Eru menn gengnir af göflurunum?

Ok, göflunum.

Í fyrsta lagi, þá er þetta hundsmorð andstyggilegt og vona ég að hinir seku verði gripnir, ákærðir og fundnir sekir, og lokaðir inni lengi. Síðan mæli ég með, að höfðað verði skaðabótamál á hendur þeim í Bretlandi.

Í öðru lagi; hvaða fávitar hóta mönnum morði með þessum hætti? Ég meina, sek mannsins, sem fyrir þessu hefur orðið, er ekki einu sinni sönnuð. Og hann segist ekki hafa verið í bænum þegar þetta gerðist. Hvað er fólk að spá? Svona lið á að loka inni með þessum hundamorðingjum.

Í þriðja lagi.  Þá fatta ég samt ekki, hvaða fjöldasamkomur þetta voru vegna Lúkasar. Mér sýnist þær hafa aðeins orðið til þess, að æsa veikgeðja fólk upp til að senda morð-SMS á aðila, sem ekki hefur sannast að hafi tekið þátt í þessum verknaði. En annars veit ég auðvitað ekki hvort samhengi er þar á milli, en það kæmi mér ekkert á óvart.

Morðhótunum rignir yfir ungan mann

Athugasemdir

[Hermann Aðalsteinsson (IP-tala skráð) 29.6.2007 kl. 13:12]

Sammála þér Snorri.  Fólki dettur ýmislegt í hug þegar það er í einhverskonar geðshræringu.  Ill meðferð á dýrum er alltof algeng.  Það þarf nú dálítið hugmyndflug til þess að drepa hund með þessum hætti. 

Ég hef líka heyrt sögur af því að mótorhjólamenn (á krossurum) geri sér það að leik að keyra á kindur og lömb í Vaðlaheiðinni viljandi og reyna að drepa þær og nokkur lömb hafi fundist nú síðustu dagana dauð (hryggbrotin) eftir þá.

Þetta er sjúkt fólk.

[Ingi Geir Hreinsson, 29.6.2007 kl. 14:07]

Sammála. Það er eitthvað meira en lítið skuggalegt að gerast hérna. Bæði það að nokkur manneskja fari svona með dýr og svo líka þessi ofsafengnu viðbrögð sem hér virðast vera að verða reglan fremur en undantekningin.

[Hörður (IP-tala skráð) 29.6.2007 kl. 14:47]

Rétt skal vera rétt!

Mig langar til að benda á sannleikann í Vaðlaheiðar málinu sem þú nefnir, bein slóð á sannleikann er hér KKA.

Kv Hörður

[Vilhelmina af Ugglas, 29.6.2007 kl. 22:43]

Franski heimspekingurinn og vísindamaðurinn René Decartes negldi upp hunda á planka og skar úr þeim innyflin lifandi í kennslustundum til að sýna læknanemum "gangverk líkamans" í action. Vælið í þeim útskýrði hann með því að vélar sem biluðu hefðu tilhneigingu til að ískra.