Magnaður leikur

Ok, ég væri ekki að segja satt ef ég segði, að úrslitin væri aukaatriði, þegar þessi tvö mestu stórveldi enskrar knattspyrnu síðustu 20 árin leiða saman hesta sína.

Manchester United og Arsenal eru sigursælustu liðin frá stofnum úrvalsdeildarinnar. United hefur unnið 375 leiki og hlotið samtals 1.258 stig en Arsenal hefur unnið 316 leiki og innbyrt 1.107 stig. Í lið Arsenal vantar á morgun þá Robin van Persie og Phillipe Senderos en hjá United vantar Gary Neville, Mikael Silvestre, Paul Scholes og Park Ji-Sung.

Ég sá einhvers staðar þá tölfræði, að Arsenal hefði hlotið flest stig allra enskra liða í efstu deildinni ensku, en hins vegar hefur Liverpool unnið titilinn æði oft, en síðan hrunið niður í meðalmennskuna ða milli! Man Utd og Arsenal eru hins vegar yfirleitt við toppinn, jafnvel þegar þeim "gengur illa". Það gerir þessi tvö lið svo sérstök: stöðugleikinn. Þau eiga nær alltaf á frábærum liðum að skipa, sem enda ógjarnan neðarlega eða fyrir miðju, jafnvel þegar þau eru í öldudal.



Liverpool mætti gjarnan setja í þennan pakka, nema hvað þar virðist óstöðugleiki hafa hrjáð félagið á stundum og hefur ekki unnið enska titilinn frá því á níunda áratugnum. Síðan þá hafa Man Utd, Arsenal, Chelsea, Leeds og Blackburn unnið, og í þessari röð hvað fjölda snertir.


Arsenal ætti að teljast sigurstranglegra núna; liðin eru jöfn á stigum en Arsenal á leik til góða. Arsenal hefur jafnframt verið að spila mjög vel heilt yfir litið, en Man Utd er að koma til baka eftir afleita byrjun. Og Arsenal er á heimavelli.

En þessi leikur er eins og bikarleikur; staðan í deildinni skiptir engu máli þegar Arsenal og Man Utd leiða saman hesta sína. Tvö bestu liðin í dag, tveir bestu þjálfararnir, stærstu vellirnir, flestir stuðningsmenn, osfrv. Og liðin eru semsagt tvö ríkustu félög Bretlands og 2 af þremur ríkustu (minnir mig, eða tvö af fjórum) í heimi, þ.e. miðað við tekjur á ári. osfrv.

En allt þetta skiptir engu máli þegar á völlinn er komið. Í fyrra vann Arsenal í báðum leikjunum, en endaði með 21 stigi minna en Man Utd. Staðan í deildinni skiptir því engu máli.

Fyrir nokkrum árum áttust þessi lið við, og þá fór jafntefli. Þetta var árið sem Arsenal vann dolluna án þess að tapa leik. Man Utd komst næst því, en Ruud van Nistelrooy, a.k.a. Hrossið, brenndi af víti og ýmislegt fleira gerðist þarna, t.d. brottrekstur og ásakanir um leikaraskap, osfrv.

Ég var þá staddur á Akureyri í viðskiptaerindum og sat á litlu hóteli í miðbænum. Þá hafði verið ófært suður og á sama litla hótelinu voru engir aðrir gestir en ég og liðsmenn Sálarinnar hans Jóns míns, Stefán Hilmarsson og félagar. Stefán er semsagt Arsenal maður, ef ég veit rétt.

Nú, eftir hið umdeilda atvik heyrði ég útundan mér Stefán vera að tala um að Eyjólfur Kristjánsson væri að missa sig út af þessu atviki og síðan fylgdi eitthvað á eftir, sem ég man ekki gjörla. En Eyfi er semsagt Man Utd maður, ef ég skil þetta rétt.

Stebbi og Eyfi ættu þó að geta komið saman á morgun, raulað Nínu til að hita upp fyrir leikinn og síðan kvatt sáttir, jafnvel þótt annað liðið tapi...eða geri jafntefli þrátt fyrir að "hafa átt að vinna", eins og menn segja gjarnan.

En ég ætla að horfa á Arsenal Man Utd frá því í ársbyrjun 2007 til að hita upp fyrir leikinn, þegar Rooney skoraði fyrst fyrir Man Utd, en Robin van Persie jafnaði rétt fyrir leiksloks og Thierry Henry skoraði sigurmarkið í uppbótartíma.

Ef þetta kemur manni ekki í rétta stemningu, veit ég ekki hvað gerir það. Áfram Arsenal.

 

Mikil spenna fyrir leik Arsenal og Man.Utd.

Garðbæingar smitaðir?

Ja, þetta gæti amk skýrt af hverju þeir eru svona skrítnir?


En jæja, ok.

Það sem ég vildi sagt hafa er í eftirfarandi samhengi:

 

"Ekki verður tekið sýni úr hræinu til að ganga úr skugga um hvort það hafi verið smitað, þar sem ekki er aðstaða til þess hér á landi að rannsaka slíkt."

 

Ok, hvers vegna í ósköpunum er ekki slík aðstaða fyrirliggjandi á Íslandi. Hvers vegna þarf að senda sýni til útlanda til að fá úr því skorið, hvort menn séu með þetta eða hitt í blóðinu eða DNA osfrv.


Á þessum dögum, hvernig stendur á því að við erum enn svona tæknilega fatlaðir á mörgum sviðum? Þetta getur nú varla verið svo dýrt?

Viðbúnaður vegna gruns um miltisbrandssmit í Garðabæ

Nú er mér nóg boðið!

Internetið komst í lag á þriðjudagseftirmiðdag, hér á skrifstofunni, eftir að menn á vegum Rafhönnunar höfðu skorið á það á föstudagskvöldið og farist fyrir að tengja það aftur. Þeim er þó vorkunn, því þeir vissu ekki af minni snúru. Svona gerist. Shit happens!


En ég þarf síðan að borga reikninginn frá Símanum fyrir að lagfæra skemmdir sem menn Rafhönnunar ollu.


En jæja, Rafhönnun er fínt fyrirtæki með gott starfsfólk, sem að jafnaði er til fyrirmyndar í samskiptum og afskaplega elskulegt. En á milli eru rotin epli, eins og maður var að komast að núna, þegar nákvæmlega 10 ár eru síðan ég flutti hingað í húsið.

Internetinu / símanum hefur þrisvar slegið út hjá mér á þessum árum, í hvert skipti þegar verið var að vinna í símasysteminu á vegum Rafhönnunar. Í fyrsta skiptið var þetta lagað strax og engin vandamál. Í annað skiptið, sl. apríl, urðu vandamál og tók þetta viku, uns menn frá Símanum löguðu, því Rafhönnun sagðist ekkert hafa með þetta að gera.


Nú urðu vandamál, ekki síst hvað snertir samskiptin við ónefndan mann með Marteins Mosdals klippinguna. Hann hótaði mér um daginn, t.d. að bera mig út (ég veit ekki fyrir hvaða sakir), og var að saka mig um að sofa hér á skrifstofunni, osfrv. Auðvitað tóm della, þetta er nú ekki beinlínis svefnleg skrifstofa og varla að ég komi fyrir stól, hvað þá rúmi.


En jæja, nú fór hann að bera af sér sakir frá apríl málinu og sagði: "Þetta var símafyrirtækinu að kenna". Þá vitnar hann í gömlu lygasöguna, sem hér var í gangi hjá Rafhönnun og menn trúðu, og reyndu greinilega ekki að leiðrétta, þrátt fyrir að ég hefði komið fram með leiðréttingu.


Málavextir eru þessir:


Skv. Rafhönnunarmönnum bilaði símatengingin hjá mér af því að ég hefði þá verið nýbúinn, á umliðnum dögum að skipta um símafyrirtæki. Þess vegna hefði þetta fokkast upp.

Snilld!

a) þó svo hefði verið, myndi það engin áhrif hafa á tenginguna. Ég hefði áfram són, ég hefði bara borgað öðrum aðila fyrir þjónustuna

b) ég skipti síðast um símafyrirtæki, þegar ég fór frá Símanum (man ekki hvað fyrirtækið hét þá - Póstur og Sími?) og skipti yfir í Íslandssíma, sem þá hét og var Eyþór Arnalds þá forstjóri! Það var svoooooooo langt síðan. En það gerðist ekki í apríl 2007, eins og Rafhönnunarmenn héldu fram. 


Þessi lygasaga Rafhönnunarmanna er ennþá í gangi hjá þeim og menn virðast enn trúa þessu. Og síðan kemur Marteinn Mosdal lookalike með þetta bull og leiðindi, sakar mig um að hafa skammað rafvirkjana sem skáru hjá mér á línuna. Jú, það gerði ég, ekki síst þegar einn þeirra hló að mér og fannst þetta greinilega fyndið að ég hefði misst samband. En ég starfa á netinu og hef mikla hagsmuni fólgna í að hafa netið í lagi.

Hinir tveir voru fínir, og höfum við talað saman síðan í mesta bróðerni og engin vandamál. En annar þeirra var orðinn þreyttur á því að ég væri að kvarta yfir þessu og nefna að ég hefði hér orðið fyrir skaða. Og við æstum síðan hvorir aðra upp...að miklu leyti fyrir misskilning. Þetta gerist. Þeir æstu mig ekki síður upp en ég þá.



Mosdalsmaðurinn tók því aðra hliðina á málinu sem heilagan sannleika og fór að breiða þá sögu út hér í húsinu að ég væri dóni og ruddi (að því að mér skilst), amk fór hann í leigusalann minn með svona ásakanir.


Þessi sami maður hótaði mér útburði fyrir það eitt að kvarta yfir því að menn á þeirra vegum hefðu skorið á símann minn og valdið mér skaða.

Mér þykir vænt um Rafhönnun. Þetta er gott fyrirtæki, sem er vel rekið og vel staðið að flestum málum amk. Reyndar dáist ég að því, hvernig þeir hafa eflt fyrirtækið og skapað því sterkan starfsgrundvöll. Ég set fyrirtækið hiklaust, þrátt fyrir allt, í hóp minna "eftirlætis fyrirtækja". En þetta rotna epli er farið að úldna og engu breytir þó hann hafi í morgun verið kominn með nýja hárgreiðslu.

Og það sárgrætilegasta er, að þessi maður er sá, sem mér hefur fram að þessu líkað einna best við af mörgum afar skemmtilegum mönnum hjá fyrirtækinu og hefur hann alltaf verið kurteis og mjög skemmtilegt að mæta honum í stiganum.

Mér finnst slæmt að hann skuli ekki kunna sig, ekki vilja skoða mál frá báðum hliðum og halda áfram að útbreiða og trúa heimskulegri lygasögu. Það segir sitt, að málstaður hans þoli ekki dagsljósið og að skríða verði í skjól lyga til að halda andlitinu. Og mér þykir slæmt, að maður sem ég hef alltaf talið afbragðs mann, skuli ekki geta tekið betur á málum.

Staðreyndin er, að það er víst (að mér skilst) ólöglegt að skera á símalínur annarra (amk án þeirra leyfis), og ef svo gerist fyrir mistök, er lágmarkið að reyna að laga þetta. En það var ekki gert. Ég þurfti að fá mann frá Símanum til að græja þetta og borga sjálfur fyrir viðgerðina.

Ég skil hreinlega ekki, hvers vegna Rafhönnun getur ekki bara beðist afsökunar og a.m.k. borgað reikninginn, sem til hlaust fyrir þær skemmdir, sem menn á þeirra vegum unnu. Látum vera skaðabætur fyrir tapaðan vinnutíma, mér dettur ekki í hug að þeir láti sér detta í hug að skoða svoleiðis mál, amk ekki meðan Mosdalsmaðurinn (sem ég vil ekki nafngreina - því hann er ágætis náungi að öðru leyti) hefur eitthvað að segja um málið.


Í apríl var nánast ómögulegt að vera hér á skrifstofunni í heila viku eftir að netið komst þó á, því menn voru að gantast með "söguna" og voru að hlæja að mér fyrir að hafa sjálfur orsakað slitin með því að skipta um fyrirtæki. Þessi lygasaga hefur því aldeilis valdið skaða og kominn tími til að menn, sem bera ábyrgð á henni, biðjist afsökunar, að minnsta kosti.


En hvernig ætli mér vegni hér á næstu dögum. Ætli það verði ekki ólíft á næstu dögum eins og síðast?

Óspektir og ölvun - en ekkert pisserí í ríkissjóð

Ég er alveg hneykslaður á mönnum, að fara á fyllerí og vera með óspektir, en láta hjá líða að míga hressilega nokkur hundruðum þúsunda króna í ríkissjóð. Gátu menn að minnsta kosti ekki hent dálitlu af rusli á stræti borgarinnar til að efla ríkissjóð eða ferðasjóð Lögreglukórsins?


Hvert stefnir heimurinn eiginlega?

Mikið um ölvun og óspektir í borginni í nótt

Þjóðaröryggi í hættu?

Ég er nú svoldið forvitinn. Hvað stendur fyrir dyrum svo alvarlegt, að það þurfi að grípa til svona aðgerða? Er þetta kannski bara æfing, eða hvað er eiginlega í gangi? Er kannski von á Tottenham til landsins í æfingaferð?

En hitt er svo annað mál, að ég er ekkert sérlega hrifinn af þessu Schengen dæmi.  Þá þurfa glæponar og allskyns hyski bara að komast til einhvers ríkis Schengen og eiga þaðan greiða leið til Íslands. En sem betur fer stendur Bretland utan Schengen, ef ég man rétt, og því er auðvelt að halda t.d. Tottenham leikmönnum frá landinu, kæri menn sig um

Svo ekki sé talað um ofbeldisprédikandi múlla og múfta.

Eftirlitið hert vegna ógnar við þjóðaröryggi