Stinga svona glæpon í djeilið!!

Sakargiftir: tilraun til manndráps.

Og hvað ætli hann hafi oft glannað svona undanfarið, án þess að vera tekinn?

Tekinn tvisvar fyrir ofsaakstur á 10 dögum

Enn einn terroristinn handtekinn.

Skv. skilgreiningum Frjálslynda flokksins.

"The War on Terror" heldur áfram, líka hér á Íslandi.

Handtekinn eftir húsleit

151 milljarða gróði á smá tíma?

Björgólfur greinilega að meika það, séu þessar fréttir réttar. Ótrúlegt hversu hægt er að græða ef menn eiga pening og eru nógu kaldir til að taka áhættu, eða skynsamir til að sjá arðvænleg tækifæri.

En ég efast um að menn verði neitt hamingjusamari fyrir vikið. Var ekki sagt, að fégirnd sé rót alls ills?

Söluhagnaður 151 milljarður króna?

Kvennaklúður í Samfó

Mikið er það merkilegt, að nú skuli kratar, bæði konur og karlar, stíga villtan dans umhverfis foringja sinn, ISG, og biðla til þjóðarinnar að kjósa konu til ríkisstjórnarforystu í vor, fyrst og fremst af því að hún er kona. Áhersla þeirra á kosti ISG hefur aðeins fallið með 4,9 eftir fjölmörg hræðileg mistök, sem ISG hefur verið áskrifandi að í hvert skipti sem hún opnar munninn opinberlega. 

En sú krafa um konu til forystu er ekki mjög sannfærandi, þ.e. nærri helmingur kvenna, sem síðast kaus Samfó (vísast vegna ISG), hefur farið annað, langflestar vísast til VG. Jafnframt hafa framsóknarkonur horfið á braut til sömu staða, þrátt fyrir endalausar yfirlýsingar, m.a. frá Jónínu Bjartsýnu, að konur standi hvergi jafn vel og í Framsókn (þrátt fyrir að konur hafi tapað kosningum bæði til formanns og varaformanns).

Niðurstaðan virðist vera sú, án þess að ég hafi skoðað það neitt sérstaklega, er, að VG bætir við sig fylgi kvenna, og þær konur, sem kusu Sjálfstæðisflokkinn síðast, ætli að gera það aftur þetta skiptið.

Af hverju ætli það sé?

a) Sósíal-femíníska fylgið (Sóley, Guðfríður Lilja og co) safnast fyrir í VG.

b) Einstaklingshyggju femínistar safnast saman í Sjálfstæðisflokknum.

 

Ekkert pláss fyrir krata-femínista, þar sem krafan er: Konu til forsætisráðherra, burtséð frá því hvort hún sé hæf eða ekki. Ergo: það á að kjósa konur af því að þær eru konur, burtséð frá því hvort þær séu hæfar eða ekki. Þetta er niðurlæging við konur, aumingjaölmusa, og því m.a. hverfa þær á braut.  Og Framsókn? Er það ekki flokkurinn sem boðaði að konur ætti að vera fyrir aftan eldavélina? Það sagði amk varaformaðurinn forðum.

En alla vegana virðast konur yfirgefa Samfó í stórum hópum, þrátt fyrir kvenforingja. Segir það ekki sitt um ISG og foringjahæfileika hennar?

 

 

Konur í Samfylkingu og Framsókn á leið til vinstri

Taka svona menn úr umferð!

Þetta er orðið rosalegt. Næstum því daglega er löggan að taka umferðarterrorista á ofsahraða.

Það verður að fara að herða lög gegn slíkum ofsaakstri, t.d. að allir þeir sem keyra á 30 km yfir hámarkshraða  missi prófið í 3 mánuði, og fari síðan hækkandi, t.d. 4 mánuðir fyrir 40 km yfir, osfrv., ásamt viðeigandi sektum.

Mældist á 175 kílómetra hraða

Slæm færð á Holavörðuheiði!

Ok, það er eitt að Moggamenn geri stafsetningar- eða málfræðivillur í textanum. Það er nánast orðin regla, en aðeins örfáar greinar núorðið á mbl.is eru vel skrifaðar.

En ég skil ekki að blaðamenn Mbl. hafi ekki metnað fyrir því, að hafa a.m.k. fyrirsagnir í lagi. Það er orðið nokkuð algengt, að stafsetningar- eða málfræðivillur séu í fyrirsögnum. Ég átta mig ekki alveg á, hvers vegna Mogginn setur ekki hærri standard en þetta í fréttaflutningi sínum. En hér stendur "Holavörðuheiði" bæði í fyrirsögn og texta. Alveg ótrúlegt að blm. Moggans skuli ekki hafa tekið eftir þessu.

En vonandi laga þeir þetta fljótlega, Moggamenn gera það yfirleitt þegar þeim er bent á villurnar.

Færð fer versnandi á Holtavörðuheiði

Ænei, gat nú verið!

FL Grúpp komið í spilakassabissnessinn. Ojbarasta.

FL Group kaupir hlut í bresku spilakassafélagi

Karlfyrirlitning Samfylkingarinnar?

Ég skal segja alveg eins og er, að grein krataforingja Austur-Húnvetninga í Fréttablaðinu í morgun var kornið sem fyllti mælinn, hjá mér a.m.k.

"Traustur leiðtogi" heitir grein þessi og fjallar vitaskuld um Ingibjörgu Sólrúnu, hinn sköruglega Fuhrer kratanna. Þar eru helstu kostir hennar ræddir, og síðan farið í að gagnrýna karlremburnar (eða karlpungana, eins og Dofri Hermannz orðaði það) sem ráðist á ISG nánast af því einu, að hún sé kona. Þarna sé því um kvenfyrirlitningu að ræða, því málflutningur hennar sé svo góður, að gagnrýnin geti ekki komið af þeim sökum!

Ok.

1. Gagnrýni á ISG hefur fyrst og fremst komið eftir að hún hefur haldið misheppnaðar ræður, og þvi boðið gagnrýni heim. Hún hefur því ekki verið gagnrýnd fyrir það að vera kona, heldur hefur hún, að því að ég tel, sloppið auðveldlega frá gagnrýni vegna þess að hún er kona. ERGO: kyn hennar hefur dregið úr gagnrýninni, en ekki skapað hana.

2. Pólítík ISG beindist lengi að því, að verða valkostur við Davíð Oddsson, sem hún gagnrýndi iðulega og oft af mikilli heift. Af hverju? Er hún þá kvenremba, sem grundvallar sjónarmið sín á karlfyrirlitningu? Eða mannfyrirlitningu?

Þessi kynjarök kratanna ganga því varla upp, nema í þessu samhengi.

3. Ég var að horfa á heimildamynd um helgina: Nazis: A Warning from History. Þar kemur í ljós, að nasistar grundvölluðu kosningabaráttu sína 1930-32 með sama hætti og Samfó núna, þ.e. með því að auglýsa foringjann, og úthrópa þá, sem dirfðust að gagnrýna hann, sem Júða eða keypt þý Júðaauðvaldsins eða heimskommúnismans. Og Hitler sagði í ræðu: Nei, við höfum ekki fastmótaða stefnu í öllum málum. Svoleiðis er fyrir lýðræðisflokkanna. Fylgismenn hans sögðu síðan,  að "vilji Foringjans er stefna flokksins" og framkvæmdu eftir því. Síðan hafði Hitler í raun sömu meginstefnu og ISG: "Stefna okkar er einföld, við viljum stjórna". Já, svoleiðis gera hinir "sterku leiðtogar". Málefnin skipta litlu; mestu máli skiptir að komast til valda.

En þetta er reyndar nánast það eina sem Samfó og nasistar eiga sameiginlegt - en merkilegt að báðir þessir flokkar skuli fyrst og fremst reyna að troða foringja sínum fram....og heyja þannig kosningabaráttu sína.

En a.m.k: Samfylkingin er að missa fótanna og nýtur hvorki mikils fylgis né trausts. Er það nokkur furða þegar hver krataforinginn kemur fram og auglýsir sig og flokkinn með þeim hætti, að um marklausa rugludalla sé að ræða?

Landbúnaðarvörurnar

ættu nú að vera góðar, eins og þær kosta nú mikið, annars vegar út úr búð og hins vegar allir þeir milljarðar sem ríkið styrkir bændur með.

Íslendingar telja íslenskar landbúnaðarvörur betri en erlendar

Draugaráðherra!?

Stórsnjöll hugmynd. En varla mjög frumleg, því höfum haft einhvern Sturlu Böðvarsson í samgönguráðuneytinu í fjölda ára, og maður er ekki viss um hvort hann sé í raun og veru til.

„Draugaráðherra" í ríkisstjórn Kongó