Búin að fá nóg af ruglinu?

Hverjir hafa ekki fengið sig "fullsadda" af Britney Spears?? Þessi misfeita/granna Barbídúkka lifir á fornri frægð, að mínum dómi óverðskuldaðri, og situr enn föst á milli tannanna á slúðurpésum vestra, sem dæla hverju smáatriði úr lífi hennar í aðra fjölmiðla, sem apa vitleysuna upp. Ef ég gæti ekki rekið við á almannafæri án þess að það kæmi í fréttum helstu blaða heimsins, væri ég líka orðinn snarruglaður og byrjaður að rúnta um helstu æluræsi næstu stórborgar.

En það ruglaðasta við Britney Spears hefur þó verið, hin síðustu misseri, að vera að burðast með Paris Hilton upp á arminn.

Og síðan skilja sumir ekki af hverju þessir ljóskubrandarar eru svona fyndnir.

Útgefendur Britney Spears búnir að „fá sig fullsadda af henni“

Skelfilega lélegir?

Spurning hvort "strákarnir okkar" þurfi enn einu sinni að standa undir of miklum væntingum. Við gömlu mennirnir munum vel eftir t.d.  Seoul 1988, þegar það átti bara að taka dolluna, eða a.m.k. að koma heim með medalíu. En þá vorum við líka "skelfilega lélegir".

En við vonum bara það besta þetta skiptið og segjum: "Áfram Ísland".

Alfreð: „Við vorum alveg skelfilega lélegir“

Magni rassskelltur af "Angelinu Jolie"?

Smá viðbót: Yfirlýsing 

 

Ok, þegar maður sá stelpuna þarna, hvað heitir hún aftur, þá sem blóðgaði Magna í den, flengja Magna á sviðinu fór maður að hugsa: "Ok, ef kærastan dömpar honum ekki núna...þá veit ég ekki hvað".

En getur verið -- og ég vil alls ekki vera með nein leiðindi -- að það hafi einmitt þessi stúlka, sem hafi komið upp á milli Magna og Eyrúnar? Ja, svona sbr. "Pitt-Jolie-Aniston og "working together closely" en bara vinir" dæmi? Held að margir hugsi þetta núna, en menn þori ekki að minnast á.

Kæmi ekki á óvart svosem...en það er einkamál Magna.

Magni mætir ekki í Molann

Hvala-afurðir?

Ógn við ritfrelsi mitt, ekki spurning.

Hvalaafurðir urðaðar á Mýrum

Fuglaflensan

Nei, mér skilst að Svanur prófessor sé aftur orðinn lasinn...með flensu.

Chan segir fuglaflensuógnina ekki liðna hjá

Shell

Skeljungsmótið 2007

Tilkynning frá Taflfélagi Reykjavíkur. Sjá einnig; Skáksíðuna.

Skeljungsmótið 2007 – Skákþing Reykjavíkur hefst sunnudaginn 8. janúar nk. kl. 14. Tefldar verða 9 umferðir eftir svissnesku kerfi og eru tímamörk að jafnaði 1½ klst. á alla skákina auk 30 sek. á leik. Umferðir verða á miðvikudögum og föstudögum kl. 19.00 og á sunnudögum kl. 14.00.

Verðlaun í Skeljungsmótinu hafa aldrei verið hærri, verða alls kr. 245,000. Í aðalkeppninni verða verðlaunin fyrir þrjú efstu sætin kr. 100.000, kr. 60.000 og kr. 40.000. Sigurvegarinn hlýtur auk þess nafnbótina Skákmeistari Reykjavíkur 2006 og farandbikar til varðveislu í eitt ár. Verðlaun fyrir bestan árangur skákmanna undir 2000 elóstigum (íslensk skákstig) verða kr. 15.000. Verðlaun fyrir bestan árangur kvenna kr. 15.000 og verðlaun fyrir bestan árangur unglinga undir 16 ára verða einnig kr. 15.000.-

Þátttökugjöld verða kr. 3.500 fyrir 16 ára og eldri og kr. 2.000 fyrir 15 ára og yngri.

Dagskrá mótsins

1. umferð sunnudag 7. janúar kl. 14-18
2. umferð miðvikudag 10. janúar kl. 19-23
3. umferð föstudag 12. janúar kl. 19-23
4. umferð sunnudag 14. janúar kl. 14-18
5. umferð miðvikudag 17. janúar kl. 19-23
6. umferð föstudag 19. janúar kl. 19-23
7. umferð sunnudag 21. janúar kl. 14-18
8. umferð miðvikudag 24. janúar kl. 19-23
9. umferð föstudag 26. janúar kl. 19-23

Skákþingið er reiknað til alþjóðlegra skákstiga.

Skráning er á heimasíðu T.R www.skaknet.is og þar verður að finna nánari upplýsingar og keppendalista. Einnig er hægt að skrá sig í síma 895-5860 (Ólafur) eða í netfangið [e-mail] (Ríkharður).

Hraðskákmót Reykjavíkur verður haldið sunnudaginn 28. janúar og hefst það kl. 14.00. Tefldar verða 2x7 umferðir eftir Monradkerfi.

Þreytt.is

Æ, common. Eru þessar fréttir af "stjörnunum" í Hollywood ekki farnar að þreyta fleiri en mig? Ok, maður getur skilið, að meiri háttar skúbb um "stjörnurnar" rati á síður blaðanna, en t.d. voru sömu sögurnar um "stjörnur" á tveimur stöðum í Mogganum í morgun, ef ég man rétt. Og síðan hleðst þetta inn á mbl.is eins og ég veit ekki hvað.

Hvaða erindi á það við okkur Íslendinga, þó einhver Teen Bitch í Hollywood fái botnlangabólgu?

Botnlanginn fjarlægður úr Lindsey Lohan

Heilagt stríð um Sómalíu?

 Eins og ég ræddi nýlega er islamismi, þ.e. heittrúarhyggja íslams að hætti Hamas og skyldra hreyfinga, í sókn bæði í Evrópu og í heimi íslams. Meðal annars ræddi ég þar um tvískiptingu heimsins, í íslamskri guðfræði, annars vegar dar al-islam (heimur íslams) og hins vegar dar al-harb (heimur stríðs), þar sem múslimum beri skylda til að endurheima allt það land, sem eitt sinn var í heimi íslams, en hafi nú fallið í hendur krossfara, þar á meðal þar sem nú er Ísrael, Spánn, og nokkur ríki eða landsvæði innan ríkja við Miðjarðarhafið.

En nú er Sómalía komið til sögunnar. Þar ríkir, formlega séð, ríkisstjórn innfæddra og veit ég ekki betur en að hæstráðendur þar séu múslimar, eða að a.m.k. eigi múslimar þar verðuga fulltrúa, þó ekki séu þeir "íslamistar". En menn þessir ríkja í skjóli eþíópískra hersveita, en Eþíópíubúar börðust á sínum tíma harkalega gegn útbreiðslu íslams og héldu fornum siðum sínum. Því segir einn helstu foringja Al-Kæda að nú sé þörf á heilögu stríði í Sómalíu, rétt eins og í Írak, Afghanistan og víðar, þar sem hinir vantrúuðu ráði, eða hafi hersveitir staðsettar á "heilögu landi múslima". Hann segir m.a.:

Ég tala til ykkar í dag á sama tíma og eþíópíska krossfaraliðið saurgar mold hinnar elskuðu íslömsku Sómalíu. Ég hvet hina múslímsku þjóð Sómalíu til að halda áfram baráttunni, sem háð er á vígvelli krossfaranna fyrir tilstuðlan Bandaríkjanna og bandamanna þeirra og Sameinuðu þjóðanna í bandalagi þeirra gegn íslam og múslímum. Gerið þeim fyrirsát, leggið jarðsprengjur, gerið hóp- og sjálfsmorðsárásir uns þið sigrið þá eins og ljónin sem sigra og neyta bráðar sinnar.

Þetta er orðin eins og rispuð plata. Múslímar skulu leggja undir sig heiminn, samkvæmt sömu hugmyndafræði, og er það "frelsun" landa í dar al-harb. En þegar vantrúaðir vinna t.d. aftur lönd, sem þeir áttu áður og múslimar höfðu haldið, snýst dæmið við. Múslimar hafi því forréttindi umfram aðra í heiminum, þ.e. múslimar eigi að stjórna heiminum og innleiða sharía - íslömsk lög. Allt annað er óréttlæti.

Zawahri hvetur íslamista til bardaga í Sómalíu

Nú má ekki hósta lengur?!

En var bara ekki hægt að setja manninn á eigin skrifstofu, þar sem hann gæti sinnt starfi sínu án þess að trufla aðra? Jafnvel þeir, sem hafa slíka "fötlun", eiga rétt til að vinna eins og allir aðrir. Því er þetta svolítið asnalegt að reka manninn, þó vissulega skilji maður að svona kækur eða fötlun getur verið mjög truflandi.

En hvað kemur næst? Þeir sem eru með króníska sturtufælni?

Rekinn fyrir að hósta

Aldraðir, Hrafnista og umönnunarstörf

"Já, ég reyki", sagði miðaldra maðurinn, sem ég hitti hér á kaffistofunni í morgun. "Af hverju ekki?" spurði hann sjálfan sig og aðra. "Ég reyki til að drepast áður en ég þyrfti að fara á Hrafnistu".

Í sjálfu sér kom þetta mér ekki á óvart. Ég þekki aðeins til á Hrafnistu og fyrir mitt leyti get ég tekið undir með þessu manni. Ég ætla ekki, alls ekki, að eyða ellinni á slíku heimili.

Hugmyndin er ágæt svosem, að safna gömlu og illsjálfbragða fólki saman á einn stað og ala önn fyrir því. En gallinn er, að af einhverjum ástæðum er aðbúnaður þeirra frekar slæmur. Eftir því sem ég hef heyrt, eru stundum margir saman í litlu herbergi, maturinn slakur, bakkelsið vont, fátt starfsfólk, lítið að gera sér til dægrastyttingar, osfrv.

Ég hef þá skoðun, að starfsfólk vinni að jafnaði betur, þegar það er ánægt í vinnunni. Ég veit ekki um marga, sem eru ánægðir í vinnu t.d. á Hrafnistu. Þar er vinnuálag mikið, launin lág, mórallinn slæmur, því sökum þess, að launin eru lág, reyna sumir að komast eins ódýrt frá vinnunni og mögulegt er. Því lendir álagið á þeim, sem eru samviskusamir, þrátt fyrir allt. Og síðan bætist við, að sumir kunna ekki til verka, eru óvanir eða óhæfir. Álagið eykst þá enn frekar á hina. Og þetta fólk á nánast ekkert frí, því það er hringt í tíma og ótíma til að fá það til að vinna aukavaktir, þar eð sumir mæta ekki til vinnu, eða þá að ekki er nægjanlega skipað á vaktir. Stöðuglega er verið að auglýsa eftir fólki, en hvernig á fólk að nenna að vinna fullt starf fyrir kaup, sem er ekki mikið hærra og atvinnuleysisbætur eða örorkubætur?

En hvernig á fólk, sem vinnur nokkuð erfiða vinnu og fyrir skítakaup, að hafa ánægju af vinnunni og þarmeð að sinna gamla fólkinu vel? Laun þeirra eru smánarleg, svo ekki sé meira sagt. Aldraðir, sem hafa byggt upp þetta samfélag, sem við njótum í dag, eru núna settir út í horn og sagt að éta það sem úti frýs.

Ég kem því aftur að upphafinu: Er eitthvað svo gaman að verða aldraður, þegar þetta er sú framtíð, sem blasir við? Auðvitað eru aldraðir ekki allir í sama bási. Sumir standa ágætlega og hafa jafnvel það góða heilsu, að þeir geta búið heima hjá sér og hugsað um sig sjálfir. En sumir geta það ekki og þurfa að leita á náðir geymslustaða eins og Hrafnistu. Eg tek fram, að ég er ekki beinlínis að gagnrýna þá, sem reka Hrafnistuheimilin, heldur skil ég ekki hvernig stendur á því, að ríkisvaldið, sem sýgur úr okkur skatta á allar hendur, skuli ekki getað séð af stærri hlut af kökunni til að hugsa bærilegra um þá, sem byggðu þetta þjóðfélag upp?

Eg tek síðan fram, að ég er ekki sósíalisti, heldur hægri maður. En ég lít svo á, að sómasamleg umhyggja fyrir öldruðum sé eitt af þeim verum, sem ríkisvaldið eigi að sjá um, miklu frekar en t.d. að setja stóreflis fjárhæðir í að reka útvarpsstöðvar eða önnur samkeppnisfyrirtæki, sem betur færu í rekstri einkaaðila. Þetta er bara spurning um að forgangsraða verkefnum.