Fer allt eftir vindáttinni?

Jæja, sagan endalausa heldur áfram. Og eins og venjulega fara kratar fremstir í því, að elta þau mál, sem vinsæl eru, eða í umræðunni í þjóðfélaginu. Þetta er sama gamla sagan. Púður kratanna fer í að karpa um vinsæl dægurmál, í leit að fylgi. Þetta hefur ekki gengið hingað til, og mun ekki ganga. Kjósendur vilja stefnu, ekki vindhanagang.

En þó er sjálfsagt að ræða mál Byrgisins áfram, en óður kratanna í þessu máli er farinn að vera þreytandi. Maður fer að fá á tilfinninguna, að það sem að baki standi sé ekki aðeins umhyggja fyrir fórnarlömbum "Lille ven", heldur einnig, og hugsanlega enn frekar, tækifæri til að ráðast á stjórnina og skora punkta hjá þjóðinni, sem virðist ekki ætla að fá nóg af Byrginu...eða svo mætti halda.

En leyfum þó Össuri að njóta vafans. Þótt maður gruní, í ljósi "málflutnings" Samfó undanfarið, að Byrgismálið sé vatn, sem kratarnir vilja misnota í myllu sína, fær Össur að sanna, að þetta sé ekki bara lína í stjórnmálaleikriti Samfylkingarinnar.

En í öllu falli er Samfó flokkur sem berst með straumnum, eða reynir það. Hrekst þangað sem vindurinn blæs, allt vegna vinsældarleitar, sem er dæmd til að mistakast.

Össur spyr um ábyrgð stjórnvalda gagnvart stúlkum í Byrginu

Athugasemdir

[Hallgrimur Viðar Arnarson (IP-tala skráð) 8.2.2007 kl. 11:07]

Eftir að hafa lesið bloggið þitt í þó nokkurn tíma, fékk mestann áhuga á skákmótinu í Tékklandi um daginn, á verð ég að viðurkenna að ég er sammála um 95 % af því sem er hér skrifað um Samfylkinguna á bloggsíðu þinni.

Ein spurning í lokin. Hvernig líður skákfélaga þínum eftir augnaaðgerðina sem hann gekst undir í Tékklandi?

[Snorri Bergz, 8.2.2007 kl. 11:20]

Aðgerðin tókst mjög vel og er hann í skýjunum yfir "nýju augunum". Það sem meira er, klínikið þarna úti er mjög gott, starfsfólkið talar allt ensku, jafnan menntað í USA skilst mér. Þetta er jafnframt ódýrasta klíníkið í ESB, þ.e. sem gerir svona aðgerð af fullri fagmennsku. Verðið aðeins um 100.000 kall. Bendi þeim, sem hafa áhuga á, að hafa samband við Robba í [e-mail]. Hann getur haft milligöngu um þetta fyrir menn.