Andri Snær rist-aður?

Ég náði loksins að klára þann hluta verkefnisins sem ég ætlaði að klára í kvöld. Þá kom tími til að kíkja á Kastljósið, þar sem ég vissi af Andra Snæ og Rannveigu Rist ræða um stækkun álversins í Straumsvík.

Ég verð að segja, að Andri Snær olli mér vonbrigðum. Hans einu röksemdir voru þau, að svo og svo mikil orka væri til í landinu og hvað mikið af þeim pakka lendi í Straumsvík. Hans röksemdir voru þær sömu og hinar, sem notaðar eru gegn því að flytja flugvöllinn í Vatnsmýrinni: Þetta skipti alla landsmenn máli.

En ég sé ekki að það snerti mig nokkuð, hvort álverið sé svo og svo stórt eða svo og svo lítið. Ég fer bara út á flugvöll nokkrum sinnum á ári, max. Að öðru leyti snertir það mig ekkert.

Mér fannst Rannveig Rist koma vel út úr þessu viðtali. Eg held, að hún hafi farið langt með að tryggja álverinu áframhaldandi rekstur...og þá í stærri útgáfu.

 

Alvöru menn?

Af hverju sendum við Íslendingar ekki fulltrúa okkar í þennan hóp "alvöru manna"?

Ég hefði t.d. sómað mér vel þarna!

 

Leita að „alvöru mönnum“ á ástarsögurnar

Kannski þeir gerist Íslandsvinir fljótlega?

Þessir bræður eru sterkur markhópur fyrir Íslandsvinavæðinguna.

Spurning há þey vill læk Æsland?

Bretaprinsar döðruðu drukknir á næturklúbbum

Ætli Sigurður Tómas fái að versla í Bónus?

Síðan er auðvitað allt annar handleggur, hvort hann vilji það?

Þetta Baugsmál er orðið langt og leiðinlegt. Flestir vilja að því ljúki, sumir vilja sýknu aðrir sakfellingu.

Mér er eiginlega alveg sama. Ég vil bara að því ljúki.

Sigurður Tómas: Framburður Jóns Ásgeirs ekki trúverðugur

Smá pæling um pólítík Spaugstofunnar

Einhver sagði mér nýlega, að amk þrír af fimm Spaugstofumönnum væru í Samfylkingunni. Þar var átt við Sigurð Sigurjóns, Pálma og Örn. Ég vissi amk um Sigga, en hinir gætu alveg passað. Þeir hafa það góðan húmor fyrir sjálfum sér, að þeir hljóta að vera kratar.

En a.m.k: Spaugstofan hefur eins lengi og ég man eftir mér lagt til atlögu við stjórnvöld í landinu með gríni og ýmsum athugasemdum.

En hvenær hættir grín og áróður tekur við? Hvað hefði gerst, ef Spaugstofumenn hefðu tekið upp málstað Alcans í þessu gríni sinni og rekið áróður fyrir álveri? Þeir segjast vera "stjórnarandstaða", en Alcan málið er hvorki stjórn né stjórnarandstaða, beinlínis, heldur þvert á pólítískar línur.

Eru þeir þá ekki að reka (grín)áróður fyrir sínum eigin pólítísku skoðunum?

Fóru þeir ekki líka yfir strikið þar. Mér finnst reyndar að þeir hafi æði oft farið yfir strikið í umfjöllun sinni um stjórnmálamenn og stjórnmálaflokka. Og Samfó hefur nær aldrei fengið neinar gusur frá þeim, jafnvel þegar ærin ástæða var til.

Er þá ekki Spaugstofan pólítísk?

Er ekki kominn tími til að spyrja sig þeirrar spurningar, nú í aðdragana kosninga, hvort Spaugstofumenn muni ekki halda áfram að reka andóf gegn stjórnarflokkunum, en veita sósíalistaflokkunum þegjandi samþykki sitt?

Dæmum þá til hæstu refsingar!

Refsingin: að þurfa að horfa á alla þætti Svínasúpunnar, Strákanna og Stelpnanna. Verri refsingu geta þessir drengir varla fengið.

En þótt sumum finnist lögin asnaleg, eru þetta gildandi lög í landinu og eftir þeim verður að fara.

Spaugstofumenn brutu lög um þjóðsönginn

Hollywood stjarna í axlabandaslysi!!

Allt er greinilega hægt?

Hillary Swank slasaðist í axlabandaslysi

Jón Axel les Jakob Nielsen

Mikið var ég hissa að sjá Jón Axel birta kafla úr skrifum Jakobs Nielsens, sem er einn merkilegasti (en umdeildasti) internet kallinn í USA. Hann hefur athygliverðar, en umdeildar, kenningar um vefinn og hvernig auka skuli sýnilega vefsíðna þar. Meðal annars hefur hann ritað nokkuð um hvernig rita skuli veftexta. Þar rennur Jón Axel á bragðið.

Mér finnst þetta mjög merkilegt hjá Nielsen, en því miður er mjög lítið farið eftir þessu, að manni sýnist. Hver vefsíðan á fætur annarri er skrifuð af allskonar fólki, sem stundum er illa skrifandi per se, stundum illa skrifandi á vefinn, stundum er þetta ágætt.

Það virðist vera lítið um, að sérhæfðir textasmiðir annist ritun á heimasíður fyrirtækja. En kannski er það að breytast, sbr. til dæmis nýlega áherslu eins internetfyrirtækis á þennan þátt vefsíðuhönnunar.

En kannski geta bloggarar átt von á því, að Jón Axel fari að skrifa öðruvísu á komandi misserum, nú þegar hann hefur lært trikkin?

Eurovision

Svíar telja sig alltaf sigurstranglega. Rétt eins og Íslendingar.

En mikið vona ég að Svíar fari niður í logum. Norðurlöndin hafa ekki ráð á nema einum Eurovision hroka. Mér finnst sanngjarnt að við fáum að hafa hann núna.

En hugmynd Svíanna er annars flott. Hvernig færi að sýna öll myndböndin í bíó?

Svíar telja sig sigurstranglega í Evróvisjón

Mánudagur til mæðu

Já, svo sannarlega. Ég svaf yfir mig í morgun. Vaknaði reyndar á venjulegum tíma, c.a. rúmlega fimm, og leit á klukkuna. Hún var þá rúmlega eitt. Ég skreið aftur upp í, og náði að leggja mig smástund. Reis svo upp að nýju og sá þá, að það var byrjað að birta úti.

Mitt trausta armbandsúr var orðið batteríslaust. Hefði ekki átt að koma mér á óvart. Ég er búinn að eiga það í fjölda ára, og það hefur hvorki bilað né tapað "hraðanum" eins og gerist með fótboltamenn, þegar þeir ná ákveðnum aldri. En klukkan í eldhúsinu sagði 6:50. Ég hitaði því kaffi, sinnti morgunverkunum og rölti síðan niðrá BSÍ, þar sem ég sit gjarnan á morgnana. Gott að sitja hér með tölvuna, fara á netið, drekka kaffi og vinna aðeins.

Ég ætlaði að fara að laga textann á nokkrum undirsiðum á vefsíðu ónefnds fyrirtækis úti í bæ, en hafði gleymt passwordinu. Því sit ég hér eins og asni og blogga, eldsnemma að morgni. Já, mánudagur er til mæðu.

Framundan er nóg að gera fyrir vana menn. Þar fyrir utan er skattaskýrslan, sem ég þarf að skila á morgun. Og tannlæknirinn á miðvikudaginn. Margur hefur farið á taugum við minna. Ég hræðist þó ekki tannsa. Mitt stærsta vandamál þar er, að komast hjá því að sofna í stólnum. Ég skil ekki þá, sem hræðast tannlækna.

En skattaskýrslan er meira vandamál. Maður þarf að reikna út allskonar tölur, leggja saman og draga frá. Ég vona að forritið hjá skattinum geri það mest allt fyrir mig. Og ég er með allt tilbúið til að fóðra "dýrið". Nú er bara að sjá, hvað kemur út úr þessu.

En ég á fastlega von á, að nenna þessu ekki á næsta ári. Veit einhver um góðan endurskoðanda?