Gott að kunna stafsetningarreglurnar

Úr umfjöllun mbl.is um KR-Val leikinn í gærkvöldi:

"86. Björgólfur Takefusa kemst í færi af harðfylgi á markteig Vals en skýtur í hliðarnetið."

Eins gott að kunna stafsetningarreglurnar núna, því t.d. hefði "skítur í hliðarnetið" ekki komið vel út fyrir KRinga, en kannski útskýrt ýmislegt um gengi félagsins.

Hvað hefði Magnús gert núna?

Hefði hann ekki bara flutt jörðina "aftur" yfir í Reykjavík?

Þetta minnir mig svolítið á bestu mynd íslenskrar kvikmyndasögu: Magnús.

Hæstiréttur staðfestir útburðarúrskurð

Hættulegar auglýsingar

Já, McDonalds auglýsingar eru alls staðar í USA. Þó ekki sé nema fyrir stóra M-ið, sem blasir við hist og her. Og síðan auglýsingar á besta tíma í sjónvarpi osfrv. Allt gert til að auka söluna á þessu djunkfæði, sem er ekkert sérlega gott, óhollt og maður verður jafn svangur eftir hálftíma og maður var áður en maður fór inn á McDonaldsinn.

En maður getur hins vegar gengið að því sem vísu, að fá alltaf sömu vöruna, svona c.a. Þetta er sérstaklega hagstætt víða um heim, þar sem maðkur er oft í innlendu mysunni, en öruggt að borða á Mc. Þar að auki er þetta komið um leið!

En hitt skal ég viðurkenna, að markaðsmenn McDonalds eru miklir snillingar.Punktur.

Allur matur góður ef hann er merktur McDonalds

KR að tapa

Til að gleðja aðdáendur mína á spjallborði KRinga get ég auðvitað ekki skorast undan því að commenta á stöðu mála í leik KR og Vals. Valur er semsagt 2-0 yfir.

Jæja, þá verða mínir menn ekki neðstir eftir þessa umferð.

 

P.S. Þrjú núll! 3-0 á K.R. vellinum.

Valur sigraði KR 3:0 í Vesturbænum

Bjór bannaður

Já, banna bjórinn bara!

Kúgaður eiginmaður?

Neinei, konan hefur bara á réttu að standa og Fergie veit það. Æjá, konurnar þurfa stundum að hafa vit fyrir okkur köllunum....ok, þurfa reyndar merkilega oft að hafa vit fyrir okkur köllunum.

En einhvern veginn hafði ég ekki séð Ferguson fyrir mér í svona...hélt hann væri þessi stranga, harða týpa.

En kannski hefur hann mýkst með aldrinum, eða kannski hafði ég bara rangt fyrir mér um þann gamla.

Kona Fergusons meinar honum að fylgjast með sínum mönnum

Koma svo strákar!

Íslenska ól-u16 liðið er bara að standa sig ágætlega á Ól-mótinu í Singapúr. En nú er bara að halda áfram á fullu og klára mótið með sæmd.

Og gaman að sjá Daða koma sterkan til baka, eftir erfiða byrjun. Áfram Ísland.

Ísland vann Japan á ólympíuskákmóti unglinga

Kanarnir væla

Það var nú yfir 40 stiga hiti víða í Evrópu fyrr í sumar, jafnvel 50 stig á sumum stöðum. En hitt er rétt, að það er skelfilegur loftraki þarna.

Ég var í svona hitabylgju í USA einu sinni. Það var skelfilegt, maður fór helst ekkert út úr húsi fyrr en það fór að dimma.

En hvað með önnur svæði heimsins? Þar þykir 38 stiga hiti um hásumar bara þolanlegt.

Hitabylgja í Bandaríkjunum

Krókódíll að fylgjast með umferðinni?

En hvaða heilvita fólk er með krókódíla fyrir gæludýr? Þetta er auðvitað fáránlegt, ef ekki glæpsamlegt.

En ég spyr síðan, verða krókódílar ekki meira en eins metra langir eftir 15 ár?

Rignir krókódílum í Rússlandi

Rafmagnsleysið

Skrítið, en ég tók ekki eftir neinu. Kannski hefur mitt hverfi sloppið?

En hvernig getur staðið á því, að rafmagnskerfið víða um land skuli hafa gefið sig og það með þessum afleiðingum?

Slökknaði á umferðarljósum