Morkinn laugardagur

Jæja, morkinn laugardagur enn á ný.


Vér sitjum hér og reynum að koma heilasellunum í gang yfir kaffibolla. En þetta gengur erfiðlega hjá mér, því heilasellurnar í mér ákváðu að fara í samúðarverkfall með bandarískum handritshöfundum í kvikmyndabransanum og leggja niður vinnu. Að minnsta kosti veit ég hvorki í minn haus né annarra akkúrat núna, en vona að það lagist.


Þetta er annars ágætis reynsla, því nú veit ég hvernig það er að vera í sporum ...



a) KRinga
b) Spurs-ara
c) Framsóknarmanna
d) Svía
e) Talibana
f)  Tíu lítilla negrastráka
g)  Hómers Simpsons


En a.m.k.: ég reyni að komast til meðvitundar þegar liður á daginn:

 

Jæja, stórleikur í dag í enska boltanum: Arsenal - Man Utd. Ég fór í Arsenal treyjuna mína bæði í gær og fyrradag til að stríða Hjörvari Steini, sem ég var að þjálfa eitthvað aðeins á síðustu dögum, en hann er forfallinn Man Utd aðdáandi. Og því blasti við honum Arsenal merkið þegar hann leit upp. Æ, ég varð að djóka aðeins í stráknum. En leikurinn verður vísast mjög skemmtilegur og vonandi að mínir menn í Arsenal fari með sigur af hólmi...eða tapi a.m.k. ekki.

 Haustmót T.R. stendur yfir og hékk ég í TR heimilinu í gærkvöldi, en þar eð ég ku vera skákstjóri þar, verð ég nú að vera eitthvað á staðnum. Ég er sem betur fer ekki yfirdómari, en Óli Ásgríms er í því hlutverki og mesta vinnan lendur á honum. En ég þarf að gera eitthvað líka, m.a. að mæta í dag til að sitja yfir frestaðri skák frá því á miðvikudaginn, á sama tíma og leikurinn hjá ARSENAL og Man Utd fer fram. Líklega set ég menn bara af stað og laumast síðan yfir á Billiardbarinn sem er við hliðina og horfi á leikinn. Það gerist hvort sem er lítið í skákinni hjá þeim fyrstu 2 tímana eða svo.

Og ef Óli Ásgríms verður á staðnum, laumast ég bara yfir. Málið dautt.


En jæja, ég heyrði í vini mínum Omari Salama í gærkvöldi. Þar er góður drengur á ferð og hann var að eignast barn um miðjan október. Eiginkona hans, Lenka Ptacnikova skákdrottning Íslendinga, eignaðist reyndar barnið, en hann hafði komið við sögu í aðdragandanum! Ég var þá staddur í Tyrklandi, en fékk sms frá Lenku. Ég óska þeim báðum innilega til hamingju. Ég held að Omar hafi þá verið á leiðinni frá Namibíu, þar sem hann var að kenna þarlendum krökkum skák en hann er mjög fær unglingaþjálfari. Vinur hans frá Egyptalandi, Adly, varð um daginn heimsmeistari unglinga u-20 ára. Skilst mér að Omar hafi nú laumað einhverju að honum fyrr á árum.

Jæja, en Omar fór síðan að baða Adam litla Omarsson, sem stækkar og dafnar vel, enda í umsjón tveggja áhugasamra og yndislegra foreldra, sem munu hugsa vel um drenginn og búa þar til efnilegan stórmeistara í skák, ekki spurning.

Jæja, foreldrar mínir áttu 40 ára brúðkaupsafmæli í vikunni sem leið. Þetta verður nú æ sjaldséðara, þ.e. að fólk endist svo lengi. En gaman að þessu.


Ísabella og Ívar Ingimundar-litlabróður-börn komu til "ömmu" og "afa" í gær. Ég fékk að vita það með síma og rann á staðinn. Þau eru mjög skemmtileg börnin, en ég hef ekki séð þau síðan í september. Hún er 9 og hann 7 ára, og búa á Laugarvatni. Þau munu vísast kíkja aftur í dag og þá vísast Arnar Máni litli bróðir líka. Voðalega gaman að þessum börnum hans Munda. En nú eru þau fyrstnefndu að eignast lillabró!

Og jólagjafakostnaðurinn eykst!