Landbúnaðarvörurnar

ættu nú að vera góðar, eins og þær kosta nú mikið, annars vegar út úr búð og hins vegar allir þeir milljarðar sem ríkið styrkir bændur með.

Íslendingar telja íslenskar landbúnaðarvörur betri en erlendar

Draugaráðherra!?

Stórsnjöll hugmynd. En varla mjög frumleg, því höfum haft einhvern Sturlu Böðvarsson í samgönguráðuneytinu í fjölda ára, og maður er ekki viss um hvort hann sé í raun og veru til.

„Draugaráðherra" í ríkisstjórn Kongó

Ótrúleg spenna!

Þetta var eitt mest spennandi Íslandsmót skákfélaga í mörg, mörg ár. Hellismenn eru vel að þessum sigri komnir. Þeir voru einfaldlega með besta liðið, að vísu ekki besta liðið á pappírnum, en stundum er ekki nóg að "fylla liðið af útlendingum" eins og Eyjamenn gerðu. Hellir var reyndar með einn útlending í haust og tvo núna.

Ég missti af síðustu umferðinni, en sá seinni helming hennar á netinu. Sá ég þar greinilega, að Hellismenn voru að ná yfirhöndinni, enda kom í ljós að 6-2 urðu úrslitin. Glæsilegur sigur, sem skrifast fyrst og fremst á góðan liðsanda og mikla stemningu í liðinu. Gunnar Björnsson hershöfðingi Hellismanna stóð sig vel í því, að koma hópnum í gírinn og halda honum á tánum.

 Við TR-ingar, fráfrarandi Íslandsmeistarar, stilltum upp vængbrotnu liði, bæði í haust og aftur nú í mars. Við attum því aldrei möguleika, en héldum þriðja sætinu með góðum sigri í síðustu umferð. Við vorum eina a-liðið, sem ekki stillti upp erlendum málamiðum, en í ljós kom að fjölmargir úr heimavarnarliðinu áttu ekki heimagengt.

Garðbæingar og TRb féllu. Þeir fyrrnefndu stilltu nánast upp b-liði þetta skiptið, en mjög marga vantaði. TR-b leið fyrir veikleika a-liðsins og átti aldrei möguleika. SA-b kom á óvart með góðri frammistöðu allt mótið. A-sveit Akureyrar og Haukar sigldu lygnan sjó lengst af, eins og við mátti búast.

En ljóst er, að við TR ingar þurfum að gera betur næst og reyna að tryggja, að okkar bestu menn mæti betur, efla liðsandann og hugsanlega styrkja liðið eitthvað.

 

 

 

Hellir vann Íslandsmót skákfélaga