Breaking news: KK og Magnús Eiríks með stórtónleika í Shanghai!

Kristján Kristjánsson (KK) og Magnús Eiríksson verða með tónleika í Shanghai Grand Theater á laugardagskvöldið. Mikið er greinilega að gerast þarna austurfrá, en Óttar Felix Hauksson í Zonet, en KK og Maggi eru þarna austurfrá á hans vegum, var einnig að gera stóran dreifingarsamning við Kínverjana.

Þetta er farið að líta alveg stórglæsilega út hjá Óttari. Óska ég honum til hamingju, og "strákunum okkar" þarna í Shanghai.

Er búið að skrá VG?

Maður bara spyr!

Ætla má að um 20% af fornleifum í landinu hafi verið skráð

"McDonalds mentality"

Þetta er e.t.v. dæmigert fyrir USA Today. Ömurlegt að sjá hvernig Kanarnir nærast á lífi fræga fólksins. Hér eiga að vísu Bretar í hlut, en markaðurinn er bandarískur.

Addi bé og Karl Bretaprins kalla þetta eflaust McDonalds mentality.

Veruleikaþættir um Beckhamhjónin í Hollywood

Norðurlandsáhrifin?

Þetta virðist eiga ágætlega við alþingismenn hér heima. Sumir þingmenn sunnanlands og vestan virðist ekki bifast úr þingstólum, meðan þeir fyrir norðan og austan detta inn og út eftir því hvernig vindur blæs hverju sinni.

 

Sunnlendingar lífsseigari en norðanmenn

Var skitið í matinn, eða...?

Merkilegt þetta:

Aðalsmitleiðin er með saur-munn smiti, ýmist beint eða óbeint, samkvæmt upplýsingum frá landlækni.

Hvernig á maður að skilja þetta? Átti þessi starfsmaður að hafa látið gossa í matinn, eða hvernig er annars "saur-munn" smit mögulegt (án þess að vera dónó)?

Beyoncé Knowles gæti hafa smitast af lifrarbólgu A

Ég vil líka treysta löggunni...

...og geri það reyndar. Ég hef enda lítið að óttast svosem, enda Íslendingur, hvítur á hörund og afar lítið áhugasamur um lögbrot. Ég hef aðeins tvisvar fengið sekt fyrir að brjóta umferðarreglur, svo ég muni, annað skiptið ók ég á 61 km hraða, þar sem hámarkshraði var 50 km, og hitt skiptið lenti ég í árekstri og fékk sekt fyrir að brjóta lög um biðskyldu. Síðan var ég stöðvaður fyrir að fara yfir á gul-rauðu og voru þar fjórir lögreglumenn inn í "van"-bíl. Sá þeirra, sem "yfirheyrði" mig var þá svo dónalegur, að hinir veifuðu leik áfram. Ég hefði kært þann mann alveg hiklaust, hefði ég fengið sekt.

Ergo: ég er því ólíklegur til að valda lögreglunni miklum vandamálum. En stundum virðist það ekki duga. Ég nefni til dæmis söguna, sem ég sagði um daginn af vinu mínum, sem fékk á sig nokkrar gusur vegna húðlitar síns, og síðan er sagan um 19 ára stúlkuna, sem var lúbarin af löggunni, eftir að hafa verið tekin í misgripum á skemmtistað og hent út á götuna með látum.

Engu að síður treysti ég löggunni ágætlega. Flestir lögreglumenn sinna starfi sinni mjög vel. En innan um eru rotin epli.

Embætti ríkislögreglustjóra gerir athugasemd við fréttaflutning

Kratar í tímahraki

Ég kaupi ekki þessar skýringar. Sjálfstæðismenn skipulögðu landsfund sinn sl. sumar og höfðu þá tekið frá þessa helgi. En síðan kemur Samfylkingin fram, með skömmum fyrirvara að því að virðist, og setur eigin landsfund ofaní landsfund Sjálfstæðisflokksins.

Og engin önnur helgi laus? Hvað með einhverja af síðustu helgum? Voru þær ekki lausar, þegar Samfó kíkti á dagatalið fyrir einhverjum mánuðum síðan? Eða gleymdist að skipuleggja landsfundinn með nægjanlegum fyrirvara?

En hafa ber í huga, að sl. helgi voru Vinstri grænar með landsfund, þar sem femínismi var inntakið. Og auðvitað setja kratarnir stórfund femínistadeildar flokksins þar beint ofaní.

Greinilegt er, að Samfó er í kynningarvandræðum.

1. Kratarnir reyna að draga úr athygli fjölmiðla á landsfundum annarra, með því að standa fyrir uppákomum á sama tíma.

2. Kratarnir fatta ekki, að femínistadeildarfundur Samfó vekur minni athygli en landsfundur VG, og að landsfundur Samfó vekur minni athygli en landsfundur Sjálfstæðisflokksins - stærðarinnar vegna.

Því langar mig að spyrja: er þetta sniðugt "PR-múf" hjá Samfó, eða hræðileg "PR-mistök"?

„Var eina helgin sem var laus"

Gott að búa í Kópavogi?

Hvað ætli Skúli rafvirki segi við þessu?

Rafmagnslaust í hluta Kópavogs

Steingrímur, netlöggan og Mogginn í dag

Ég ákvað að reyna að lesa þetta. Tímasóun. Steingrímur verður að gera betur en þetta til að sannfæra mig, og greinilega fjölda annarra, um, að netlöggukvótið hafi verið misskilið eða rifið úr samhengi, eða bara allt í lagi.

Nú væri gaman að taka skoðanakönnun og meta, hversu netlöggumálið hafi haft áhrif á fylgi Vinstri grænna. Menn hafa verið að henda á milli sín 5-10% fylgistap vegna þessa, þar eð hér hafi komið í ljós hin rauða hönd kommúnismans, dulbúin og aðeins milduð í ljósi nýrra tíma. Forræðishyggja Vinstri grænna nær nefnilega ekki aðeins til netsins, heldur flestra mála í samfélaginu. Íslendingar eru heimskir, og því þarf að hafa vit fyrir þeim, er í raun og veru innihald þjóðmálastefnu VG.

Skrítið að svo margir kjósendur skuli velja flokk, sem segir að þeir séu fífl?

 

Dýrt í strætó!

Ódýrara að kaupa sér bara Skoda.

Eyddi 300 þúsund kr. á þrem vikum