Reka þetta pakk úr landi bara!

 Rekum þetta lið úr landi bara og flytjum inn fleiri sósíalíska Pólverja. Þannig komast sósíalistar til valda!

Yfir þúsund störf urðu til í fjármálastarfsemi á síðasta ári

Er Samfó búnað þagga niðrí Össuri?

Jæja, bloggið hans Össurar er hætt, eins og Pétur hux greinir frá. Hvers vegna ætli það hafi verið? Er Samfó búið að þagga niðrí honum? Eða er hann bara að flytja?

Já, ekki skrítið þó Pétur velti því fyrir sér.

Einstaka Samfóar og sumir aðrir hafa verið að halda því fram, að Sjálfstæðisfl.  láti lítið bera á Hannesi Hólmsteini í nokkra mánuði fyrir kosningar. Spurningin hlýtur því að vera sú, hvort Samfó hafi "lært trikkið" af Sjálfstfl.? Eða voru þetta alltaf bara einhverjir órar í sósíalistunum?

 Spurning hvort VG fylgi ekki á eftir og feli Sóleyju fram yfir kosningar?

 

Viðbætur hjá Pétri Gunnarssyni:

Uppfært kl. 12.28: Meðfylgjandi athugasemd hefur borist við þessa færslu frá Tóta, sem er aðalmaðurinn hjá Hexia: Hann upplýsir gátuna og segir: "Heh, rólegan æsing. Samspil nokkurra þátta. Alvarleg Ruslkommentaárás á kerfið og gagnagrunnur að svitna undan álagi. Verið er að þurrka svitann af gagnagrunninum og Össur ætti að vera kominn á sinn stað innan tíðar."

Alltaf er maður að læra eitthvað nýtt um tölvumálin, nú veit ég að gagnagrunnar eiga það til að svitna. Takk fyrir upplýsingarnar, Tóti.

Nú er ég hissa! Kerfin svitna! Og síðan væri gott að fá skýringu á því, hvort ruslkommentaárás merki "leiðinlegar athugasemdir", eða hvort einhver hafi birt nýjustu stefnuskrá Samfó á blogginu hans Össurar?

Bush í afródansi

Þetta er nú eitt það fyndnasta, sem maður hefur séð lengi.

En kannski hann opni dansstúdíó þegar hann lætur af embætti?

Bush sýndi afrískan dans

Valgerður og stjórnarformaður Landsvirkjunar

Jæja, Jóhannes Geir, framsóknarmaður úr Norðaustri, er á útleið og Páll Magnússon úr Meðallandinu tekur við. Og Valgerður Sverrisdóttir er að tapa sterkasta vígi Framsóknarflokksins og þetta verður nú varla til bóta.

En svo sagði Valgerður um Jóhannes Geir á Alþingi síðla árs 2002:

Hæstv. forseti. Já, formaður Landsvirkjunar nýtur stuðnings sem formaður Landsvirkjunar. Hann er skipaður af mér og ég hef í sjálfu sér ekkert fleira um það að segja.

En hvað ætli hún segi nú, þegar "hennar maður" er settur út og einn af drengjunum hans Halldórs Ásgrímssonar, síðar Jóns Sigurðssonar, settur í staðinn?

Og umræðan heldur síðan áfram:

En af því að það hefur verið eitt af því sem hefur verið gagnrýnt að stjórnarformaður Landsvirkjunar talaði um það að náttúruverndarsamtök hér væru studd af erlendum náttúruverndarsamtökum og þannig gætu þau beitt þeim áróðri sem þau hafa gert, þá er ég hér með bréf undir höndum frá Árna Finnssyni þar sem hann segir, með leyfi forseta:

,,Það gefur augaleið að Náttúruverndarsamtök Íslands hefðu aldrei náð þeim árangri og styrk sem þau hafa náð ef þau hefðu ekki átt kost á að halda starfsmann með tilstyrk World Wildlife Fund Arctic Program.``

Þannig að þetta er þá alla vega á hreinu. (Gripið fram í.) Það hefur ekki alltaf verið þannig að menn hafi viljað kannast við þetta. (Gripið fram í: Jú, alltaf.)

Og af því að hv. þm. Össur Skarphéðinsson talar um, og ég er ánægð með að hann styður Kárahnjúkavirkjun og segir að flokkur hans geri það eindregið, þá heyrist mér það nú ekki vera því að hv. þm. Þórunn Sveinbjarnardóttir og hv. þm. Rannveig Guðmundsdóttir studdu þetta ekki. (Gripið fram í: ... atkvæðisrétt.) En ég vil þakka það að hann styður málið. (Gripið fram í: Skoða þetta ... í okkar flokki.) (Gripið fram í: Þá verður að rökstyðja hvernig ...) Hvaða ósköp, er ekki allt í lagi? Ég segi það. (Gripið fram í: Nei.)

Jæja, Össur og Samfó styðja Kárahnjúkavirkjun eindregið, mínus tvær þingkonur. En Samfó skipti um skoðun eins og venjulega, þegar málið var ekki lengur vinsælt.  En nóg um það mál.

En jæja, ætli Jóhannes Geir fái nú rauða spjaldið vegna þess, að hann er ekki hrifinn af því, að erlendir aðilar kosti íslenska náttúruverndaröfgamenn?

Exista græðir 57 milljarða á fyrsta ársfjórðungi

Jahá, þetta er nú bara nokkuð gott hjá Existu. Mér skilst, að tekjur þessar hafi aðallega komið frá útlöndum, með einum eða öðrum hætti.

Hvað ætli hefði gerst, ef Vinstri stjórn hefði verið við völd hér í landinu á síðustu árum?

Hvað hefði þá orðið um skatttekjurnar af þessum hagnaði?

En greinilegt er, að vaxtarbroddurinn er í því, að græða fé af útlendingum, hvort sem þeir ferðast hingað eða ekki.

Víkingar nútímans gefa hinum fyrri ekkert eftir!

Hagnaður Exista nam 57 milljörðum á fyrsta fjórðungi

Ómar að missa sig?

Ég horfði á umfjöllun Stöðvar 2 í gærkvöldi, þar sem 1.sætis frambjóðendur í Reykjavík suður komu fram og tjáðu sig um hitt og þetta sem snertir kosningabaráttuna, málefnin og svo framvegis.

Frambjóðendurnir komu flestir ágætlega fyrir, þó gjammið í Kolbrúnu hafi á stundum verið leiðingjarnt, en hún stóð sig vel að öðru leyti. Fyrrum Heimdallarmennirnir Geir og Jón Magn. stóðu sig ágætlega, komu vel fyrir og stóðu sig ágætlega.

Ingibjörg Sólrún var með besta móti þarna í gær, brosti nokkrum sinnum og forðaðist að gjamma frammí, eins og venjan hefur verið hjá krötunum upp á síðkastið. Hún hélt síðan hvassar smáræður, eins og ætlast var til, og kom máli sínu vel frá sér. Já, og Kolbrún stóð sig ágætlega, meðan hún lét vera að gjamma frammí.

En Ómar? Já, ég velti helst fyrir mér, á hvaða lyfjum karlinn hafi verið þarna í gær. Ef þetta hefði verið íþróttaleikur, hefði hann örugglega orðið að pissa í glas. Hann var æstur, stressaður og lét eins og smákrakki í sandkassa, rétt eins og í einhverjum öðrum þætti nýlega, sennilega í RUV. Með svona framkomu hrekur hann einfaldlega fólk frá Íslandshreyfingunni. Hann verður að læra að koma fram í sjónvarpi, og ekki seinna vænna eftir að hafa starfað þar í tæp 40 ár. Hann virkaði öskureiður, og talaði eins og hann hefði eina eða fleiri af stólpípum Jónínu Ben í analnum. Og síðan kom þetta "merkisdæmi", þar sem hann flippaði út við að æla út úr sér einhverri steypu um litina þrjá í merki Íslandshreyfingarinnar. Ég hef sjaldan séð jafn lélega frammistöðu, og fer þetta langt með að slá við Kristrúnu Heimisdóttur. 

Hann var mjög alvarleg hljóðmengun þarna í gær og ætti að hafa vit á því að láta ekki sjá sig í sjónvarpi fram að kosningum. Það var algjör hörmung að horfa á þetta.

Og hananú!

 

 

Umferðaróviti

Ég á ekki til eitt einasta orð yfir þessu. Hvernig datt þessu 6 ára barni í hug að ferðast með svona umferðaróvita í sætinu við hliðina á sér?

Greinilegt að börnin í dag eru ekki jafn félagslega þroskuð nú og á mínum ungdómsárum, þegar 6 ára krakkar mjólkuðu beljurnar á morgnana og fóru með rollurassanna upp á heiðar eða út í hraun eftir hádegi, og girtu tún eftir kvöldmat.

Hvorki ökumaðurinn né barnið voru með bílbelti

Klaufaskapur

Ég er alveg hoppandi af reiði þessa dagana. Ég hafði séð mér leik á borði, tæmt sparibaukinn og ávísanareikninginn, og lagt fram 69,5 milljarða tilboð í sænska fjármálafyrirtækið Invik & co. Taldi ég víst að því tilboði yrði tekið.

En síðan missti ég það út úr mér, á morgunverðarfundi Sköllóttra manna í viðskiptum, að ég hefði lagt fram þetta tilboð, og vel lá á mér.

Síðan frétti ég það næst, að maðurinn á næsta borði hafi lagt fram tilboð upp á 70 milljarða.

Sveiattan.

Milestone kaupir sænskt fjármálafyrirtæki fyrir 70 milljarða

100.000

Jæja, ég var orðinn dálítið þreyttur í gærkvöldi og datt út af einhvern tíma um tíu leytið. Hafði verið á fullu síðan hálf fimm um morguninn, og hið sama gerðist í morgun.

En meðan ég steinlá gerðist það, að 100.000asti gesturinn heimsótti mig.

Takk!

Framsóknarmenn skipta í Landsvirkjun

Ég hef verið að missa traust mitt og álit á Framsóknarflokknum á síðustu misserum. En kannski er ennþá von fyrir þá kusugrænu: Kominn tími til að endurnýja! Mér líst vel á þetta. Jóhannes Geir er búnað vera þarna of lengi.

Jóhannes Geir víkur úr stjórnarformennsku í Landsvirkjun