We are the Champions!! Íslandsmeistarar

Taflfélag Reykjavíkur sigraði á Íslandsmóti skákfélaga 2008. Við erum því Íslandsmeistarar!!!

En naumt var það. TR mætti Helli í síðustu umferð og þurfti 3,5 af átta. Ég skipti sjálfum mér og hinum efnilega Degi Arngrímssyni úr liðinu og í stað okkar komu stórmeistararnir Þröstur Þórhallsson og Helgi Áss Grétarsson.

En ekki byrjaði þetta vel. Mér leist illa á stöðurnar og um tíma leit út fyrir að Hellir myndi taka þetta amk 5-3 og tryggja sér þannig sigur í mótinu. En jaxlarnir í TR sýndu seiglu og höfðu þetta, unnu 4,5 - 3,5.

TRb sveit komst upp úr 2. deild og telfir í 1. deild að ári.


Liðsstjórar TR sveitanna voru:

A-b sveitir: Óttar Felix Hauksson (fyrri hluti), Snorri G. Bergsson (seinni hluti)
C-d sveitir: Kristján Örn Elíasson
E-f sveitir: Sigurlaug Regína Friðþjófsdóttir.

Áfram TR

Akstur undir áhrifum

sósíalisma er kannski ekki jafn hættulegur og margt annað sem gert er undir áhrifum slíkrar stefnu.

En maður veit aldrei?!!

Grunaðir um akstur undir áhrifum fíkniefna

Pervertismi: gömul saga frá Siglufirði

Texti sem ég þurrkaði út úr MA ritgerðinni minni forðum, en hún fjallaði um útlendinga og íslenskt samfélag 1900-1940. Hér er verið að fjalla um innflutning Norðmanna á fyrstu áratugum 20. aldar. 

 

Alvarlegasta hegningarlagabrot Norð­manna átti sér þó stað á Siglufirði 1913. Norsk­­ur vélameistari af skipinu Borðeyri var fundinn sekur um að „gaufa eitt­­hvað við rauð[a] hryssu” og hafa „það háttalag sem hann vildi hafa kyn­ferðis­um­­­gang við hrossið.” Annað vitni að athæfi Norð­manns­­ins sá „í sjón­auka... glöggt að hann hafði þar viðleitni í fr­am­an­­greinds fram­ferðis við hrossin, hvert ept­ir annað, sá hann þannig glöggt í sjón­­auk­ann, er hann mið­aði upp um hross­in, og er einnig að hann hafði bræk­ur niðri og hneppti þær.” Vitni voru sammála um, að óljóst væri um árangur manns­ins af þessu at­­ferli sínu. Maðurinn var færður til læknis­skoðunar og komst héraðs­læknir­inn á Akureyri að þeirri niðurstöðu, að vélameist­arinn væri bæði heil­brigður á líkama og sál, en mjög drukkinn.[1] Sök­­um alvar­leika athæfisins var málið bor­ið á borð Einars Arnórssonar ráð­­herra, sem lét í ljós skoðun sína á mál­inu. 

Sterkar líkur —þó naumast full sönnun— eru fyrir því að að norðmaður­inn [NN] hafi gjört sig sekan í tilraun til brots gegn 178. gr. hegningar­lag­anna. Hins vegar er það sannað að kærði þennan dag var útúr drukk­inn og held­ur hann því fram að hann muni ekkert eptir sjer mikinn hluta af þeim degi og að hann minnist alls ekki að hafa aðhafðst um­ræddan glæp eða gjört tilraun til þess. Maðurinn fær gott orð, á konu og börn í Noregi og lifir góðu heim­ilislífi.     Þar sem allar líkur eru til að maður þessi hafi verið viti sínu fjær, er hann gjörði umræddar tilraunir, virðist mjer full ástæða til eptir at­vikum að máls­sókn sje slept. 

Skoðun Einars Arnórsonar var hafnað af Klemens Jónssyni landritara, sem taldi það „alveg forsvaranlegt að láta málssókn falla niður. En áfall­inn kostnað verður á­kærði að greiða.”[2] Lyktir málsins urðu þó þær sem ráð­herra boðaði.

[1] ÞÍ. Stj. Ísl. I, db. 4/43: Afskrift frá lögreglurétti Eyjafjarðarsýslu og Akureyrar, 23. ágúst 1913.

[2] Sama heimild, ráðherra til Klemensar Jónssonar, 25. sept. 1913. Handskrifuð athugasemd Klemensar.

Hafði mök við dömureiðhjól

Úff, kannski ekkert skrítið

Miðað við þessa mynd er ég ekki hissa þó stelpan klári þetta.

Ásdís Rán komst á toppinn í gær

Ótrúlegt kvöld

Mikið gekk á. Við TRingar a-sveit lentum í vandræðum. Við misstum tvo menn út, tvo stórmeistara reyndar; þá Friðrik Ólafsson og Þröst Þórhallsson.Í stað þeirra komum við Dagur Arngrímsson, tilvonandi alþjóðlegur meistari.

Ekki leit þetta vel út. Ég fékk reyndar fína stöðu og vann peð, og síðan skákina nokkuð auðveldlega. En stöðurnar á öðrum borðum voru ekki uppörvandi. Þegar þetta var hálfnað leit allt út fyrir sigur Hauka amk 5-3. Ekki bætti úr skák þegar Jón Viktor Gunnarsson reyndi að svíða steindautt jafntefli gegn Ágústi Sindra og tapaði. En undrin gerðust. Arnar Gunnarsson sneri á sinn andstæðing glæsilega og vann, Dagur Arngrímsson vann, en mótherji hans lék illilega af sér og tapaði. Hannes Hlífar hafði ekki fengið neitt sérstakt úr stöðunni og vonaðist ég eftir jafntefli. EN þá fórnaði hann skiptamun og vann glæsilega. Nataf hafði samið með svörtu, en stöðurnar voru erfiðar, jafnvel tapaðar hjá bæði Stefáni Kristjánssyni og Luis Galego. Stefán hafði fengið nánast tapað úr byrjuninni, en hann varðist vel, þó tíminn væri naumur. Hann átti um tíma eftir 17 mínútur á skákina, en mótherji hans 1,15 klukkustund. Svo fór að lokum að Stefán varðist eins og berserkur og skyndilega var mótherji hans kominn í tímahrak, gleymdi sér og féll á tíma. Galego tapaði.

Niðurstaðan 5,5 - 2,5 fyrir TR. Glæsileg úrslit, amk miðað við stöðurnar á borðinu.


b-lið Hellis sigraði síðan Fjölni sem skartaði Héðni Steingrímssyni og fjórum erlendum keppendum. B-lið Hellis var reyndar mjög öflugt, en þetta var glæsilega gert.

Og Stefán Bergsson (S. Bergsson yngri) sigraði egypskan stórmeistara fyrir b-lið Akureyrar. Glæsilegt. Og af þeim sökum hefur TR 2 vinninga forskot á Helli þegar 2 umferðir eru eftir. Og núna á eftir fær TR a SA b og ætti að vinna stórt, sömuleiðis helstu keppinautarnir í Helli, en þeir fá veikt lið Eyjamanna.

En þetta er orðið spennandi. Áfram T.R.

TR með tveggja vinninga forskot

Solid 9% stuðningur

Allt á uppleið!

En ég skil vel þá sem kusu á móti. Þetta er meira klúðrið hjá Villa. En samt, allt er betra en rugl-listinn sem stjórnaði hér í 100 daga.

Aðeins 9% treysta borgarstjórn