Heimssögulegur viðburður. Stórfrétt.

Reiðhjól bresks stjórnmálamanns er fundið. Þetta hlýtur að koma á forsíðu Times á morgun.

Veslings maðurinn getur nú tekið gleði sína að nýju!

Hjól Camerons fundið

Hundakofapólítíkin

Ég er hlynntur því að varðveita byggingar sem hafa raunverulegt menningarsögulegt gildi. Til að mynda hefði ég vilja varðveita "Tobbuhús" við Skólavörðustíg, þar sem nú stendur hús SPRON. Það hefði átt að varðveita, ekki síst vegna Þorbjargar og Ólafíu Jóhannsdóttur. Þar hefði mátt vera solid safn um sögu Reykjavíkur um aldamótin, muni úr eigu þeirra tveggja eða eitthvað tengt IOGT, Hvítabandinu og kvenréttindum, svo ekki sé minnst á ljósmæðratengda hluti.

En nú er það of seint.

En að varðveita hálf hrunda kofa við Laugaveginn til að "varðveita 19. aldar götumynd" er tóm steypa. Slíkt er engum hvorki til prýði né gagns.

Auðvitað má borgarstjóri hafa þetta áhugamál, ef hann telur það við hæfi, en ég samþykki ekki að utsvarspeningar borgarbúa séu settir milljónum saman til að púkka upp á einhver gæluverkefni og sértæk áhugamál borgarstjóra, sem kemur sínu fram þar eð annars myndi borgarstjórnin falla.

Þegar menn eru oddaatkvæði geta menn komist upp með ýmislegt. Það má einna skýrast sjá í sögu Framsóknarflokksins, sem löngum hefur hagnast á því að vera "oddaflokkur" á milli nær jafn stórra fylkinga til hægri og vinstri.

En Ólafur F. Magnússon verður að hafa í huga, að peningagrís borgarinnar er ekki ótæmandi og fara verður vel með þá fjármuni sem yfirvöldum er trúað fyrir.

 

Greiddu 15,5 milljónir fyrir tillögur

Sunnudagsmorgunn

Úff, aldurinn færist yfir. Það er greinilegt. Af einhverjum ástæðum sofnaði ég aftur og vaknaði ekki fyrr en síminn hringdi kl. 8.30. Annars vakna ég yfirleitt á milli 5.30 og 6.30 alla daga vikunnar; sunnudagar eru engin undantekining. Og þá breytir litlu hvenær ég sofna. Um tíma vaknaði ég af einhverjum ástæðum á slaginu 6 að morgni, þá hefði verið hægt að stilla klukkuna eftir þessari venju. En núna rokkar þetta dálítið.

Tíminn er of dýrmætur; of margt að gera. Óþarfi að eyða honum í að sofa endalaust. Maður getur sofið þegar maður er genginn fyrir ætternisstapann. Og jafnvel þótt ekkert liggi beinlínis fyrir er alltaf eitthvað sem þarf að -- eða má alveg -- gera, t.d. þrífa, henda gömlu blaðadrasli, eða eitthvað.

Annars er nóg að gera í dag. Uppvask, þrif, raða nótum og kvittunum í möppu; jafnvel taka aðeins til í tölvunni líka. Ég tók mig nú til í gær og deletaði tugum gígabæta af skákstuffi í gær. Ég sé ekki fram á að þurfa að nota þetta í framtíðinni, enda bendir allt til að skákferill minn, óglæstur að vísu, sé á enda. Skák er skemmtileg, eins og sagt var í TR í gamla daga og Hrókurinn tók síðan upp, en því miður er skákpólítíkin þreytt.is eins og margar aðrar pólítíkur. Maður deilir ekki við mafíuna sko!

Síðan þarf ég að djobba dálítið, þó helgin sé með friðsælasta móti. Bara smá aukadjobb sem þarf að skila á morgun og annað síðar í vikunni. Allt undir control. Síðan er aldrei að vita nema maður fari að prófa nýju forritin sín. En á morgun kemur ný vika með vinnu og aðal-aukavinnunni. Kannski ágætt að sofa út núna og safna orku.

En jæja, ömurlegt að vera bíllaus. Eðalvagninn vildi ekki í gang fyrir helgi og maður er eins og hauslaus her.  En solid Dauðahafs-fótakremið úr Tiger kemur að góðum notum núna!

Kveð að sinni...

Skapahár og hárvöxtur

"Við upptökur á nýjustu kvikmyndinni sem hin 26 ára gamla leikkona Sienna Miller leikur í, Hippie Hippie Shake, kom í ljós að hún var ekki með nægilega gróskumikinn vöxt í skapahárunum og þurfti að auka við þau með tölvutækni."

Merkilegt að tölvuforrit geti aukið hárvöxt. Spurning ég verði mér ekki úti um svona forrit, læri á það og beini síðan einhverju tölvustykki að hausnum á mér til að auka hárvöxt?

En sennilega eiga Moggamenn við, að með tölvutækni hafi verið hægt að láta það líta þannig út í mynd, að hún hefði meiri gróður á merkilegum svæðum.

 

Hárvöxtur Miller aukinn

Sami aðili?

Menn læra greinilega aldrei. Hér segir:

"Dropinn sem fyllti mælinn".

Fyrir nokkrum dögum var þetta í fyrirsögn og ég m.a. benti á, að kornið fyllir mælinn en dropinn holar steininn.

Greinilegt að Moggamenn læra ekki. Það er hreint ótrúlegt að önnur-þriðja hver frétt er meira og minna brengluð. Og fyrir þetta fær fólk borgað ... ágætis fólk vafalaust, en augljóslega komið í djúpu laugina fyrir aldur fram.

Mogginn hlýtur að fara að gera meiri kröfur til starfsfólks síns, þegar það eru áberandi villur í á að giska annarri eða þriðju hverri frétt. 

Menn gera auðvita mistök, ekkert við því að segja. En þetta er orðið full algengt.

Það er eitt að skrifa óvandaðan texta t.d. í bloggi. Það er hobbí fólks. En þegar menn fá borgað fyrir svona vinnu...

...og þetta er fyrir utan óvönduð vinnubrögð við efnistök, eins og því miður er farið að aukast líka.

Þetta hlýtur að vera áhyggjuefni fyrir Mbl.is.

Ráðherrar hvattir til að ýta Brown til hliðar

Þegar eitthvað fer úrskeiðis

 

 

 Ég hef sankað að mér allskonar grínmyndum, jpg og þess háttar, í nokkur ár, en hef voðalea lítið notað þær á blogginu. En datt í hug, í tilefni dagsins, að byrja að lauma nokkrum inn, rétt til hátíðarbrigða.

 

Frumlagsfælni

Æ, maður á ekki að láta þetta bögga sig,en það gerist samt.

En maður er samt hættur að vera hissa...

Gullverðlaunin fær Pekinglögga

Snilld

Þetta er nú alveg rakin snilld. En auðvitað hefði átt að koma upp vídeócameru til að skrá þetta merkilega atvik.

Þetta er snilld.

Davíð hefur greinilega ekki glatað húmornum. Þetta er brandari af bestu gerð. 

Davíð boðaði Sigurð Kára á leynifund

14 ára fótboltafantur?

Ja, titill Moggans segir: "Fjórtán ára réðst á dómara".

En síðan segir í fréttinni:

"Leikmaðurinn, sem er tæplega 14 ára gamall, sparkaði svo harkalega í hné Smára að gera þurfti hlé á leiknum meðan hlúð var að honum."

Ég hélt að "tæplega 14 ára gamall" merki, að drengurinn sé ennþá 13 ára? Er það ekki?

?

Fjórtán ára réðst á dómara

Saving Afghanistan!

Jæja, hjálpum nú Afghönum enn meira og selflytjum þetta SI-lið bara til Afghanistan. Kannski Friðrik Sophusson borgi flugfarið?

En Afghanistan þarf greinilega hjálpar við, hjálpar sjálfsskipaðra besserwissera sem hljóta nú að taka upp harða baráttu gegn þessum vatnsaflsvirkjunum í Afghanistan.

Borga tuttugu smávirkjanir í Afganistan