15 ára fangelsi fyrir þetta?

Ok, afsakið að ég skuli vera svona "grimmur", en í mínum huga er lífstíðarfangelsi vel sloppið fyrir svona kauða.

 

Lokaði dóttur sína inni í sex ár

Athugasemdir

[Helgi Hrafn Gunnarsson (IP-tala skráð) 9.9.2008 kl. 15:05]

Það er vel sloppið, enda eiga refsingar ekki að miðast út frá heift og reiði áhorfenda. Það er gasalega algengur misskilningur almennings að hærri refsingar skili sér í færri afbrotum, en það er nú bara ekki þannig, skrýtið sem það getur virst.

Sannleikurinn er sá að svona glæpir eru framdir án hugsunar yfirhöfuð. Viðkomandi hefur ekkert pælt í afleiðingum gjörða sinna, og að gera þær afleiðingar ennþá harðari þýðir ekki neitt, því hann hefði ekki pælt í alvarlegri afleiðingum heldur. Ennfremur eru flestir glæpir framdir með það að leiðarljósi að komast upp með þá. Að gera það erfiðara að komast upp með þá virkar mun betur en að einfaldlega þyngja refsingar. Ef þungar refsingar virkuðu almennt ættu Bandaríkin (með sínar geðsýkislega grimmilegu refsingar) vera glæpalaust, en svo er bara einfaldlega ekki.

Það á að sjálfsögðu að loka hann inni, persónulega finnst mér 15 ár alveg við hæfi. Sé enga ástæðu til að lengja dóminn.

Svo að lokum; það er rosalega auðvelt að þykja 15 ár alltof lítill tími þegar maður stendur ekki frammi fyrir 15 ára fangelsi sjálfur. Hugsaðu samt aðeins út í það hvað það þýðir að vera lokaður í búri í 15 ár. Það er há refsing, enda á hún að vera það í þessu tilfelli, það er bara óþarfi að heimta hærri og hærri refsingar í hvert einasta sinn sem eitthvað svona gerist.

[Snorri Bergz, 9.9.2008 kl. 16:33]

Maske, en ég er bara að segja mína skoðun. Kannski er maður of  litaður af þessu austurríska máli. En maðurinn hélt dóttur sinni, frá 14 ára aldri, lokaðri inni í öll þessi ár, og gat með henni tvö börn, osfrv.

Hann þarf meira en 15 ár til að pæla í hvað hann hefur gert.

[Helgi Hrafn Gunnarsson (IP-tala skráð) 9.9.2008 kl. 16:37]

Heldurðu það virkilega? Ég veit ekki um þig en mér hefur tekist að pæla í ansi mörgum hlutum seinastliðin 15 ár. Í þokkabót hef ég ekki verið í fangelsi og í fangelsi mætti segja mér að maður hefði lítið annað að gera en að pæla í hlutunum, þá helst hvers vegna fólki finnist ástæða til að læsa mann inni í 15 ár.

[Snorri Bergz, 9.9.2008 kl. 16:48]

hann er augljóslega það tregur, að ég held að það veiti ekkert af 15 árum.