Einar Sveinbjörnsson gáir til veðurs

á hinum pólítíska himni. Hann horfir til stjarnanna, sem þar eru, lítur upp til þeirra í auðmýkt og segir: "Berum enga ábyrgð á næsta kjörtímabili".

Málið er, að Framsókn á ekki margra kosta völ. XB vill ekki fara í stjorn með dónunum í VG, og þá er útséð með vinstri stjórn.

Og hvorki S né V vill vera "hækja" fyrir Geir, "fatlaða manninn á ballinu", sem vill greinilega ekki fara heim með þessum stelpum, hvorki einni sér né báðum, enda báðar ljótar, leiðinlegar og alltof dýrar í rekstri.

Framhald núverandi stjórnarsamstarfs feigðarflan

Harður áfellisdómur yfir R-listanum: Peningasukk og svínarí

Jæja, nú fæst það staðfest, sem sjálfstæðismenn hafa löngum sagt, en R-listamenn neitað og reynt að fela með öllum ráðum.

Í endurskoðunarskýrslu Grant Thorntons um ársreikningana segir, að halli á A hluta borgarsjóðs hafi verið viðvarandi frá árinu 2002. Slík niðurstaða geti engan veginn talist viðunandi þegar litið sé til hagstæðs efnahagsástands og í ljósi þess að A hlutinn hafi notið verulegra arðgreiðslna frá eigin fyrirtækum öll þessi ár.

Þá bendi samanburður á rekstrarniðurstöðu Reykjavíkurborgar við afkomu annarra stærri sveitarfélaga til þess, að rekstrarárangur borgarinnar sé langt undir því sem almennt gerist hjá þeim sveitarfélögum. Brýnt sé að forráðamenn borgarinnar leiti skýringa á því hvaða þættir valda þessum slaka rekstrarárangri og brugðist verði við með viðeigandi hætti svo að ekki þurfi að koma til skuldasöfnunar af þessum ástæðum.

Engin furða þó Geir Haarde vilji leggja mikið á sig til að forða þjóðinni frá R-listastjórn, með meðfyljandi peningasukki og svínaríi.

Viðvarandi halli á A-hluta Reykjavíkurborgar frá 2002

Tökum þetta upp hér!

Mér líst vel á þetta system þarna suður í Íran. Þar eru menn flengdir fyrir minnstu "yfirsjónir", hýddir miskunnarlaust á næstu löggustöð.

Þetta gæti t.d. dregið úr hraðakstri/glæfraaktstri, þó ekki sé annað. Fyrir að keyra á 150 færðu 150 vandarhögg, 130 færðu 130 osfrv. Málið dautt.

Og þetta gæti orðið til, að vinstri menn myndu fatta, að kannski sé hið vestræna samfélag ekki svo slæmt, eftir allt saman, og að bónarbuxurnar, sem þeir fara í hópum saman suður til Hamas og annarra íslamista, ættu frekar að notast til að ná framsóknarmönnum uppí til sín.

130 vandarhögg fyrir að drekka bjór

Ráðherralisti Framsóknar?

Þegar skyndilega stefnir allt í, að ríkisstjórnin sitji áfram, væri gaman að velta fyrir sér hverjir muni taka sæti fyrir hinn minnkandi þingflokk Framsóknar.

Framsókn á í vanda, því fari t.d. þrír þingmenn + Jón Sigurðsson kafteinn í ráðherrastóla, verða aðeins fjórir þingmenn eftir til að fylla nefndarstöður og þess háttar. Og ef helmingur þingmannaliðs Framsóknar er í ráðuneyti, verða fáir þingmenn eftir til að verja flokkinn í umræðum á Alþingi, þegar ráðherrarnir eru að gegna skyldum sínum í ráðuneyti.

Hugmyndir hafa komið upp varðandi það, að þeir þingmenn sem fái ráðherrastóla annað hvort kalli inn varamenn fyrir sig eða segi af sér þingmennsku. En kannski er til einfaldari lausn.

Hvernig yrði, að ef Framsókn fengi fjóra ráðherra, að skipta þeim niður 50-50 milli þings og utanþings. Þannig gætu t.d. Jón Sigurðsson og Björn Ingi Hrafnsson orðið ráðherrar án þingsetu, auk Valgerðar og Guðna. Persónulega lýst mér ágætlega á svoleiðis.

Jón Sigurðsson er hinn vænsti maður og hef ég ekkert út á hann að setja. Og álit mitt á honum hefur aukist verulega á síðustu viku. Hann á síðan mikið inni, því það tekur tíma að venjast því að vera formaður og ráðherra.

Björn Ingi hefur vaxið gríðarlega, finnst mér, og sérstaklega fannst mér hann kom vel út úr nýlegum umræðum í sjónvarpi, bæði á RUV og Stöð 2.  Og hann skrifar vel og skemmtilega á bloggið.

Væri þetta svo vitlaust? En vísast verða anti-Halldórsklíkumenn sárir. En það verður bara að hafa það!

Eiður til West Ham?

Það kæmi svosem ekkert á óvart. Skásti leikmaður Íslendinga á auðvitað að spila fyrir flaggskip íslensku íþróttaútrásarinnar. Og það er ekki eins og að Eiður eigi mikla framtíð fyrir sér hjá Barcelona, nema auðvitað að Rijkaard yfirgefi félagið. En verður framtíðin eitthvað bjartari hjá Vesturskinkunni?

Eiður sagður á óskalistanum hjá Curbishley

Ef Tinnamyndirnar væru íslenskar...

...væri auðvelt að ráða í hlutverkin.

Jón Sigurðsson myndi að sjálfsögðu taka að sér að leika Kolbein kaftein. Ja, eða Baltasar Kormákur. Sá síðarnefndi vísast eðlilegri í hlutverkið.

En Tinni? Jú, han lítur út nánast eins og Lúðvík Bergvinsson, það yrði einfalt að fylla þetta hlutverk.

Skapti og Skafti yrði báðir leiknir af Jóni H. B Snorrasyni.

Rassapopúlus yrði síðan að sjálfsögðu leikinn af Jóhannesi í Bónus. Það segir sig sjálft!

Irma húsvörður fengið Ingibjörgu Sólrúnu, Björn Bjarnason yrði Alkasar hershöfðingi, osfrv

Kári Stefáns gæti síðan leikið prófessor Vandráð.

Leikhúsið við Austurvöll virðist eiga nóg af leikurum til að fylla helstu hlutverkin í myndunum.

Spielberg og Jackson boða myndir um Tinna

Framsókn í björgunarbátana

Í aðdragana kosninga lýstu nokkrir af foringjum Framsóknar því yfir, að flokkurinn myndi ekki taka sæti í ríkisstjórn næsta kjörtímabil ef hann myndi bíða afhroð í kosningunum. Þær yfirlýsingar virðast nú ekki reynast marktækar.

Það kemur undarlega fyrir sjónir, að Framsókn lýsi slíku yfir, enda hefur flokkurinn þá ábyrgð, eins og allir aðrir, að leggja sitt af mörkum við, að tryggja starfhæfan meiri hluta á Alþingi. Og, fyrir þá sem ekki vita, hefur Framsókn gjarnan verið í oddaaðstöðu hvað það varðar á síðustu áratugum. Fylkingarnar til vinstri og hægri hafa haft slíkt hlutfall, að hvorug hefur getað myndað stjórn án þess að leita hinumegin miðjunnar, eða tekið með sér Framsókn, sem er opin í báða og jafnan til í slaginn.

En Framsókn þarf nú að meta stöðuna upp á nýtt. Fari flokkurinn ekki í stjórn þetta skiptið, þarf að leggja niður eina tryggustu stoð flokksins, atvinnumiðlunina, og þegar sú deild verður óvirk, verður mjög erfitt fyrir flokksforystuna að tryggja sér stuðning þeirra, sem jafnan hafa fengið eitthvað fyrir sinn snúð.

Jafnframt er ljóst, að þannig verður Jón Sigurðsson atvinnulaus og líklegt er, að fylgi hans innan flokksins munu dala, þar sem hann verður þá óvirkari í pólítíkinni en ella. Þá myndu enn frekari deilur koma upp og flokkurinn bíða enn meiri skaða en yrði, færi hann í stjórn.

En með hverjum á Framsókn að starfa? Vinstri flokkunum? Gengdarlaus áróður VG gegn Framsókn og móðgandi ummæli Steingríms að loknum kosningum gera þann kost ómögulegan. Þá er lítið eftir.

Framsókn á því fárra kosta völ. Sjálfstæðisflokkurinn getur hæglega tekið annan vinstri flokkinn upp í til sín, og hvað yrði þá um Framsókn? Þá yrði flokkurinn áhrifalaus, valdalaus og laskaður af innbyrðis ágreiningi.

Ef til vill ætti Framsókn að sættast á 3-4 ráðherra og ganga brosandi til sængur, enda sætasta stelpan á fjórða ballinu í röð.

Ekki farið að ræða verkaskiptingu í ríkisstjórn

Hættulegar gönguferðir

Kannski einfaldara, þægilegra og hættuminna að fara bara í ræktina!

Skarst á höfði í göngu

Gott PR-múf hjá Eggerti

Jæja, West Ham sloppið við fall, en fær kannski á sig kærur frá Sheffield og e.t.v. öðrum liðum á botninum.

Það reynist þó vísast aðeins glópaför, því enska knattspyrnusambandið hefur sagt, að það þýði ekkert. Kannski Sheffield fari með málið fyrir almenna dómstóla?

En Eggert, sem nýlega keypti sér flotta penthouse íbúð fyrir hundruðir milljóna, vildi greinilega koma sér á blað í Englandi.

Þetta var "easy way" hjá honum en ekki "cheap way". Þetta hefur þó vísast verið besta PR-múf Hammers mjög lengi, og ókeypis velviljaauglýsing.

 Eggert kann þetta. En hvað gerir hann næst? Semur við stærsta eggjabú landsins um að kalla afurðina Egg-ert?

Eggert Magnússon gefur fé í leitinni að Madeleine

Össur grátbiður á hnjánum

Össur tók illa hádegisdrottningarviðtali Guðna Ágústssonar, sem var skyndilega orðinn hrifinn af þvi að starfa áfram með Sjálfstæðisflokknum, þvert á það sem hann hafði gefið í skyn áður.

Þetta hefur vísast komið illa við Össur, sem hefur verið helsti talsmaður þess innan Samfó að mynda hægri-krata stjórn með Sjálfstæðisflokknum, meðan formaðurinn virðist horfa frekar til vinstri, enda eru sætustu strákarnir á rakarastofunni á þeim slóðum.

Össur vaknar nú upp við það, að hann er ekki sætastur á ballinu...og kemst ekki einu sinni í undanúrslit. Og jafnvel Guðni er orðinn sætari.

Og þess vegna reynir hann að láta Guðna líta út fyrir að vera ljóta stelpu, sem ætti ekki einu sinni að fá að fara á ballið. En hann gleymir því, að Framsókn á sér álfkonu sem Bjarni Harðar hefur haft samband við lengi. Og með hennar hjálp fer Guðni á ballið, vel skóaður á fótum. Þegar á hólminn er komið, virðist Öskuguðni vera sætari en vonda stjúpan.