Vinstra brosið í Samfó

Eru hægri kratar að flýja Samfó? Ok, við höfum bara tvo "þungavigtarkappa" hér, þá fóstbræður Jón Baldvin og Jakob Frímann, en hér á blogginu held ég að Ómar bloggfélagi falli undir þetta, þó ég viti í raun voðalega lítið um hans pólítísku skoðanir, en ég veit að hann var krati, skilst mér á öðrum bloggunum, en vill ekki kjósa Samfó, alls ekki. Ég var að horfa á Jakob í Silfrinu og staðfesting það, sem maður grunaði, að hægri kratarnir úr gamla Alþýðuflokknum séu óánægðir í Samfó.

Það kemur svosem ekkert á óvart. Samfó hefur verið að færast til vinstri. Ég veit jafnvel um nokkra hægri krata sem eru í vandræðum vegna þessa. Þeir vilja halda trúnað við Samfó, en eiga svolítið erfitt með það og myndu jafnvel frekar kjósa Jón Baldvin í einhvers konar hægri-krata framboði, jafnvel undir merkjum gamla Alþýðuflokksins.

En það besta við þetta er, að maður hefur frétt af ýmsum krötum, sem ætla að kjósa Sjálfstæðisflokkinn í næstu kosningum, sumir hverjir fyrst og fremst til að  refsa Samfó fyrir vinstra brosið. En ég veit bara um einn sjálfstæðismann, sem ætlar að kjósa Samfó, það er Ellert B. Schram, þó hann sé nú hugsanlega orðinn krati. Og síðan er Reynir Harðarson í CCP, sem segist enn vera sjálfstæðismaður en er í framboði fyrir Samfó. Spurning hvað hann ætlar að kjósa?

En nú bara að fá fleiri hægri-krata til að kjósa eina hægri-flokkinn á Íslandi í vor.

1. aðgerð Jafnréttisstofu

yrði þá að mótmæla því, að þrjár konur eru í fjögurra "persóna" forystu VG, en aðeins einn karl. Bullandi misrétti.

Spurning hvort VG standi ekki bara fyrir Vinstri-Grænar?

VG vill veita Jafnréttisstofu auknar heimildir til eftirlits með fyrirtækjum

Þeir sem stelpurnar elska deyja ungir?

Næst þegar menn...sjúddírarírei...ættu þeir að pæla í því, hvað þetta kosti margar vikur af lífstrénu?

Langlífur vegna skírlífis?

Stefnir í framboð JB og Ecoistanna?

Það skyldi þó aldrei vera, og hugsanlega með Sverrisdóttur innanborðs?

Jakob Frímann genginn úr Samfylkingunni

Lítt marktæk skoðanakönnun

Merkilegt er það nú, hversu fáir virðast vera tilbúnir að tilkynna fyrirspyrjendum í síma, hvaða flokk þeir ætli að kjósa í komandi kosningum. Meiri hlutinn virðist, samkvæmt þessu, ekki enn hafa tekið endanlega afstöðu, eða a.m.k. neita að láta neitt í ljós. Mig grunar reyndar, að hluti þessa hóps hafi tekið afstöðu, en ákveði að þykjast enn vera á báðum áttum. Annað væri ótrúlegt.

Engu að síður má ráða af þessu, að Sjálfstæðisflokkur sé nokkuð stöðugur með fylgi frá 35-40%, ef miða má við síðustu skoðanakannanir, með eilitla fylgisaukningu frá kosningunum 2003 og vísast einn þingmann í gróða. Samfylking tapar fylgi frá kosningum og missir c.a. 3-5 þingmenn, eftir því hvaða könnun á í hlut. Vinstri grænar bæta við sig miklu fylgi og eru jafnháar Samfylkingu, báðir flokkar með 15 þingmenn. Frjálslyndir sitja í sama fari og í síðustu kosningum og virðist nú hin óeðlilega fylgisaukning þeirra í könnunum fyrir jól hafa skilað sér til baka til Framsóknar, sem bætir við sig um það bil sama fylgi og Frjálslyndir týndu á síðustu vikum. En varla geta framsóknarmenn verið sáttir við 5 þingmenn og 8,8% fylgi. Mig grunar þó, að þeir eigi eftir að bæta aðeins við sig, vísast á kostnað annars sósíalistaflokksins.

Samkvæmt þessu er stjórnin fallin, eins og búast mátti við. En jafn ljóst er, að sósíalistaflokkarnir tveir ná ekki meiri hluta, og yrðu að treysta á frjálslyndar hækjur til stjórnarmyndunar, en það hafa þeir báðir aftekið og borið við meintum rasískum fantasíum frjálslyndra hvað það snertir.

Ef niðurstöður þingkosninganna í vor verða með þessum hætti má ætla, að nú sér spurningin aðeins sú, hvaða "hækju" Sjálfstæðisflokkurinn kýs að styðjast við í næstu stjórnarmyndun?

Fylgi VG og Samfylkingar mælist álíka mikið í nýrri könnun

Lokaniðurstöður skoðanakönnunar um Stóra klámmálið

Jæja, þetta hefur nú staðið í 40 klst. 139 hafa svarað. Niðurstaðan er eftirfarandi við eftirfarandi spurningu:

Var rétt að hrekja klámhundana burtu?

Já, auðvitað: 24,5% Aðeins virðisaukaskatturinn skilaði sér, þrátt fyrir leiðandi spurningu.

Nei, auðvitað ekki: 69,8% Jæja, nokkuð hressilegur meiri hluti ósammála "þjóðinni".

Hlutlaus: 5,7% Svona eins og fylgi Frjálslynda flokksins þessa dagana.

 

Jæja, ef eitthvað er að marka þetta má segja, að mikill meiri hluti þjóðarinnar, sem VG og fleiri telja að hafa verið samstíga í að hrekja þessa klámhunda á braut, er andvígur þessum málalyktum.

Hvað ætli femínistarnir segi núna?

 

Stytting vinnutíma

Ég fatta ekki þær röksemdir sumra hér á blogginu, að framleiðsla aukist í þjóðfélaginu með styttingu vinnutíma. Eina röksemdin við svona tillöguflutning væri sú, sem borgarstjórn Rvk kom með 1932 og leiddi til fjöldamótmæla, og síðan fjöldaslagsmála, sósíalista við lögreglu í svokölluðum Gúttóslag. En hér er hvorki atvinnuleysi né kreppa, ja, a.m.k.  ekki meðan sósíalistaflokkum er haldið frá stjórn.

Til að viðhalda nákvæmlega sömu framleiðslu og nú, þarf um það bil nákvæmlega jafn margar vinnustundir. Ekki nema ég hafi misskilið eitthvað hrapallega. Ef það tekur þrjá menn 10 klst að framleiða varning X, en við styttingu vinnutíma í 8 klst, vantar 3x2 klst. til að ljúka verkinu. Og þá fá vitanlega hinir mörgu atvinnuleysingjar atvinnu til að fylla í skarðið. Nei, reyndar ekki, því hér er meiri eftirspurn eftir vinnuafli en framboð. Hins vegar er mikið atvinnuleysi í ESB löndunum, þangað sem Samfylkingin horfir.

Það eina sem ég fæ út úr þessu er, að Samfylkingin sé hér að lýsa yfir áhuga á, að skapa aðstæður fyrir enn meiri innflutningi útlendinga, þ.e. Íslendingar eiga semsagt að vinna minna til að leggja sitt af mörkum til að minnka atvinnuleysi í ESB, eða öllu heldur á EES svæðinu. Þetta kemur að vísu heim og saman við hótanir Össurar um, að hrekja fyrirtæki úr landi, t.d. banka, og skapa þar með atvinnu fyrir veslings fólkið í ESB. Og helst eftirláta sjávarútveginn líka með inngöngu í ESB. Við Íslendingar séum svo ríkir, að við höfum efni á að veita ESB-ríkjunum þróunaraðstoð og það með framsali fjöreggja þjóðarinnar þessa stundina.

Og síðan kemur annað: ef fólk hefur það svona skítt, skv. Samfó, með þeim vinnutímafjölda sem nú er, hvernig ætli staða þess verði við fækkun vinnustunda? Þá gerist það, að annað hvort fólkið í landinu lækkar í launum, eða þá að fyrirtæki greiði hærri laun, þ.e. borgi c.a. jafn mikið fyrir t.d. 120 vinnustundir og 160 vinnustundir. Ég á eftir að sjá fyrirtæki taka það í mál.

En í sjálfu sér er hugmyndin um styttri vinnudag ágæt, þ.e. flestir myndu vissulega vilja leggja minna á sig og eiga meiri tíma aflögu fyrir fjölskyldu og áhugamál, en fæstir telja sig hafa ráð á því að minnka vinnu. Og ég veit ekki betur, en að í Evrópu sé sums staðar verið að reyna að fjölda vinnustundum, til að auka framleiðslu. Heyrði einhvern nefna Þýskaland í því samhengi.

Þetta virðist því vera enn ein fabúlan hjá Samfó. Ef Samfó ætlar að láta taka sig alvarlega, verður flokkurinn að koma fram með raunhæfar og framkvæmanlegar tillögur, en ekki daðra við skýjaborgir. Þó vissulega séu þessar tillögur t.d. raunhæfari en tillögur þær, sem komu fram á landsfundi VG. Þar eru menn svo ánægðir með skoðanakannanirnar, að hausarnir eru enn uppi í skýjunum.

Samfylkingin vill taka upp viðræður um að stytta vinnutíma í áföngum

Manni er algjörlega misboðið

Já, hér eru mörg lögbrot, en löggan grípur þetta hyski einn, tveir og þrír, og stingur þeim inn. Og lætur menn jafnvel heyra það óþvegið fyrir þann alvarlega glæp, að vera af öðrum húðlit, en flestir Íslendingar. Ég sagði hér áðan sögu, miður fallega. Og fleiri hafa sagt slíkar sögur hér á blogginu. Mér er ofboðið. Ég er löggunni afar þakklátur fyrir að verja mann fyrir vondu köllunum. En ég skil ekki hvað þarf að verja mann svona fyrir húðlituðum Íslendingum?

Spurning hvort Stefán Eiríksson þurfi ekki að fara að senda strákana sína á einhver námskeið?

 

Færeyingar haga sér manna best

Andskotans niggari!

Afsakið orðbragðið. 

Vinur minn einn fæddist í Indónesíu, en var ættleiddur hingað mjög ungur. Hér hefur hann búið, alist upp og dafnað. Hann ber íslenskt nafn og á íslenskt barn. En hann keyrði á 64 km hraða niður bratta brekku, þar sem hámarkshraði var 50 og fékk sekt. Ok, allt í lagi, en þá bað hann lögguna að drífa sig að skrifa sektina, hann væri of seinn í vinnuna og svaraði löggunni, þegar spurt var um vinnu, að það væri ekki hans mál.

Stór mistök. Þetta var auðvitað óþarfi, því það á að sýna löggunni tilhlýðandi virðingu, en löggan ætti nú að vera vön verri tilsvörum en þessum, án þess að missa stjórn á skapi sínu.

"Hvað hefurðu búið hérna lengi"? var svar löggunnar.

Stór mistök. 

Þó löggan starfi undir álagi og svoleiðis, er svona lagað óþarfi. Hugsanlega hefur löggan ekkert illt meint með þessu, en löggur þurfa að hafa betri stjórn á skapi sínu en þetta, að hreyta svona löguðu í þegn landsins og fyrir ekki stærri "sakir" en þessar.

En maður þessi er í öngum sínum, bæði reiður og vonsvikinn. Á dauða sínum átti hann von, en ekki þessu. Löggan hefði alveg eins getað sagt við hann: "Andskotans niggari"! "Þú ert ekki sannur Íslendingur eins og ég, og ættir bara að halda kjafti." Að minnsta kosti hefur löggan aldrei spurt mig hvað ég hafi búið lengi á Íslandi, þó hún hafi stoppað mig 3-4 fjórum sinnum síðan 1987, þegar ég fékk próf. En ég er líka hvítur á hörund.

Framhaldið var heldur ekki fallegt, þar sem löggan og 2 aðrar löggur voru víst að hækka röddu sína dálítið of mikið, en ég nenni ekki að rekja þá sögu hér, eins og ég heyrði hana frá manninum sjálfum. En maður hlýtur að gera þá kröfu til löggunnar, að vera fyrirmynd í kurteisislegri framkomu og síðan a.m.k. biðjast afsökunar þegar hún fer yfir strikið.

Viðbót: Var að sjá svipað  í commentakerfinu: http://skorrdal.blog.is/blog/skorrdal/entry/131344/#comments

Samstaða hvað? Vilji þjóðarinnar?

Nú eru 100 lesendur búnir að kjósa á blogginu mínu, http://hvala.blog.is, um þessar niðurstöður í stóra klámmálinu. Og hverjar eru niðurstöðurnar?

 

Átti að hrekja klámhundana burtu?

Já: 24%

Nei: 71%

Hlutlaust: 5%

Vilji þjóðarinnar? Samstaða? NEI.

VG fagnar samstöðu gegn klámráðstefnu