Úr eldinum í öskuna

EN KRingar verða þó amk í góðu skapi --enda Logi bestur í að segja brandara. Ágætur þjálfari svosem, en það þarf að gera meira en að skipta um þjálfara til að ná árangri.

En vonandi falla KRingar bara. Það yrði góður endir á góðu sumri. Ég óttast þó, að mínir menn í bláu muni fá það hlutskipti.

Teitur rekinn - Logi stjórnar KR út leiktíðina

Nýjasta útrásartækifærið!

" Bilun í götuljósastreng olli rafmagnseldi"

Jæja, þetta hefur ekki gengið nógu vel hjá okkur með fiskeldi og refaeldi. En nóg eigum við af ódýru rafmagni, eða svo virðist vera. Hugmyndir hafa komið upp um, að flytja það til útlanda með sæstreng, en mér finnst þessi hugmynd betri!!

Rafmagnseldi!!

Auðvitað tær snilld. Ég pant vera með í slíku fyrirtæki.

Bilun í götuljósastreng olli rafmagnseldi

Simpsons myndin: of mikil vitleysa?

Jæja, ég horfði nú á Simpsons myndina í gær. Jújú, það mátti svosem hafa gaman af þessu, en handritið var eiginlega of mikil vitleysa fyrir minn smekk...og aðeins of mikill pólítískur áróður.

Sá líka 400. þátt Simpsons með íslensku tali. Úff, steypa. Hvaða Baugsmiðlabull var þetta? Hver þýddi þetta eiginlega? Hafa ber í huga, að Baugur á meira eða minna þá fjölmiðlasteypu, sem sýnir þáttinn, svo það var eiginlega óeðlilegt að fjallað væri um fyrirtækið í hinni íslensku Simpsons. Þar að auki var þessi þáttur með versta móti.

Simpsons fjölskyldan vinsæl hjá kvikmyndahúsagestum vestanhafs

Norðurlandameistaratitill

Til hamingju Lenka! Vel að verki staðið vina.

Hlýtur að vera afrek að vinna svona mót og það komin þetta langt í meðgöngu.

Hún er svo til vinstri á myndinni hjá Mogganum, ekki til hægri, eins og þar segir, eða sagði amk þegar ég gáði síðast.

Meðfylgjandi mynd er tekin í gömlu Leifsstöð 2005, þegar við vorum á leiðinni á mót í Serbíu.

Lenka Ptácníková Norðurlandameistari í skák

Formsatriðum fullnægt.

Já, annað kom aldrei til greina en sigur. Ungu strákarnir í Arsenal fóru auðvitað "létt" með Inter, enda er mikill munur á þessum deildum, ensku úrvalsdeildinni og ítölsku Serie A.

Og það besta við þetta er, að Boris var á forsíðu Moggans, er víst að fara í framboð til borgarstjóra. Tek fram að þetta er local húmor.

Áfram Arsenal!

Arsenal hafði betur gegn Inter

Gott að losna við hann!

Fótboltinn í ENglandi er fyrir fullorðna og stóra stráka, en ekki einhverja vælukjóa. Gott að losna við hann og þótt fyrir hefði verið. Over and out.

Reyes á leið til Atletico Madrid

Hroðalegt atvik

Við vitum svosem ekki mikið hvað gerðist þarna, en hér bendir ýmislegt til, að maður hafi verið myrtur með köldu blóði og það á skipulagðan hátt, en ekki í einhverju æði, eins og oftast er raunin, þegar um svipað er að ræða.

Maður veit eiginlega ekki hvað skal segja þegar svona gerist á litla Íslandi. Það er ekki oft sem ég verð kjaftstopp.

Maðurinn sem varð fyrir skotárás í Reykjavík er látinn

Sannana krafist af RUV

Það er hreint með ólíkindum fréttamennskan í RUV og öðrum ríkismiðlum. Nú hefur RUV birt frétt þess efnis, að Össur Skarphéðinsson ráðherra hafi verið mútað til að láta raka af sér Amish-skeggið á meðan á mótmælum Shaving Iceland samtakanna stóð.

Shaving Iceland samtökin mótmæla vitaskuld þessum aðdróttunum RUV og krefst þess, að útvarpsstjóri eða fréttastjóri komi fram með sönnun til stuðnings fullyrðingum sínum.

Munið að kíkja á: http://www.shavingiceland.org

"Saving Iceland" krefur RÚV um sannanir

Hættulegt að spila golf!

Sumir eru greinilega það höggfastir, að þeir skjóta niður fugla á báðar hendur. Og þessi Akureyringur virðist hafa verið harðastur í veiðinni, en hann veiddi sjö fugla á einum degi og það án þess að hleypa af skoti.

Ein af mínum elstu minningum er frá því, þegar ég fór með pabba að veiða, forðum daga í sveitinni. Þá sat ég (lengst af) í bílnum, meðan hann fór út og skaut í matinn.

Þá var öldin önnur. Í dag nota menn bara golfkylfur til að veiða sér í matinn. 

 

 

Björn fékk sjö fugla á Hvaleyrarvelli

Emil seldur til Serie A

Jæja, strákurinn á uppleið aftur, eftir að hafa verið í Englandi er þetta vitaskuld afturför -- nema fyrir þá sök, að hann var hjá Spurs. Þá voru félagaskiptin til LYN vissulega framför, og síðan þetta. Reggina er ágætis lið og verður þetta glæsilegt hjá stráknum.

Emil er fyrsti Geirdælingurinn sem semur við lið í Serie A -  það held ég að sé alveg ljóst.

Hamingjuóskir til Fredda og co.

Emil seldur frá Lyn til Reggina