Málið í höfn: Ný ríkisstjórn tekur við á morgun

Jæja, þá virðist þetta vera komið. Engin ljón eftir í veginum og nú geta formennirnir tveir farið að tilkynna um ráðherralista og önnur metorð, sem þingmenn flokkanna geta vænst.

En þar eð margir "þungavigtarmenn" (konur meðtaldar) eru í flokkunum, er spurningin e.t.v. sú, hverjir fara sárir frá borði, þegar vonin um ráðherrastól og risnur hefur brugðist?

Fundi flokksráðs Sjálfstæðisflokks lokið

Líbanon

Einhvern veginn kemur þetta ekki á óvart. Ég er nær alveg handviss um, að sá ófriður, sem geisað hefur í Líbanon síðustu misserin, er að stærstum hluta tilbúinn í Damaskus, eða í Teheran, með millilendingu í Damaskus.

Að mínum dómi þarf leiðin til friðar í Miðausturlöndum að liggja um báðar þessar höfuðborgir. Og með þá kumpána, þennan með hnífinn á myndinni til hliðar og litla Assad, við völdin, er það ólíklegt.

Og eins og er virðist Líbanon vera sá æfingavöllur, sem kumpánar þessir hafa valið til að prófa sig áfram.

 

Hvíta húsið varar Sýrlendinga við að nýta sér átökin í Líbanon

Þingflokkur Framsóknar

OK, fimm þingmenn Framsóknar eru í stjórn þingflokksins. Af hverju er verið að skilja Guðna og Valgerði útundan?

Siv kjörin formaður þingflokks Framsóknarflokks

Skoðanakönnun um ráðherraembætti

Jæja, þetta er ágætt. Nú er verið að gera skoðanakönnun meðal þingmanna um, hverjir ættu að fá sæti í næstu ríkisstjórn.

 

Ég myndi t.d. vilja losna við Sturlu, svo aðeins nafn sé nefnt.

Formenn ræða við þingmenn Sjálfstæðisflokks og Samfylkingar

Að gefnu tilefni...

...skal hérmeð tilkynnt, að fréttir af félagaskiptum mínum í KR eru stórlega ýktar.

Jón segir fregnir af andláti sínu stórlega ýktar

Barist víða

Hér á mbl.is eru í dag fréttir frá bardögum á fjórum stöðum, alls staðar borgarastríð, stundum með erlendri íhlutun: Gasa, Írak, Líbanon, Afghanista. Það merkilega er, að alls staðar eiga svonefndir "heittrúar-múslimar" í hlut.

Skrítið?

Barist í Líbanon þriðja daginn í röð