Yndislegt

Æ, ég varð bara að commenta á þetta. Grindavík vann KR.

Góður endir á að flestu leyti ágætis degi.

Ramsay tryggði Grindavík sigur gegn KR

FRAMsigur

Glæsilegt. Loksins gerist eitthvað eftir þrjú töp í röð.  6-0 gegn Fylki.

Þungu fargi af manni létt.

Áfram FRAM

Framarar fundu taktinn og skelltu Fylkismönnum

Spurning að selja aðgang

að Britney, eins og að fótboltaleikjunum. Ja, næg virðist vera eftirspurnin.

Lutfi vill aðgang að Spears á ný

It's the Weather Channel: Nobody cares!

Kvót dagsins:

 

• "It's nearly as if we live in a world where if Christians kill Muslims, it's a crusade. If Jews kill Muslims, it's a massacre. And when Muslims kill Muslims, it's the Weather Channel. Nobody cares."

Þjófar

Það var brotist inn heima hjá mér um daginn og öllu verðmætu stolið. Í gær eða fyrradag var byrjað að losa skrúfur á lás sem lokar veröndinni þegar hún er ekki í notkun, vísast til að verða sneggri að dýrka upp lásinn þegar ráðist verður til atlögu.

En þjófurinn veit kannski ekki:

1. Hann er búinn að hirða allt verðmætt hvort sem er
2. Það er komið solid öryggiskerfi í húsið (en hann fattar það vísast ekki, enda eru merki því lútandi á íslensku)
3. Fleiri öryggisráðstafanir hafa verið gerðar.

En hrikalegt er þetta. Maður heyrir sögur af húsum hér og þar sem hafa verið tæmd. Í götu einni í Breiðholtinu var næstum heil raðhúsalengja tæmd, eitt húsið meðan íbúarnir voru upp á efri hæðinni að horfa á EM í fótbolta með stillt á fullt!

Löggan segir að  þetta séu erlendir atvinnu-innbrotsmenn. En af hverju er ekki hægt að finna þessa kauða?

Og til öryggis sit ég nú bara heima í sumarfríinu og nenni engu öðru en að blogga einhverja vitleysu!

 

Þjófar á ferð í borginni

Guðjón rekinn

Jæja, kemur ekki á óvart. Ég hef verið að "spá" þessu, hér, hér og hér, ásamt nokkrum eldri færslum. Það var þó ekki af spámannlegum vexti einum og sér, heldur hafði ég semsagt heimildamenn í innsta hring Skagaliðsins. Ég hafði þannig frétt, í júní ef ég man rétt, að bræðurnir yrðu væntanlegir arftakar ef Guðjón færi. Það hafði ég líka úr "innsta hring" (nenni ekki að leita að linknum).

En þetta á svosem ekki að koma á óvart. En Guðjón var cocky í grein sem birtist í Mbl. í morgun. Hann er varla mjög cocky núna, heldur situr vísast heima við eldhúsborðið á nærunum og spilar Football Manager á lappanum.

Guðjón hættur með ÍA

Björk og Sigurrós halda tónleika á Hyde Park

til stuðnings Bubba, til að bæta honum upp verðbréfatapið!

Tónleikarnir verða í boði eftirtalinna fyrirtækja:

-- Shine - skallabóns
-- Cosa Nostra - sólgleraugnafyrirtækisins
-- Gillette - skallarakblaða

 

Annars var þetta ágætt hjá Bubba. Margt alvarlegra að í samfélaginu en álverin.

 

Bubbi liggur undir ámælum

Minningargrein

Æ, nú er Háaleitisútibúið farið.

Þar opnaði ég fyrsta bankareikninginn, fékk ávísanahefti og kort. Þá hét bankinn Samvinnubankinn, en rann saman við gamla bankann á sínum tíma.

Bankinn var þá starfræktur í litlum hluta fyrrverandi útibús, en tók síðan yfir húsnæði garnverslunarinnar og braut niður millivegginn. Það var stór dagur í bankasögu Smáíbúðahverfisfólks.

En mér finnst miður að sjá á eftir Háaleitisútibúi Landsbankans. Hvernig á fólk í Smáíbúðahverfi að nenna að fara til Hamraborgar ef það á erindi í "bankann sinn"? Það er kannski gott að búa í Kópavogi (lesist með bassaröddu), en til hvers eiga Reykvíkingar að sækja þangað bankaviðskipti?

Ég yrði ekki hissa þó Kringluútibú Kaupþings muni njóta góðs af þessu eða Glitnir í Miðbæ.

Landsbankinn sameinar útibú

Old news

Ég bloggaði um þetta fyrir mörgum vikum, þ.e. að þetta stæði til. Enda þekki ég mann, sem þekkir mann, sem þekkir mann sem er innanlæra í innsta hring Skagamanna.

En síðast bjargaði Skaginn sér, enda fékk liðið þá að spila sóknarbolta undir stjórn tvibbanna, en ekki kýla fram, hlaupa og tækla eins og á tíð Ólafs Þórðar. Nú gæti það sama gerst, því með tilkomu þeirra gætu framherjar Skagans fengið að fara reglulega fram yfir miðju og miðjumenn fengju heimild til að spila boltanum á milli sín og varnarmennirnir fengju að gefa boltann á miðjumennina í stað þess að kýla fram og hrópa: "Hlaupa strákar".

Taka Arnar og Bjarki við þjálfun Skagamanna?

Hræsnin

Ég var ánægður með ummæli Hippó læknis í þessu máli. Hann segir nákvæmlega það sem ég vildi hafa sagt. Mér finnst hatrið hér vera orðið yfirgengilegt, þar sem menn/þjóðir eru ekki settir/settar við sama borð.

Maður var ekki hissa á að sjá vel þekkta haturskóna ryðjast fram með offorsi við þessa frétt. Sömu menn steinþegja eða telja málið réttlátt þegar fórnarlömbin eru ísraelsk.

Annars er maður orðinn svo vanur svona viðhorfum að maður er hættur að nenna að láta þau bögga sig.

Skutu palestínskan fanga