Ég skil þetta ekki alveg...

...því þegar karlmenn almennt tala um stærð á konum, eru þeir ekki að velta fyrir sér hvort kona sé svo og svo margir centímetrar á annan veginn.

Ágætt að fá svona innlegg úr reynsluheimi kvenna. Maður er alltaf að læra eitthvað nýtt.

Viktoría: „Mér fannst ég dvergvaxin“

Nú er bara að slá í gegn kallinn!

Kominn tími á, að Íslendingar eignist alheims poppstjörnu sem er svona "normal" eða þannig.

Magni farinn til Bandaríkjanna

Pólsku dómararnir hljóta að vera sendir heim eftir þennan leik

Merkilegt að pólskir dómarar séu settir á leik þar sem Pólland er að spila. Þetta var yfirgengileg hlutdrægni. Maður getur nú  kyngt ýmsu, en þetta var hörmung.

Þreytt.is

Fer þessu leiðindamáli ekki að ljúka?

Sakborningar sýknaðir í Baugsmáli

8 liða úrslit á HM

 

Jæja, við þurfum víst bara einn sigur enn til að komast í 8 liða úrslit. Segjum bara að það takist. En mig langar að spyrja fróða menn, hvaða reglur gilda þar um mótherja? Hvað græðum við t.d. á því að vinna alla leikina? Fáum við þá veikasta liðið úr hinum riðlinum, eða...?

Annars er ég að horfa á Þýskaland-Túnis. Það fer hrollur um mann, því Pólverjar, andstæðingar okkar í dag, unnu Þjóðverja með 2 mörkum, ef ég man rétt. EN hins vegar spila Túnisar illa. Eru greinilega ekki búnir að jafna sig eftir ósigurinn í gær. Mér er líka sagt, að nú séu Pólverjar með sitt besta landslið í langan tíma og man ég ekki betur, en við höfum átt í vandræðum með þá í æfingaleikjum nýlega.

En strákarnir eru á siglingu, fullir sjálfstraust, svo maður verður bara að veðja það besta. Áfram Ísland.

 

Vandamálið með innflytjendur

Menn hafa hér að undanförnu af og til rætt um þau vandamál, sem annars vegar innflytjendur búa við á Íslandi og hins vegar þau, sem samfélagið hlýtur af komu "of margra" innflytjenda. En ég rakst hér á blogginu á skemmtilegan þátt alls þessa. Íslensk-fæddur karlmaður er giftur pólsk-fæddri konu, sem m.a. sér um eldamennskuna á heimilinu. Hvað ætli gerist eftir leikinn Ísland-Pólland í kvöld? Fær kallinn ekkert að borða, eða mun konan fá skeyting og athugasemdir frá kallinum?

Eða eru þetta kannski svo yndisleg hjón, að stríðið Ísland-Pólland í kvöld verður bara rómantískt krydd í tilveruna?

Til varnar Ingibjörgu Sólrúnu 3. hluti

Jæja, þriðji dagurinn í röð. Þessi pistill var í gær, en þessi í fyrradag. Megin röksemdin er, að kannski var þetta ekki svo vitlaust hjá Ingibjörgu, að þingflokkur Samfylkingarinnar væri handónýtur og þjóðin treysti honum ekki.

Margrét Frímannsdóttir. Gleymdi henni í gær. Hún gaf út merkilega ævisögu nýlega og kemur þar margt skemmtilegt í ljós, þ.e. skemmtilegt fyrir hægri menn. En þar lýsir hún vinstra ruglinu ágætlega, skilst mér. Ég á eftir að lesa bókina. Forðum fannst mér kona þessi lítt merkileg, en hún hefur komið mér á óvart síðustu 3-4 árin eða svo. Hún er á útleið og hlýtur það að veikja Samfó mjög, enda er hún einn sterkasti pósturinn í þessum hópi.

Þórunn Sveinbjarnardóttir. Hún verkar því miður á mig eins og tannpína. Það má halda henni niðri með einhverjum aðgerðum, en það þarf meiri háttar aðgerðir til að losna við hana alveg. Hún er í hópi c.a. þriggja krataþingmanna, sem ég hef minnstar mætur á. Hún er svona anti-Margrét, einhvern veginn treystir maður ekki orði af því sem hún segir.

Össur. Jæja þá er komið að kallinum með Amish-skeggið. Össur er að mörgu leyti ágætur, er m.a. einn skemmtilegasti maðurinn á þinginu, hress og fyndinn. Hann hefur marga kosti og hefur að mörgu leyti staðið sig vel. En hann er því miður svolítil gufa á stundum og á þar að auki til að tala fram úr sér og um hluti sem hann þekkir ekki nógu vel. Hann er þó, að mínu mati, einn allra frambærilegasti þingmaður Samfylkingarinnar, og c.a. 300 pólítískum skákstigum yfir svilkonuna. Væri ég fastur á eyðieyju væri hann eini krataþingmaðurinn sem ég vildi sjá reka á land, ja, a.m.k. eini karlþingmaður kratanna!

Niðurstaða:

Frambærilegastu kk þingmenn kratanna: Össur og Lúðvík.

Frambærilegustu kvk þingmenn kratanna: Jóhanna og Margrét.

Mesti sjarminn (kk): skila auðu hérna.

Mesti sjarminn (kvk): Katrín.

Lélegustu kk þingmenn kratanna: Jón Gunnarsson, Björgvin G.

Lélegustu kvk þingmenn kratanna: Anna, Ásta.

Heild: Ekki neitt sérlega merkilegur þingflokkur, en þó skárri en Frjálslyndir.

Vörnin: Það var einu sinni fótboltaþjálfari, sem tók við liði á tímamótum. Liðinu hafði gengið vel, en leikmenn þess voru orðnir gamlir og þreyttir, og liðið féll niður töfluna. Hann skipti því ellismellunum út og keypti unga og ferska leikmenn í staðinn. Liðinu fór því að ganga vel aftur. En knattspyrnustjórinn, þ.e. spilandi knattspyrnustjórinn, í Samfó heldur sig við gamla liðið, sem þjóðin treystir ekki og stjórinn ekki heldur. Þar að auki eru margir í liðinu óánægðir með stjórann, sem gerir hverja vitleysuna á fætur annarri. Spurning hvort eigendur félagsins fari ekki að huga að því að finna nýjan knattspyrnustjóra. Þessi er handónýtur og með handónýtt lið í höndunum, þó einstaka frambærilegir leikmenn finnist þar á milli. En jafnvel góðir leikmenn geta ekki spilað vel í lélegu liði, og með lélegt leikkerfi. Það getur varla verið vænlegt að byggja allan málflutning á baráttu við stjóra nágrannaliðsins, þegar sá hinn sami er hættur að þjálfa.

 

2-2

Jæja Spurs slapp með skrekkinn. Fengu ódýrt 1. markið og gefins annað markið, þegar þeir skoruðu eftir aukaspyrnu, sem átti ekki að vera aukaspyrna. En mínir menn, unglingalið Arsenal komu til baka og voru klaufar að vinna þetta ekki.

Ég er reyndar ekki hissa á því, að fyrir leikinn skuli Martin Jol ekki hafa gefið mikið fyrir "unglingalið" Arsenal. Hann sagði, að þetta svonefnda "unglingalið" væri betra en flest önnur lið úrvalsdeildarinnar, aðeins að fjórum efstu liðunum undanskildum. Þetta unglingalið var síðan nýbúið að slátra Liverpool 6-3, og Everton vannst sömuleiðis, án mikilla erfiðleika.

Eitt er víst, að hvernig sem þetta keppnistímabil fer, að framtíðin er björt hjá Arsenal. Margir ungir leikmenn að koma upp sterkir. Til dæmis var gaman að sjá hina ungu Traore, Denilson og Walcott í gær. Cesc er auðvitað einn af bestu miðjumönnum heims, þrátt fyrir ungan aldur. Og "Dýrið" er allt að koma til, eftir slæma byrjun. Síðan vona ég að Aliadiere fái fleiri sénsa, haldi hann sér ómeiddum.

Ekki fleiri Svía takk!!

Búnað fá nóg af sænskum handboltamönnum í bili. En fyndið að Svíar séu 2. flokks þjóð í UMSPILI.

Mæta Íslendingar Svíum öðru sinni í umspili?