Einræðisherra fæddur

Mér finnst alltaf fyndið hversu vinstri menn hampa Hugo Chavez um leið og þeir gnísta tönnum af reiði yfir alls konar mönnum, sem þeir kalla einræðisherra.

En Castró er ekki einræðisherra, að þeirra mati, heldur forseti alþýðurikis og því góður gæi. Og fleiri mætti svosem telja. Og nú fær Chavez einræðisvöld í Venesúela, svipuð þeim sem Hitler hafði í Þýskalandi og Stalín í Sovét. Og þetta er alþjóðleg vonarstjórna sósíalista. Einræðisherra.

Nú býð ég eftir harmakveini á Múrnum um, að nýr einræðisherra sé kominn til sögunnar.

Chavez veitt völd til að stjórna með tilskipunum

Arsenal-Sp*rs

Jæja, Spursararnir stóðu sig vel. Áttu samtals þrjú skot á rammann eða í áttina að honum, og eitt lak inn. Áttu nokkur skot framhjá, spörkuðu boltanum stöku sinnum á milli sín, en voru lengst af að elta Arsenal-liðið, sem var með óvenju "gamalt" lið, með þrjá leikmenn eldri en 25 ára, þar af markmanninn. Kjúklingarnir átu þetta. Og þeir áttu um 30 skot á markið, þar af 12-15 á rammann.

Tvennt fór þarna í taugarnar á mér; annars vegar hversu Spurs menn komust upp með grófan leik, og hins vegar þetta endalausa nöldur í Robbie Keane.

En sanngjarn sigur og nú er það Chelsea í úrslinum. Vona að Arsenal nái að koma saman liði þá, en margir eru meiddir. Vonandi fara menn eins og Gallas að koma aftur. Veitir ekki af smá breidd.

Hvar var Jón Baldvin?

Jæja, nú leka fréttir um þennan atburð. Fréttin á Vísi var um að Bryndís Schram og Sigur Rós hafi stöðvað framkvæmdirnar

Sigrún segir að í mótmælunum hafi Bryndís Schram, einn mótmælenda, svo tekið sig til og rölt uppeftir þangað sem verktakinn sem vinnur við lagningu vegarins var að störfum með stórvirkar vinnuvélar. Hún hafi sest niður fyrir framan eina vélina og stöðvað þannig vinnu hennar. Fleiri hafi fylgt í kjölfarið og þá hafi gröfumenn hætt vinnu.

Maður spyr sig nú: hvar var Jón Baldvin? Ætlar hann ekki að fara í eina sæng með Framtíðarlandi, Ómari, Sverrisdóttur og fleirum í miðju-vinstri-ljósgrænt framboð? Eða er það allt misskilningur? Já, og hvar var Ómar? Eða voru þeir tveir kannski á fundi, og sendu Bryndísi fyrir sig?

En hitt er svo annað mál, að mér finnst þetta gott hjá Bryndísi. Ég er nú bara hægri-ljósgrænn, en ég vil verndar Álafosskvosina, ekki síst af minjasögulegum ástæðum - ja, eða bara sögulegum.

Bærinn óskaði eftir því að vinnuvélar yrðu fluttar úr Álafosskvosinni

Who cares?

Endurtek: Who cares?

Hugh hefur ekki fengið boðskort frá Elísabetu

Var ráðherra Íslands ættaður frá Asíu?

Einn af merkustu mönnum síðustu aldar var Einar Arnórsson lögfræðiprófessor og rektor Háskóla Íslands, sem m.a. var ráðherra Íslands á tíð fyrri heimsstyrjaldar og síðan ráðherra í utanþingsstjórninni á tíð síðari heimsstyrjaldar, einnig bæjarfulltrúi í Rvk. Hann var líka liðtækur skákmaður, mikill söguáhugamaður (sat í stjórn Sögufélags held ég, en skrifaði a.m.k. mikið í Sögu og var ritstjóri þess um tíma (og Skírnis áður) -- a.m.k. var barnabarn hans, Einar Kiljan Laxness, um tíma formaður Sögufélags, ef ég man rétt) og búinn mörgum kostum, sem óþarfi er að rekja hér í smáatriðum. Hann var t.d. ritstjóri Mbl. um skeið, og um tíma tengdafaðir Halldórs Laxness og að mig minnir Kristmanns Guðmundssonar.

Einar var að mínum dómi farsæll og ekkert sérstakt út á hann að setja, embættis- eða karakterslega séð. En þegar andstæðingar hans í pólítík urðu ráðþrota með, að finna skítkastsefni á Einar, tóku þeir að beina sjónum sínum að útliti hans. Mönnum þótti þá, og sumum þykir enn, að hann hafi asískt yfirbragð; skásett augu, asíska höfuðkúpu (kinnbein, t.d.), osfrv. Ég veit þó ekki til, að neinir Asíubúar hafi verið á ferð í Grímsnesinu vorið 1879, þegar Einar var getinn. En á hinn bóginn neita ég því ekki, að það eru ákveðin svipbrigði með svarthvítum Einari og svarthvítum t.d. Kínverjum. Því er t.d. ólíklegt, að Einar, væri hann uppi nú, hefði komist í framboð fyrir Frjálslynda flokkinn.

Ég hef rekist á þessar Asíu-tilvísanir í Einar nokkrum sinnum, en aldrei nennt að skrifa þær hjá mér, enda fundist slíkur málatilbúningur fáránlegur. Einar var eins mikill Íslendingur og hver annar, og jafnvel meiri en margir aðrir, enda t.d. eldheitur sjálfstæðissinni. Ég vil því merkja þetta niður nú, þegar ég var að lesa í Alþýðublaðinu 30. janúar 1921, en þar er vísað til, að "hið brosmilda gula andlit Einars Arnórssonar prófessors" hafi sést á sveimi.

En hvað ætli hinn ágæti maður, Einar K. Laxness, einn allra skemmtilegasti og besti kennari í sögu MH, hafi um þetta að segja? Hvernig stendur á því, að málsvarar íslenskra sósíalista skuli skella kynþáttaorðræðu fram í þessu samhengi? Þótt ég viðurkenni vissulega það, sem ég tel vera sögulega staðreynd, að þeir sem tala hæst gegn rasisma séu oft rasistar sjálfir (en bara með fordóma gegn öðrum "ras-um" en til umræðu eru), þá finnst mér þetta furðulegt hjá krötunum að láta svona.

Það verður að stöðva þessa ökufanta!

Hækka sektir...djeila...hækka bifreiðaiðgjöldin hjá þessum aulum...skrá þá í Frjálslynda flokkinn. Ég er hreinlega búinn að fá nóg af þessum ofsaakurs-brjálæðinga-fréttum. Þetta gengur ekki svona lengur.

Á 134 km hraða gegnum vinnusvæði

Opið bréf til frambjóðenda VG

Jæja, nú var Björn Ingi að ræða, að þið séuð óhæf til stjórnarsetu, a.m.k. í sveitastjórnum. Þegar aðrir flokkar vilji á annað borð starfa með ykkur, tapið þið fylgi á báðar hendur, og allt fer í klúður. En yfirleitt vilja þeir frekar starfa með Framsókn, þrátt fyrir að standa fast á sínu, t.d. í Rvk, þar sem Bingi sjálfur hefur náð að hrifsa til sín og flokksins mun meiri völd en eðlilegt mætti teljast miðað við kjörfylgi.

Það væri reyndar aðeins í Mosó, að VG standi sig. Og þá með því að gangast undir stórfelld umhverfisspjöll í slagtogi með stóra flokknum í bæjarstjórn. Ergo: VG selur hugsjónir sínar fyrir valdastóla. Það geri Framsókn ekki, eins og reynsla undanfarinna 12 ára sýni og þetta tæpa ár í borgarstjórn. En VG selji sig fyrir súpuskál, eins og Esaú forðum.

Hafi Bingi rétt fyrir sér, hvernig væri þá að mæta heim til Geirs Haarde með nokkra Knorr súpupakka og stofna súpubandalagið? Gæti það ekki gengið ágætlega næstu árin, ekki síst ef VG væri tilbúið að fylgja þessu ágæta fordæmi, sem fulltrúi flokksins setti í Mosfellsbæ?

Hvar fæst þetta dagatal hér á Íslandi?

Þetta er ágæt sending frá Indverjum og Eskímó módels til íslenskra kvenna á 100 ára afmæli Kvenréttindafélagsins!

En hvar mun þetta almanak fást hér á Íslandi...er búnað fá leið á Eimskipaalmanökunum.

Íslenskar fyrirsætur kallaðar "sjóðheitar"

Svekkelsi...en óþarfi að salta í sárið!

Hvað var Aron eiginlega að gera þarna í Danveldi??

HM: Íslenskt hugvit á bak við sigurmark Dana

Steinunn Valdís: Eyða skal Karþagó!

Karþagó var í upp föníkísk nýlenda á norðurströnd Afríku, þar sem nú stendur Túnis. Þetta var mikil verslunar- og viðskiptaborg, sem stóð í gríðarlegri útrás víða um Miðjarðarhaf, náði m.a. Sikiley og Sardiníu á sitt vald um tíma, ásamt fjölmörgum nýlendum. Í samanburði við mörg önnur ríki á þessum tíma, var töluvert frelsi í Karþagó, frelsi til athafna m.a. Stjórnskipunin var þó vissulega ekki gallalaus. En Púnverjarnir í Karþagó urðu horn í síðu Rómaveldis. Rómarsáttmáli þeirra Ítala, en hann hafði byrjað smátt en smám saman þanist út, fólst í að breiða út veldi sitt sem víðast um hinn þekkta heim, Miðjarðarhafið, og sameina allt það svæði undir eina stjórn, og ein lög. En Karþagó var þyrnir í síðu Rómverja og er fræg setning eins merkasta manns Rómar:

Að síðustu legg ég til að Karþagó verði eytt.

Já, Kató (ef ég man rétt) gamli lauk ræðum sínum á rómverska þinginu gjarnan með þessum orðum. Já, og markmiðið var, að útvíkka Rómarsáttmálann líka yfir fríríki þetta, sem stóð í útjaðri yfirráðasvæðis Rómar, eða innan, því m.a. með samningum höfðu Rómverjar eignast nokkur ítök þar, en í staðinn fengu Karþagóar að versla nokkuð á svæði Rómar. En nokkru síðar eyddu Rómverjar Karþagó og hnignun komst á, þar sem áður var hið efnahagslega blómlega yfirráðasvæði Karþagóa.

Nú, hér á Íslandi er til flokkur, sem vill að Karþagó verði "eytt", þessu sjálfstæða ríki í útjaðri Rómarsáttmálaríkjanna. Svona fólk, sem nýlega var bendlað við Undraland, vill eyða sjálfstæði hins frjálsa ríkis og fella það undir stórveldi Rómarsáttmálans. Því kemur ekki á óvart, að einn helsti broddur þessa flokks, Steinunn Valdís, segi í Blaðinu í dag:

Að síðustu legg ég til að Ingibjörg Sólrún verði gerð að forsætisráðherra í vor.

Já, sagan endurtekur sig. Já, þeir sem vilja fella alla í eina yfirþjóðlega heild, eru enn við sama heygarðshornið. Þeir vilja að Karþagó verði eytt. Út með frelsi og sjálfsákvörðunarrétt þjóða, inn með Rómverja. Ég vitna síðan í Steinrík kraftakall sem sagði: "Rómverjar er klikk". Alveg sammála.