Bretar orðnir Sturl-aðir

En málið er, að það þarf frekar að fara all-in á Sauda og aðra olíuframleiðendur sem halda verðinu háu, vísast af ásettu ráði.

Hitt eru bara aukaverkanir.

Atvinnubílstjórar mótmæla í Bretlandi

Framsóknarfréttir

Jæja, nú fer Fréttastofa Framsóknarflokksins stórum. Skotmark: Ingibjörg Sólrún Gísladóttir. Og Geir kemur Ingibjörgu til varnar, en FF hafði verið að bögga hana með því, að rifja upp fyrri yfirlýsingar í ljósi samtímans.

Ég verð reyndar að viðurkenna að ég skil FF afskaplega vel. Samfó hefur ekki verið þekkt fyrir að halda fast við skoðanir og skipt þar reglulega um.

Þó auðvitað megi deila um hvort FF fari hér yfir strikið er hitt svo annað mál, að Ingibjörg á ekki að vera hafin yfir gagnrýni. Hún þarf að taka því að vera minnt á skoðanakannanastefnu Samfó og stefnuflökt. Annað væri "hneyksli".

Partí hjá Páli Óskari

Æ, ég fer aldrei á svona, en varð að koma að myndinni af litla snússa, Arnari Mána, með Páli Óskari. Arnar er, eins og allir sjá, sonur Munda bróður.

Ég er ekki viss um að hvaða tilefni þessi mynd var tekin, en sjá má á svipnum á Arnari litla að þarna var "svaka partí hjá Páli Óskari" á ferðinni.

Partí hjá Páli Óskari

"Hlýnun ekki ógn á Íslandi"

Nei, auðvitað ekki. Flestir eru ánægðir með að fá smá hlýja strauma yfir landið

Hitt er svo annað mál að loftslagsbreytingar hafa ekki síður áhrif á Ísland og önnur lönd, t.d. gæti ferli Golfstraumsins breyst og hvar stæðum við þá? Og ef Grænlandsís bráðnar hækkar vatnsborðið og Frostaskjólið færi kannski í kaf....

Bíddu við, já, nú fer ég að skilja af hverju Íslendingar eru svona jákvæðir í garð loftslagsbreytinga

Hlýnun ekki ógn á Íslandi?

"Lecter" í vandræðum

Jæja, Guðjón "Lecter" er kominn í vandræði. Nú fer hann vísast í bann og fær jafnvel sekt í ofanálag.

En mikil mildi að Einar Kárason var hvergi nærri í gær.

Ummæli Guðjóns til umfjöllunar hjá aganefnd

"Hægri umferð 40 ára gömul"

Æææ, ég er ekki í skapi fyrir svona núna. En ég verð þó að taka ofan hattinn fyrir Mogganum að leyfa menntaskólanemum að koma í starfskynningu og sletta úr pennum sínum á vefnum; og fá borgað fyrir það!

Ég var að enda við að lesa yfir 30 síðna "ritsmíð" þar sem hver einasta setning var móðgun við íslenskt málfar og málskilning, þrátt fyrir háskólamenntun viðkomandi.

Ég þoli ekki meira í bili og neyðist því greinilega til að sleppa því að lesa mbl.is, a.m.k. eitthvað fram eftir degi. 

Þá er nú visir.is skárri. Þar má þó ganga að því vísu, að ein og ein frétt sé vel skrifuð.

Hægri umferð 40 ára gömul

Eurovision umræðan heldur áfram

Sko, ef t.d. Rússar eru 35% íbúa "sjálfstæðra" lýðvelda fyrrv. Sovétríkjanna og kjósa eins og "mofos" er ljóst hvaða ríki fær 12 stig. Þetta er bara svona einfalt.

Lag Rússans var ekki slæmt, eðlilega ekki, en mörg lög voru miklu betri. Og við hlutum 12 stig frá Dönum, ekki aðeins vegna vináttu okkar og Danans og e.t.v. svipaðs tónlistarsmekks, heldur líka vegna þess að þúsundir Íslendinga búa í Danmörku og hamast þar á sms-hnöppunum.

Til þess að sigra í Eurovision þurfum við að stofna sjálfstæð ríki á Heimaey, Surtsey, Eldey, Viðey, Engey, Flatey á Breið, Svefneyjum, Vigur, Æðey....osfrv., og flytja þjóðernissinnaða Íslendinga, t.d. skipta félögum Frjálslynda þjóðernisflokksins niður á þessi "nýfrjalsu ríki".

Annars eigum við engan séns, ja, nema ef keppnin skiptist í tvennt: West Eurovision og East Eurovison. Önnur leið er að fá FLugleiðir, Atlanta og Iceland Winepress til að hjálpa til; flytja c.a. 275.000 Íslendinga í frí til evrópskra smáríkja, t.d. Andorra, San Marínós og annarra mínus 10 milljóna landa utan Skandinavíu, láta þá fá GSM og láta þá kjósa ÞAR.

Söngvakeppnin gekk fram af Sir Terry

Winehouse í meðferð til Ísraels

Ok, fyrsta skrefið ætti að vera að skipta um nafn: Það að heita "Vínbúð" (Vínhús) er ekki alveg ávísun á bindindi. Í öðru lagi, ég held að hún myndi snarlega þorna upp með því að flytjast til Saudi-Arabíu í nokkra mánuði.

En ef þetta gengur ekki í Ísrael er stutt yfir til Gasa...

Winehouse í meðferð til Ísraels

Grant rekinn

Afturendafall og hrákadella John Terrys hefur nú kostað Grant starfið. Hann hefði vísast fengið að hanga áfram hefði Terry skorað úr vítinu, en svona er þetta.

Er þá ekki Móri að taka við Inter og Mancini við Chelsea? Eða getur verið að Rijkaard verði næsti stjóri Chelsea?

Ég myndi fagna því, enda myndi þá hið leiðinlega 1-0 varnarlið Chelsea fara að spila almennilegan fótbolta.

Grant rekinn frá Chelsea

"Getum alveg unnið þetta"

hahahahahahahahaha, góður.

„Getum alveg unnið þetta"