Norðurpóllinn

Markmið Dana með Norðurpólsævintýrinu eru:

1. Ná valdi á heimkynnum jólasveinsins og fá höfundarrétt á honum. Því yrði framvegis að kalla hann Den hellige Laudrup í bandarískum bíomyndum.

2. Ná valdi á ísnum. Rukka svo þær þjóðir sem hagnast á bráðnun hans.

3. Selja USA afnot af Pólnum til að setja þar upp eldflaugavarnakerfi, sem beint yrði gegn Rússlandi og Kína.

4. Opna "skipaskurð" yfir Pólinn.

5. Opna fríverslunarsvæði þar fyrir Carlsberg og Tuborg. Þar verður einnig leyft að reykja Prince á kaffihúsum.

6. Ná valdi á staðnum og bjóða svo Íslendingum skipti á Norðurpólnum og Vestmannaeyjum. Þó yrði Árni Johnsen fluttur með valdi upp á land, áður en það myndi gerast.

Danir vonast til þess að geta slegið eign sinni á Norðurpólinn

Rugl og vitleysa

Ég framdi enga stríðsglæpi í Sómalíu, enda hef ég aldrei komið þangað.

Þegar segir hér í titli: "Saka alla um að hafa framið stríðsglæpi í Sómalíu", vil ég gjarnan vera strokaður út af listanum.

Saka alla um að hafa framið stríðsglæpi í Sómalíu

Eiður Smári: Væntanlega ýkjur

Leikmaður, sem er ekki betri en þetta, fer auðvitað ekki að heimta 100.000 pund á viku. Það segir sig sjálft. Hann gæti komist upp með 60.000 pund, en varla meira. Eða 70.000 hjá West Ham.

En líklega verður þetta þannig, að Eiður Smári þrauki í Barca til áramóta og fari þá í West Ham. En það gáfulegasta fyrir strákinn yrði að fara þangað strax, ef það býðst og vera ekki að þykjast vera Ronaldinho í kaupkröfum.

En hitt er svo annað mál, að það er ekki endilega allur sannleikurinn sem kemur fram í bresku götublöðunum.

Segir launakröfur Eiðs Smára háar

Myndir úr brúðkaupinu

Jæja, ég setti inn myndaalbúm frá Áslaugu Kristinsdóttur á TR-síðuna. Þar er myndræn sýning á brúðkaupi Jóhanns og Sillóar um helgina. Að vísu varð ég að takmarka fjöldann og afmarkaði sýninguna aðallega við skákmenn.

Sheriffinn í Reykjavík City

Lögreglustjórinn á Stór-Reykjavíkursvæðinu, hinn ágæti maður Stefán Eiríksson, hefur nú greinilega fengið nóg af ómenningunni í miðbæ Reykjavíkur. Og varla er maður hissa.

Nú er þannig háttað, að sumt fólk er hætt að fara í "bæinn" um helgar af ótta um öryggi sitt.  Sumir jafnvel, sem eru alvanir stórborgarskemmtanahaldi frá erlendum borgum. Jú, menn eiga að geta gengið nokkuð öryggir um miðbæ Köben um miðja nótt, og hið sama má segja um helstu borgir aðrar. En hinn gamli miðbær Reykjavíkur virðist ekki jafn öruggur staður og áður.

Sjálfur fer ég voða lítið í miðbæinn gamla, hvort sem er á degi eða nóttu. Ég hreinlega á engin erindi þangað, nema etv til Skattstjórans. En sumar úthverfarottur aðrar vilja þó eiga þann möguleika að sækja þangað skemmtanir um helgar, en það virðist ekki lengur óhætt, nema í góðra vina hópi.

Ég, fyrir mitt leyti, styð Stefán í þessu, eins og jafnan. Ég hef mikla trú á honum. Hér er góður maður á ferð og treysti ég því, að hann muni grípa til nauðsynlegra ráðstafana.

Vill að ómenningin í miðborginni verði upprætt

Hinn friðelskandi kommúnismi

Ég held að gamlir kommar hafi komist billega frá því að svara fyrir stuðning sinn við þessa ofbeldis- og glæpastefnu, bæði hér heima og erlendis.

Þessi vígastefna er engu skárri en nasisminn, hvort tveggja meiðar af sama einræðishyggjutrjástofni.

Skjal sýnir að austur-þýskir landamæraverðir áttu að drepa flóttamenn

Spurning að taka upp stjórnmálasamband við þessa!

A.m.k. eru þeir mun betri kostur en Hamas-stjórnin í Gasa. En hvað ætli Ögmundur myndi segja við því?

Það hlyti að verða honum böl að fallast á stjórnmálasamband við trúarreglu, sem byggist á kristinni trú, en ekki íslam.

Íslendingur sleginn til riddara í reglu Mölturiddaranna

Umskurður kvenna

Ok, manni verður illt að lesa þetta. Hvers eiga veslings stúlkurnar að gjalda. Þetta er einfaldlega ógeðslegt.

Og hvaða fífl er þessi karlfauskur, faðir hinnar "myrtu", að segja stúlkuna hafa látist af "eðlilegum orsökum".

Egypsk stúlka lést af völdum kynfæraskurðar

Yndislegt brúðkaup

Jæja, ég var að koma úr brúðkaupi. Þar voru að gifta sig Jóhann Hjörtur Ragnarsson, skákmógúll þeirra Garðbæinga, og Sigurlaug Regína Friðþjófsdóttir, varaformaður Taflfélags Reykjavíkur. (Myndin tekin í áramótapartíi heima hjá þeim í des. 2006)

Athöfnin fór fram í Garðakirkju á Álftanesi, en veislan fór fram í salarkynnum Taflfélags Rvk. í Faxafeni.

Ég kynntist þeim fyrst, en aðeins lítillega þá, í Taflfélaginu fyrir tæpum 30 árum og fékk að fylgjast með nánast frá byrjun, þegar þau fóru að stilla saman strengi sína fyrir c.a. 18 mánuðum síðan. Og mér tókst á einhvern furðulegan máta að steinþegja um þetta, en sambönd skákmanna spyrjast jafnan út strax, en ekki núna. Aðrir sem vissu þögðu einnig, uns allt í einu mátti segja. Gaman að þessu.

En Jóhann og Silló eiga alveg ótrúlega vel saman; alveg sniðin af hvort öðru. Jóhann hefur reyndar þann stóra galla, að vilja ekki ganga í TR úr Taflfélagi Garðabæjar, en jæja, svona er lífið.

En þetta var mjög gaman. Ég var reyndar plataður illilega, en ótrúlegur snillingur, vinkona Silló úr músíkinni, steig upp og hélt snilldar ræðu og hóf síðan að útdeila verkefnum til ættingja og vina. Ég fékk það hlutskipti að eiga að færa þeim hjónum blóm 11. maí 2008, þegar þau hafa verið gift í 9 mánuði. Hmmm, 9 mánuðir...!  Jæja, hvað veit maður!

Á hagstæðum kjörum?

Jæja, nú segir Gunzó eitthvað!

En hagstæð kjör? Ætlar þá Sýn að lækka áskriftina?

Ætla að tryggja að enski boltinn berist um allt land á hagstæðum kjörum