Það er svona að trúa auglýsingunum

Var ekki alltaf sagt: "Lambakjöt á diskinn minn" hér forðum daga. Ronnie hefur greinilega tekið þær auglýsingar of alvarlega.

Ronnie beint í faðm ástkonunnar

Bömmer. Ég segi upp líka.

Upp.

Keegan hættur hjá Newcastle

Á að handtaka Osama bin Laden?

Æ, ég hef nú eiginlega þá skoðun, að Bandaríkjamenn vilji ekki handtaka bin Laden. Þeir hafa haft fjölmörg tækifæri til þess.

Ég meina, ég gæti látið handtaka bin Laden á nokkrum vikum hefði ég full völd yfir her og öðru batteríi Bandaríkjanna. Það vantar bara pólítískan vilja til aðgerða.

Mig grunar að það henti Bandaríkjamönnum betur að hafa "grýluna" þarna úti, s.s. til að réttlæta það að halda áfram báráttunni gegn hryðjuverkum með meðfylgjandi brotum á eðlilegum mannréttindum fólks, bæði heima og erlendis.

Ef bin Laden yrði handtekinn gæti Pandóruboxið opnast og alls konar óþverri komið upp. Og það gæti jafnframt haft þær afleiðingar, að hinn íslamski heimur myndi springa og staða heimsmála versna jafnvel enn frekar.

En hvað veit ég? Ég hef, ólíkt bin Laden, setið í bandarísku fangelsi vegna grunsemda um hryðjuverkastarfsemi.

McCain segist vita hvernig handsama megi bin Laden

Grúsk: Reykjavík um og eftir aldamótin 1900, I.hluti

Var að fletta gömlum "fælum" í tölvunni og rakst á nokkra kafla sem áttu að vera í M.A. ritgerðinni og síðar doktorsritgerðinni sem hvarf í innbrotinu fræga með öllum afritum. Ég fékk þá hugmynd að lauma þessu hér á bloggið í litlum bútum.

Vil jafnframt benda á smá sögukafla, sem ég tók saman um stofnun Taflfélags Reykjavíkur 1900, á  heimasíðu Taflfélagsins.

-----------

Eins og hegðun lýsir innri manni, birtist skapgerð þjóðar í háborg hennar. Reykja­vík reis eins og fuglinn Fönix úr öskustó sveitanna og þandi vængi sína stöðugt lengra inn í landið. Vöxtur bæjar­ins var hægur til að byrja með, en loks þegar angar sveita­kolbrabb­ans los­uðu tök sín af þjóðarsálinni, hófust stór­felldir fólks­flutn­­ingar á mölina. Íslenski torfbærinn, sem verið hafði „menn­ingar­tákn frum­þjóðar,”[1] var nú á undanhaldi fyrir steinsteypu og inn­fluttu timbri. Ís­lend­ingar höfðu fengið sína eigin háborg stjórnsýslu og við­­­skipta, mennt­­unar og menn­ingar. Hún var Aþena sumra en Sódóma ann­arra, elsk­uð og hötuð, heim­ili hundruða en fjarlægur draumur margra, sem þjak­aðir voru af átt­haga­fjötr­um og vistar­bandi. Skap­gerð þjóðarinnar var ekki leng­ur opin­­beruð frá hálf­hrundum mold­ar­kofum, heldur virðulegum mið­­bæ Reykja­víkur. Hinn öri vöxt­ur Reykjavíkur, sem að sögn Laxness var „erfða­menn­ingarlaust ný­lendu­þorp,”[2] hafði þau áhrif, að heims­menn­ingin hóf smám sam­­­an að festa dýpri rætur í reykvískri mold. Veitinga-, gisti- og kaffi­­­hús höfðu sprottið upp með reglulegu millibili, og skemmt­­­­ana­­­líf erfða­menn­ing­ar­lausra Reyk­vík­­inga varð sífellt fjöl­breytt­ara. Síðan var Leikfélag Reykja­víkur stofn­að 1897, kvikmyndahús hófu starf­semi sína og fleira mætti telja til.[3] Ís­lensku sveita­lubbarnir voru nú smám sam­an að taka á sig nýju klæðin heims­­borg­ar­ans.

 

[1] Halldór Laxness: Alþýðubókin, 125.

[2] Sama, 96.

[3] Guðjón Friðriksson: Saga Reykjavíkur 1870-1940. Bærinn vaknar (I-bindi. Rvík 1991), 167-200, 449-473.

Íslenska leyniþjónustan

Íslenska leyniþjónustan, hin meinta, kemur fyrir í sjónvarpsþáttunum "Chuck", en þar eiga í hlut vondir menn sem verða sér úti um upplýsingar og selja hæstbjóðanda.

En nú er íslenska fótboltaleyniþjónustan komin til skjalanna. Jú, njósna skal um leiki og leikskipulag mótherja Íslands.

Fjórir valinkunnir menn eru sendir út af örkinni til að safna heimildum.

En bíddu; þetta liggur allt fyrir. Það eru til reiðu allir leikir þessara liða hin síðari ár,eða eiga að vera. Ætti að vera auðvelt að afla sér þeirra. Ólafur hefði bara getað horft á leikina sjálfur.

En KSÍ menn þurfa auðvitað að vera fínir á þessu núna þegar HSÍ var að meika það í Kína. En feis it! Við getum ekki djakk í fótbolta.

 

Menn Ólafs njósna um mótherjana

Það hefði nú verið miklu betra fyrir ríkið

að senda Árna Johnsen bara til vinnu á Breiðdalsvík en að borga með honum á Kvíabryggu.

Einnig hefði meðalvirði íslenskra listaverka verið töluvert hærra.

En hitt er svo annað mál að Árni kallinn er allur að koma til, enda búinn kostum sem fáir eða engir aðrir þingmenn hafa; þó það séu aðallega gallarnir sem menn muna eftir.

 

Líkir vinnu í veitingahúsi við fangelsisvist

Verðmerkingasvindl

Ég hef nokkrum sinnum þurft að versla pinkupons í Okurbúllunni 10-11. Ekki nóg með að verðlagið sé hátt, heldur hefur ekki verið samræmi milli verðs á hillu og strimli.

Nú verður maður bara að fara yfir strimlana í hvert skipti, af prinsipp ástæðum.

Og þar fyrir utan vantar ótrúlega oft verð á ýmsar vörur í hillum.

Verðmerkingum ábótavant í matvörubúðum

Slaka á

Þetta kemur allt með kalda vatninu. Óþarfi að láta Ól stíga sér til höfuðs.

Logi Geirsson: Veit ekki hvað er að þessum manni

Var Pólland í Sovétríkjunum?

"Svo gæti farið að Lettland, Eistland og Litháen og önnur fyrrverandi sovétríki, þar á meðal Pólland, dragi sig úr Eurovision sem fram fer í Moskvu á næsta ári. Ástæðan er framganga Rússlandshers í Georgíu."

Ég er kannski farinn að kalka, en ég man ekki eftir að Pólland hafi nokkru sinni tilheyrt Sovétríkjunum, þó landið hafi verið undir hæl Kremlarfursta frá seinni heimsstyrjöld og tilheyrt Rússlandi að hluta fyrir byltinguna. 

En auðvitað eiga ríki bara að sniðganga Evróvision í Moskvu. Helst sem flest A-Evrópuríki!

Eurovision í Moskvu í uppnámi

Dýradóp og brasilískir handrukkarar

Vísast hafa krókódílarnir verið varðhundar - passað geymslustað dópsins, svo því yrði ekki stolið.

Síðan kæmi manni ekki á óvart þó einhverjir hafi hreinlega falið góssið í krókódílsmaga.

En þarna eru semsagt á ferðinni brasilískir handrukkarar.

 

Fíknefnalögregla haldlagði krókódíla