Kjúklingarnir stóðust álagið

Jæja, mikil meiðsli gerðu það að verkum að 16-18 ára strákar voru áberandi í liði Arsenal í kvöld, en það kom ekki að sök. Sérlega var miðjan ungleg, en börnin stóðu sig vel og gáfu ekki mikið eftir amk.

Framtíðin er björt greinilega og solid 0-2 sigur Arsenal í Hollandi.

Áfram Arsenal.

Arsenal stendur vel að vígi

Nýr borgarstjórnarmeirihluti?

Sjálfstæðisflokkur og Framsóknarflokkur?

Já, ekki vitlaust. Þá væri kannski hægt að reka þessa borg almennilega. Halda bæði sósíalistum og einræðisherrum frá stjórarstólunum.

En hvað með Óskar Bergsson?

Hann virðist ágætur og ekki er verra, að föðurnafnið tryggir gæðin.

 

Fréttamenn bíða í Ráðhúsinu

Þetta með dúfurnar

Það ku hafa verið fyrir hundruðum ára, utan við aðsetur páfa á Ítalíu, að engill steig niður og blés lífi í tvær styttur, sem staðið höfðu á aðaltorginu í Róm. Önnur var af karlmanni, hin af konu.

Engillinn sagði, að lífitími þeirra væri hálftími. Síðan yrðu þau aftur að styttum.

Karlinn og konan horfði hvort á annað, rjóð í vöngum og stuttu síðan á bak við runna.

Engill settist á bekk og beið. Skyndilega heyrðust þessa rosalegu stunur og óp, læti og hljóð frá runnanum. Eftir um það bil kortér komu þau fram aftur, rjóðari en áður, dálítið þreytt og móð.

Engillinn sagði þá við þau, að tíminn sé hálfnaður. Þau eigi enn kortér.

"Ok", sagði þá karlmaðurinn við konuna. "Eigum við...?"

"Já", sagði konan. "En nú skal ég halda dúfunni fastri en þú verður þá að skíta á hana".

Allt er gott sem endar vel.

Vandræðadúfur í Búdapest

Hvað ætli finnist á slóðum Egils í Mosó?

Silfrið?

Appelsínið?

Ölið?

Sverðið?

Grafið á slóðum Egils

Rússar að hernema Georgíu?

Ja, hvernig á að skilja þessa atburðarás öðruvísi?

En íslamista-sósíalistabandalagið á vísast eftir að styðja þetta...

Rússar halda í átt að Tbilisi

Lindsay Lohan-skúbb

Jæja, feluleikurinn heldur áfram.

En ég hef það eftir óábyggilegum heimildum að hún sé að þessu því hún sé svo skotin í Vilhjálmi Erni Vilhjálmssyni.

Ja, gaman að fleiri en dónalegir sósíalistar og fleiri rugludallar séu með Villa á heilanum.

Lohan gerist gyðingur

Gísli Marteinn í "borgarfræðanám"

Ekki veitir af að hafa í borgarstjórn einhvern sem veit eitthvað um málin. Að minnsta kosti virðast fulltrúarnir almennt vera frekar úti að aka...en Gísli Marteinn er á hjóli!

Gísli Marteinn hættir í borgarráði

Nafnið tryggir gæðin!

Það segir sig sjálft.

Þarf að ræða þetta eitthvað frekar?

Snorri er einn sá besti

Finna eða ekki finna

Jæja, búið að finna þennan Finna, vísast með hjálp Finna.is. En þótt Finni þessi finnist er greinilega ekki að nóg að finna það sem þarf að finna. Sá Finni sem átti að finna vill greinilega ekki finnast.

Hvað finnst Finnum um það að finna Finna sem vill ekki láta finna sig?

Finnsk stúlka finnst eftir 11 ár

Strætó

Í síðustu viku þurfti ég nokkra daga í röð að taka strætó heim til mín. Það hef ég ekki þurft að gera í 20 ár.

Þetta gekk að sumu leyti vel, en löng var biðin á sunnudeginum, þegar 55 mín. liðu frá því ég mætti á stoppustöðina og fram að ætluðum komutíma.

Og þegar ég tók strætó á annað borð var þessi stór vagn tómur. Eitt sinn var ég einn í vagninum frá Grensás í Mjódd. HIn skiptin voru kannski 2-3 aðrir um borð.

Ætli Strætó eigi ekki minni bíla. Nú veit ég ekki með háannatíma, en það hlýtur að vera hægt að notast við minni vagna, enda ólíklegt að jafnvel þeir fyllist; og þá jafnvel hafa tvo vagna eða hafa skemmra á milli á háannatímum.

En a.m.k. finnst mér þetta system nokkuð skrítið hjá Strætó.

Aukin fjárframlög í stað niðurskurðar