Á að skjóta Pútin?

Ja, ef svo er, tel ég að Íranir verði meðal þeirra síðustu til að hafa áhuga á því. Pútin hefur reynst þeim haukur í horni og því er liklegra, að múllarnir í Tehran reyni frekar að vernda kappann en skjótann.

Fyrir utan sjálfsagða gestgjafaskyldu.

Íranar vísa á bug fréttum um áform um tilræði við Pútín

Rugl og vitleysa

Hjá þeim báðum, Lehmann og Almunia.

 

Fabianski er betri en þeir báðir og hana nú.


En ég skil ekki hvað Lehmann er að væla. Hann er bara þriðji besti markvörðurinn hjá Arsenal.

Lehmann býst ekki við öðru en að spila gegn Bolton

Slydda

Æ, stundum er gott að búa á Suðvesturhorninu. Ja, eiginlega er það yfirleitt ágætt.


Hér er þó engin slydda, en leiðinlegt veður fyrir því.


Rok og rigning er ekki tebollinn minn, jafnvel þegar rigningin er lítil og nanast hverfandi.


Meira rokrassgatið er eiginlega hér á Íslandi. Og það jafnvel á svæðum utan stór-Keflavíkursvæðisins.

Slydda norðantil á landinu

Úreld frétt hjá Mogganum

TRingar eru að sjálfsögðu langefstir eftir 7,5-0,5 sigur á Eyjamönnum og hefði sigurinn átt að vera stærri. Ég tefldi á autopilot, en mótherji minn gerði sömu stöðulegu feilana og Kazimierz Olszynski fyrr á árinu og gjörtapaði. Og ég þurfti bara að leika sömu leikina og gegn Kaz. Sjaldan unnið skák jafn auðveldlega.

En nánar um 3.umferð Íslandsmóts skákfélaga má finna á www.skak.is

Haukar halda forustunni á Íslandsmóti skákfélaga

Framsóknarmenn sektaðir

fyrir að pissa á Valhöll.

Ellefu ákærðir vegna óviðeigandi hegðunar í borginni í nótt

Áfram Ísland

Koma svo strákar! Hefna fyrir skandalinn í Ríga.

Ég kemst því miður ekki á völlinn, en hugsa hlýtt til strákanna ofan úr Grafarvogi. Áfram Ísland.

Ósigur gegn Lettum, 2:4, en Eiður sló markametið

Gervigreind

Greinilega hef ég misskilið þetta orð.

Ég hélt að þetta væri notað yfir stjornmálamenn, sem þykjast gáfaðir en eru það ekki.

Skundar á gervigreindarhátíð

Haukar fljúgja hæst

Jæja, 1. umferðin búin. Haukar unnu Eyjamenn, sem senda vængbrotið lið til leiks og munu vísast falla beint niður í 2. deild. Og það, að hafa Helga Ólafsson á 1. borði virðist ekki geta lyft liðinu á hærra plan, því meðreiðarsveinar hans munu jafnan verða nokkrum stöðlum fyrir neðan amk flesta mótherja sína.

EN góður sigur hjá Haukunum engu að síður.

Akureyri a vann aðeins 5-3, og Hellismenn a sigruðu b-lið sitt 6-2, þar sem formaðurinn vann fyrrv. formann, en sá fyrrnefndi er í b-liðinu. Þeir tveir voru, m.a. ásamt mér, stofnendur Hellis og hafa haldið dampi með félaginu frá upphafi og stjórna hinnu svokölluðu Hellismafíu af miklum þrótti.

Við T.R. eigum að geta gert betur, en þetta hafðist þó í gær þó naumt væri.

 

En gaman að sjá þarna í gær Friðrik Ólafsson, Karl Þorsteins og Hrafn Loftsson sem hafa ekki teflt nokkuð lengi á Íslandsmóti skákfélaga.

Haukar efstir eftir 1. umferð Íslandsmóts skákfélaga

Hart barist í kvöld: Friðrik teflir aftur!

Mörg skemmtileg úrslit áttu sér stað. Meðal annars vann formaður Hellis, og félagi í 100 kílóa liðinu (b-liði Hellis), Gunnar Björnsson, fyrrv. formann Hellis, Davíð Ólafsson úr a-liðinu!

Við TRingar fórum illa að ráði okkar. Þrölli missti niður unnið tafl og Hannes tapaði steindauðu endatafli af einhverjum ástæðum. Mörg jafntefli áttu sér stað í þessari hörkuviðureign gegn Fjölni, sem styrkt hefur lið sitt með erlendum og innlendum meisturum. Nefna má, að Friðrik Ólafsson tefldi á 4. borði fyrir T.R. og gerði jafntefli.

Við Jón Viktor unnum hina traustu skákmenn Tómas Björnsson og Jón Árna Halldórsson á neðri borðunum. Það er svoldið shaky hjá mér að fara að rifja upp svona lagað, en þeir eru stundum kallaðir jafnteflisbræðurnir.

Af þeim er Jón Árni, hinn indæli drengur, stundum kallaður Hr. Jafntefli. Hann er einnig málsvari Norður-Kóreu hér á landi, þar sem sósíalisminn ríkir.

Og því, eins og ónefndur skákari og fyrrv. bloggari sagði, boðar hann "frelsi, jafnrétti og bræðralag", ja, eða "frelsi, jafntefli og bræðralag". Þessi var svoldið góður.

En TR vann þó Fjölnismenn í kvöld, en að vísu bara með minnsta mun. Ég er alls ekki ánægður, en svona gerist stundum. Ég get þó huggað mig við, að ég vann góðan sigur með því að svíða Jón Árna með svörtu. Það er alls ekki svo auðvelt.

En áfram heldur þetta á morgun. Áfram TR.

Fjölmennasta skákmót ársins

Henry á Egilsstöðum?

Og með honum fjórir eða fimm núverandi Arsenal leikmenn. Þetta er eina skiptið sem ég hefði óskað þess að búa á Egilsstöðum.

Franska landsliðið veðurteppt á Egilsstöðum