Tóbakslöggan: fyrirspurn til VG

Nú í sumarbyrjun verður bannað að reykja á veitingahúsum og víðar. Ég vil því leggja hér fram formlega fyrirspurn:

a) Mun VG leggja það til, á Alþingi eða í ríkisstjórn, að komið verði á fót tóbakslöggu, sem eigi að hafa eftirlit með því, að tóbaksbannlögunum verði framfylgt?

b) Ef svarið er jákvætt, verður tóbakslöggan deild í netlöggunni, eða báðar deild í klámlöggunni?

Virðingarfyllst

SGBergz

 

Skilorðsbundið fangelsi fyrir sígarettusmygl

Beðist fyrir í upphafi skákmóts.

Já, ég tapaði í gær gegn Héðni Steingrímssyni, alþjóðlegum meistara. Það kom nú varla á óvart svosem, enda er Héðinn mjög sterkur skákmaður. Ég kom nokkuð vel út úr byrjuninni svosem, miðað við að ég var að tefla byrjun sem ég hef aldrei teflt áður og hef aldrei stúderað.

En þegar á leið kom styrkleikamurinn í ljós. Þá fór hann að leika þessa óskiljanlegu smáleiki, sem reyndust síðan öflug drápsvopn þegar á hólminn var komið. Héðinn var gríðarlegt efni, sem hætti síðan að tefla og fór í nám til Þýskalands. Hann er aðeins nýlega kominn aftur í skákina og kemur sterkur inn.

En á myndbandinu sést vel að hann býr yfir leynivopni. Þar sést þegar hann leggst á bæn við upphaf skákar. Ég þarf að prófa þetta.  -

(Myndin: tekin þegar ég hafði hár - Héðinn til hægri - báðar myndirnar teknar um svipað leyti)

Efnilegustu skákmenn landsins á alþjóðlegu skákmóti

Frjálslyndi flokkurinn gerist helsti stuðningsaðili útvarpsstöðvar

Eða ruglaði ég þessu útvarpi saman við Útvarp Sögu?

Nýbúaútvarp mun nást á öllu höfuðborgarsvæðinu

Pólítísk mæling

Já, það voru þrír menn að vinna í byggingarvinnu í Borgartúninu, Íslendingur, Pólverji og Kani. Síðan kom kaffitími og mennirnir settust á bjálka uppi á 8 hæð og tóku upp nestið.

Pólverjinn ákvað að vera gjafmildur og tók upp heilan kassa af Prince Pólói og tæmdi hann út í loftið, Íslendingum til ánægju. "Það er nóg til af þessu í Póllandi"!

Kaninn vildi nú ekki vera minni maður og tók upp mikið seðlabúnt, henti því út í loftið og sagði: "Nóg til af þessu í Bandaríkjunum"

Íslendingur horfði í kringum sig, ýtti Pólverjanum fram af bjálkanum og sagði: "Nóg til af þessu á Íslandi".

 

Ef þér fannst þetta fyndið, ertu Magnús Þór Hafsteinsson, innst í þínu hjarta.

 

Gott hjá kóngsa

Jæja, mér finnst þetta gott hjá kóngsa. Tælendingar verða engu bættari með að loka inni mann, sem greinilega gengur ekki heill til skógar.

 

Taílandskonungur náðar Svisslending

Ný skoðanakönnun

Jæja, nú ég ætla ég loksins að henda út skoðanakönnuninni, sem hefur verið hér á takk-blogginu síðan vel fyrir páska. Sú skoðanakönnun hljóðaði upp á, hvar fólk telji mestan skort vera á lýðræði í heiminum. Niðurstaðan er eftirfarandi.

 

Rússlandi 4,7%

Hvíta-Rússlandi 2,4%

Norður-Kóreu 27,6%

Kína 3,9%

Íran 6,3%

Saudi-Arabíu 13,4%

Sýrlandi 0,8%

Súdan 3,9%

Líbýu 0,8%

Zimbabwe 11,0%

Kúbu 3,9%

öðru landi 21,3%

127 hafa svarað

Þetta var svolítið öðruvísi en ég átti von á. Mig grunar, að kanahatandi sósíalistar, bæði umhverfiskvennasósíalistar og kratar, hafi sett "annað land" með USA í huga, en annars skýrir þetta sig sjálft. Sjálfur kaus ég Rússland upphaflega, en hefði sennilega átt að kjósa Hvíta-Rússland frekar. En ég vek athygli á, að könnun þessi var sett inn í kjölfar þess, að Pútinsmenn réðust á mótmælafund Kasparovs og félaga í stjórnarandstöðunni.