Næstu mál á kosningadagskrá Hafnfirðinga

1. Á að leggja af Hafnarfjarðarbrandara?

2. Á að sameina FH og ÍH?

3. Eiga FHingar að hætta að leika í Tottenham-búningnum?

4. Á Lúðvík bæjarstjóri að fá sér ný gleraugu?

 

Og þetta ætti að endast fram á haustið. Þá má halda áfram. Virkt íbúalýðræði!!!

Erfið ákvörðun en nauðsynleg

Falklandseyjastríðið

Ég varð mér úti um tvo merkilega þætti um daginn: Discovery Channel að fjalla um Falklandseyjastríðið. 

En þótt maður harmi mannfall, þá skil ég ekki hvað Bretar eru að velta fyrir sér hvað Argentínumenn vilja gera. Þeir byrjuðu þetta stríð, með því að ráðast inn á breskt landsvæði, og létu öllum illum látum, fyrst og fremst til að láta almenning lítast aðeins betur á herforingjastjórnina.

En þar að auki finnst mér, að Argentinumenn séu ekkert of hrifnir af því að rifja þetta stríð upp, og það á líka við um herforingjastjórnina.

Ef Argentínumenn hafa áhuga á því að halda minningarathöfn, ætti hún að fara fram í Argentínu, ekki á bresku svæði.

Bretar lýsa yfir iðrun vegna þeirra sem létust í Falklandseyjastríðinu

Friður

Smella á myndina til að stækka 

Angela Merkel og Mahmoud Abbas funda um friðarmál í Ramallah

Hlýnun jarðar: getur þetta verið aðalástæðan?

En síðan kemur úrslitaspurning í Géttú bétúr: Hvernig komst ísbjörn yfir mörgæs?

Fremsti íþróttamaður heims?

Það væri ekki svo fjarri lagi. Þetta er einstakt afrek.

Phelps með sjöundu gullverðlaunin og heimsmet

Lélegur spaugstofuhúmor

Ótrúlegt að Spaugstofan sé núna sokkin niðrá "prumpubrandara". Ótrúlega lélegt. Ég hætti að horfa þegar Viðrekstrarstjórnin kom á skjáinn.

En greinilega hafa einhverjir Suðurnesjamenn "fýla-ð" þennan húmor. Ég fílaði hann amk ekki, gekk alltof langt.

Mér sýnist Spaugstofan við það að sökkva í sæ. Leiðilegur endir á almennt séð ágætis þáttum. En nú verður Ragnar Reykás bara að koma fram og redda þessu fyrir Prumpstofuna.

Sekt vegna vindgangs

Stöð 2 hækkar

Jæja, þá hækkar Stöð 2.

Persónulega skil ég ekki þessar ástæður. Aðkeypt efni hækkar? Maður gæti skilið það svosem, ef þetta "aðkeypta efni" væri af einhverjum klassa. Mér sýnist þetta nú aðallega vera B-flokks efni frá USA, "fjöldaframleitt" úr verksmiðjum Hollywood, andlaust og marklaust: Efni sem skilur ekkert eftir sig, en drepur tímann hjá þeim sem ekki eiga bækur eða eru latir að lesa.

Innlend dagskrárgerð? Bíðiði hæg! Hef ég misst af einhverju? Var ekki Stöð 2 að minnka innlenda dagskrárgerð, m.a. með því að loka morgunsjónvarpinu? Hvaða nýja efni er Stöð 2 að framleiða? Einhverra hluta vegna hefur það farið framhjá mér. Það getur þá varla verið mjög gott.

Launahækkanir? Það má vel vera. En manni hefur fundist, að starfsmönnunum væri að fækka. Að minnsta kosti tekur maður ekki eftir að nein lúxusviðbót eigi sér stað hjá Stöð 2. En auðvitað er gott ef fyrirtæki gerir vel við starfsmenn sína.

En í öllu falli hlýtur fyrirtækið að vera að gera eitthvað vitlaust, því framboð af efni er ekki það mikið og enn síður gott, að maður hafi áhuga á að kaupa áskrift. En ég skal endurskoða þá ákvörðun, þegar Enski boltinn er kominn "heim"!

Áskrift að Stöð 2 hækkar um 9%

Álverið ekki stækkað

Jæja, þá er þetta mál loksins búið, í bili amk. Það er aðalatriðið. Maður var orðinn verulega þreyttur á þessu.

En ekki var nú munurinn mikill, innan við hundrað atkvæði.

En jæja, fyrir nokkrum árum kusu Reykvíkingar flugvöllinn burtu, en landsbyggðar menn hafa verið að andæfa.

Nú segi ég bara eins og Hafnfirðingar: þetta er okkar local mál. Okkar deiluskipulag. Mind your own business.

En verður ekki bara hægt að flytja flugvöllinn þangað sem álverið stendur nú, eftir 2014?

Hafnfirðingar höfnuðu stækkun álversins