Áfram Fúsi.

„Takk fyrir mig, Eggert“