Könnun Blaðsins: Samfylkingin að hrynja? Ríkisstjórnin heldur velli

Það kæmi svosem ekki á óvart, að Samfó hrynji, miðað við hvernig flokkurinn hefur komið fram á síðustu misserum. En það vekur athygli, að netlöggu og forsjárhyggjudæmi VG hefur ekki haft mikil áhrif á fylgi flokksins.

En Sjálfstæðisflokkurinn hefur hér yfir 40% fylgi og Framsókn situr með 9%. Saman fá þessir flokkar meiri hluta á Alþingi. En ég efa, eftir uppákomur síðustu daga, að Sjálfstæðisflokkur vilji sitja áfram í ríkisstjórn með Framsókn.

Ég hef, hina síðustu mánuði, talið líklegast að Sjálfstæðisflokkur og VG myndi ríkisstjórn í vor, og einmitt borið við samfylgd í ESB málum og öðrum áríðandi málum. Að vísu kom aðeins hnykkur á mig eftir netlögguræðu Steingríms, en mér sýnist það nú hafa verið í raun stormur í vatnsglasi, þó ég trúi því alveg, að Steingrímur hafi meint hvert orð. En hann hefur vísast áttað sig á, að slíkt sé hvorki framkvæmanlegt né ásættanlegt fyrir þjóðina.

Síðustu daga hefur verið á loft orðrómur um að Sjálfstæðisflokkur og VG ætli í stjórn í vor. Það kemur mér því ekki á óvart. Og með næstum því 70% fylgi, skv. skoðanakönnum Blaðsins (sem ku að vísu vera ótrúverðug) ætti sú stjórn að vera nokkuð sterk.

Ég vek síðan athygli á, að yfir 100 manns hafa svarað í minni skoðanakönnun um fylgi flokkanna. Hún er hér á http://hvala.blog.is

Þar er niðurstaðan í góðu samræmi við niðurstöðu Blaðsins:

Sjálfstæðisflokkur 41,2%

Vinstri grænar 24,5%

Samfylking 14,7%

Framsókn 9,8%

Frjálslyndir 4%

aðrir minna eða auðir. Gæti verið, að VG sé enn á uppleið en Samfó enn á niðurleið? Æ, ég held að kratarnir hafi sjálfir orsakað fylgishrun með ótrúverðugum málflutningi síðustu mánuði. Þeir þurfa því að bera ábyrgð. En hins ber að gæta, að margt getur gerst á næstu vikum.

 

Vinstri-grænir með 23,6% en Samfylking 18,5%

Spilling í fjölmiðlum?

Svo segir í þessari grein:

Rahman sem er sonur Zia og fyrrum forseta landsins Ziaur Rahman hefur lengi verið orðaður við spillingu í fjölmiðlum.

Jahá, það er semsagt spilling í fjölmiðlum Bangladesh og hafa öryggissveitir landsins handtekið son fráfarandi forsætisráðherra af þeim sökum. Ekki nóg með það, heldur er umræddur maður einnig sonur fyrrum forseta landsins. Þetta er því alvöru silfurskeiðarnagli, en hefur nú verið gripinn fyrir spillingu, enda lengi orðaður fyrir spillingu í fjölmiðlum.

Spurning hvort við Íslendingar fáum ekki að leita ráða hjá þeim þarna í Bangladesh?

Sonur forsætisráðherra handtekinn

Ekki vissi ég að VG væri með útibú í Tyrklandi!

Alveg ótrúlegt, að VG hafi svona víðtæk áhrif á Evrópu.

Lögbann sett á YouTube í Tyrklandi

Sorglegt

að sífellt fleiri "anti-fótbolta"lið skuli komast áfram á að liggja í vörn með 10 menn allan leikinn og ná að pota einu marki inn.

 Ömurlegt. Ósigur fótboltans.

PSV sló Arsenal út úr Meistaradeild Evrópu

Lille ven

Þegar ég var í Egyptalandi var mér sagt, að vandamál Egypta væri að eignast of mörg börn og vera of aktívir í rekkjunni.

Þessa frétt þarf að skoða í því ljósi.

Hald lagt á stinningarlyf

Spurning að taka þessa reglu upp hér?

 

Yfirvöld í Líbýu banna konum undir fertugu að ferðast einar til útlanda

Vítamín og lýsi!

Jæja, nú hefur krónan tekið inn vítamínin sín og lýsið í morgun!

En annars er alveg hættur að botna í, af hverju krónan helst svona "stöðug".

Krónan styrktist nokkuð óvænt

Búum til betri börn!

Ja, þetta var sungið í den og þótti þá flott. En við skulum vona, að ekkert af okkar börnum verði eins og þetta hér að neðan.

Fæðingarorlof feðra lengist og frjósemi eykst

Ætti maður að flytja til Svíþjóðar?

Ég gæti jafnvel virkað grannur innan um alla þessar sænsku fitubollur, eða "swedish meatballs" eins og Jay Leno myndi vísast segja.

En ég held þó, að gallarnir séu fleiri en kostirnir. Því held ég barasta, að ég  búi bara áfram hér á Íslandi en fari loksins í megrun!

 

Svíar tútna út; fjöldi of feitra hefur tvöfaldast á 25 árum

Hryðjuverkamaður á ellilífeyrisaldri

Æjá, allsstaðar leynast hryðjuverkamennirnir, sem Frjálslyndir flokksmenn sjá víst í hverju horni. En það verður nú að segjast, að þetta er nokkuð skondið mál, þrátt fyrir allt.

 

„Gömul og þreytt“ kona dæmd fyrir að rækta og eiga kannabis