Egill Helga hittir í mark

Ég var að "rölta" um bloggheima og rakst á pistil Láru Hönnu Einarsdóttur um tvö athygli verð blogg um umhverfismál, annað eftir Egil silfraða og hitt eftir Ómar sköllótta.

Ég byrjaði á því að lesa Egil. Ég er stundum sammála honum, stundum ósammála og stundum mjög, mjög ósammála. En hin síðari misseri hef ég verið oftar sammála en ekki. Hér talar hann um hið furðulega hátterni "umhverfisverndarsinna". Ég var alveg sammála honum og flestum þeim sem skrifuðu athugasemdir. Þarna fæst ekki séð að landsmenn séu "upp til hópa umhverfisverndarsinnar" eins og sósíalistarnir flokka þá og telja vera. Mér létti stórum. Hann segir m.a.

Barátta sem er erfitt að botna í

Ég er ekki viss um að ég skilji náttúruverndarbaráttuna á Íslandi.

Fyrst snerist þetta um Eyjabakka. Það tókst að færa góð rök fyrir því að þeir væru náttúruperla sem ekki mætti fórna. Ég man að ég heyrði Össur Skarphéðinsson tala fyrstan manna um Kárahnjúka – hann sagði að þeir væru góður virkjanakostur í stað Eyjabakka.

Svo voru Kárahnjúkar allt í einu orðnir einstæð náttúruperla. Maður heyrði í sífellu talað um Kringilsárrana. Samt mátti lesa í Árbók Ferðafélagsins grein eftir Hjörleif Guttormsson þar sem sagði að þarna væri ekkert sérstakt að sjá.

Þá eru það Þjórsárver. Þeim hefur líklega verið bjargað. En kannski voru þau ekki í raunverulegri hættu. Í hugum náttúruverndarsinna voru Þjórsárverin nefnilega skilgreind mjög vítt, en í ráðherraúrskurði um Norðlingaölduveitu var gert ráð fyrir að hún væri öll kirfilega utan friðlandsins.

Þetta var samt kallað að “fórna” Þjórsárverum.

Svona má halda áfram. Steingrímur J. Sigfússon sagði á sínum tíma að eðlilegt væri að virkja í neðrihluta Þjórsár. Stuttu síðar hófst mikil barátta gegn virkjunum á þessum stað. Samt er Þjórsá alsett virkjunum og tæplega hægt að segja að þarna myndu neinar náttúruperlur fara undir vatn.

Menn töluðu um að gufuaflsvirkjanir væru æskilegri en vatnsaflsvirkjanir, af þeim væru minni náttúruspjöll. En nú snúast menn öndverðir gegn hverri gufuaflsvirkjuninni á fætur annarri. Því er lýst yfir af sjálfum borgarstjóranum í Reykjavík sem miklum sigri að ekki megi reisa Bitruvirkjun.

En ég vildi hér fá að benda á stórmerkilegt komment Barða Barðasonar, en hann lýsir held ég ágætlega hvað sé í raun og veru í gangi.

Hann segir í kommenti hjá Agli:

 

"Lásuð þið ekki draumalandið !

Álver eru slæm af því að ál er notað í vopn.

Bíð spenntur eftir því að fólk fari að berjast gegn kartöfluræktun vegna þess að sumar kartöflur enda sem franskar kartöflur."

 

Og sjórinn...

Þetta sama er að gerast á sjónum. Það má ekki veiða hvali, þó þeir borði meiri fisk en mennirnir veiða. Það má heldur ekki veiða seli, sem borða um það bil sama magn eða meira af fiski og maðurin veiðir. Og síðan eru menn hissa á því, þegar þessar skepnur hafa fjölgað sér gríðarlega, að fiskurinn sé að verða uppurinn í sjónum og vilja nú sumir fara að banna veiðar á þorski og mörgum helstu nytjastofnum, amk á afmörkuðum svæðum. (sjá t.d. www.arcamar.is)

Þetta er ekki flókið: fækkum hvölum og selum, og fiskistofnarnir rétta úr kútnum. Hvað er svona erfitt að skilja í þessu?

Ef Íslendingar væru ennþá undir stjórn Dana

Væri nú leyfilegt að striplast í Nauthólsvíkinni. Vísast munu ESB-sinnar koma með þennan punkt í umræðunni um, hvort sjálfstæði Íslendinga sé e.t.v. ofmetið.

Mega vera berrössuð á dönskum baðströndum

Talibanar ekki enn dauðir úr öllum æðum

En spurningin er: Var Svarthöfði með í för?

Talíbanar frelsuðu fjölda fanga

Konur til sölu?

Ja, ég þekki nú bara hina áttina, en þegar ég var í Egyptalandi forðum reyndi einhver Egypti að kaupa af mér kærustuna og bauð ef ég man rétt vænan slatta af úlföldum fyrir þá ljóshærðu, en blonde stúlkur ku víst vera mjög vinsælar þar í landi.

En nú voru laglegar ungar stúlkur í Egyptalandi orðnar nánast eins og söluvara til ríkja "hristinga" frá Persaflóa. Ágætt að setja lög gegn þessu, en ég skil ekki plottið með þessum undanþágum.

75 ára aldurmunur bannaður

"Tapsárt" gamalmenni

Beenhakker ætti að skammast sín. Pólverjar voru stálheppnir að fá eitt stig frá þessum leik, skoruðu afar vafasamt mark (rangstæða sýndist mér) og gátu ekki rassgat lengst af í leiknum.

Og síðan vælir hann eins og smákrakki, eftir 43 ár í boltanum. 

„Gjörsamlega óskiljanlegt“

Mun umferð stöðvast í Bretlandi vegna bensínskorts?

Ja, ef svo verður mætti nota tækifærið, meðan göturnar eru tómar, til að koma á hægri umferð.

Búist við bensínskorti í Bretlandi

Upplestur frétta

Þetta hlýtur að klúðrast, því ómögulegt er að frk. Clausen hafi lesið inn sum þeirra orða, sem notuð eru á mbl.is

Sum þeirra eru m.a.s. ekki til í íslenskum orðabókum.

Upplestur á fréttum mbl.is

Dýrir fætur...hátt tryggingagjald?

Ja, þessir þungu bensínfætur hljóta að vera mjög verðmætir. A.m.k. fer verð þeirra stöðugt hækkandi.

Þungir bensínfætur í Öxnadal

"Ók undir áhrifum vímuefna og áfengis"

Ja, er ekki áfengi "vímuefni"? En skemmtilegar þessar starfskynningar á vefmiðlunum

Ók undir áhrifum vímuefna og áfengis

Frakki handtekinn á kaffihúsi

Það er aldeilis. Ætli þetta sé sami Frakkinn og er ekki jakki nema síður sé?

 

Viðbót: Jæja, yfirskrift þessarar "bloggreinar" var yfirskrift Moggafréttarinnar. Nú er komin ný og ekki að furða:

"Eftirlýstur maður handtekinn hér"

Þetta er gott, því nú getur maður farið úr frakkanum á kaffihúsi án þess að eiga það á hættu að hann verði handtekinn og dæmdur í gæsluvarðhald.

Eftirlýstur maður handtekinn hér