Hizb' Allah

Jæja, Sýrlendingar eru sterklega grunaðir um, að hafa staðið að baki morðsins á Hariri. Og ekki bara einhverjir Sýrlendingar, heldur menn í æðstu stöðum, vísast Assad sjálfur.

Og hverjir eru helstu erindrekar Sýrlendinga í Líbanon?

 Jú, Hizb' Allah.

Þetta kemur því varla mikið á óvart, eða er það?

Hizbollah fordæma ályktun öryggisráðs Sameinuðu þjóðanna

Hættur við að hætta

Jæja. Þetta var nú ágætt. En hitt er svo rétt, að það er eitthvað að hjá Los Angeles Lakers. Spurning að láta Teit Þórðarson taka við Lakers?

Bryant hættir við að hætta hjá Lakers

Vel við hæfi

Maðurinn er auðvitað "Hit-man" að atvinnu.

Lögreglustjóri í Írak handtekinn vegna gruns um morð og spillingu

Vísa dagsins!

Ég sat á fundi áðan, og heyrði þá vísu, sem ég fékk leyfi fyrir að birta hér. Höfundurinn er landsþekkt skáld.

En vísan er svona, ef ég man rétt:

Guðni fékk að kyssa kýr
og kætast meðal svína.
En Geir þarf engin önnur dýr
en Ingibjörgu sína.

Höfundur er vinstri grænn.

 

Vinstri menn á Íslandi hljóta að mótmæla þessu!

Og hvernig ætli forseta vorum myndi líða, ef hann færi með eiginkonu sinni til Ísraels og þyrfti kannski að borða með Peres. Það hlyti að vera erfitt "móment".

Hér forðum vildu semsagt flestir ísl. stjórnmálaforingjar, þám núverandi forseti, ekki borða með Peres, manninum sem var að leggja þung lóð á vogarskálar friðar í Miðausturlöndum, a.m.k. um stundarsakir. En svona er lífið...

Peres býður sig fram sem forseta

Sósíalismi í framkvæmd

Jæja, þetta er bara sama gamla sagan. Sósíalisti við völd er jafnan ekki hrifinn af stjórnarandstöðu og beitir ríkisvaldinu til að berja á henni.

Hvað með það, þó fjölmiðlar gagnrýni stjórnvöld, sér í lagi þegar þau skerða réttindi borgara? Þessi sósíal-fasistastjórn þarna í Venesúela er greinilega að opinbera hið sanna eðli sósíalismans; stefna sú þolir ekki gagnrýni.

Chavez hótar að loka annarri sjónvarpsstöð

Kemur Paris að vígja skiltið?

Ja, þeas þegar hún er laus úr djeilinu!

Nordica verður Hilton hótel

Ný heimasíða Taflfélags Reykjavíkur

Jæja, loksins! Nýja heimasíðan hjá T.R. er komin í loftið. Blóð, sviti og hár (ekki tár) að baki. Og reyndar ekki blóð, en alveg rasssæri. Nýja síðan er á www.taflfelag.is og kemur bara ágætlega út, þó ég segi sjálfur frá.

Við smíði vefsíðunnar var notast við A8 Pro, hið ágæta vefhönnunarforrit Allra átta. Reyndist það afar vel, eins og við var að búast.  

Ég vænti þess svo, að skákmenn og skákáhugamenn skrái sig á póstlista Taflfélagsins.

Orðið langt síðan, eða...?

Fékk þennan frá Sigga Sverris briddsara og Haukamanni.

 

 

Sóðaskapur í boði Símans

Síðustu mánuði hefur annar endi Ármúlans orðið fyrir skipulagri sóðaskaparárás. Málavextir voru þeir, að SÍMINN ákvað að ganga lengra en það, að banna reykingar í húsnæði sínu. Nú skyldi banna reykingar á lóðinni allri.

Síðan höfum við, sem störfum í húsi sem standa við æðri enda Ármúlans, þ.e. sem liggur að Grensásvegi, orðið fyrir árás níkótín-fíkla Símans. Hafa þeir leitað yfir götuna og staðið fyrir utan fyrirtæki þar, eða í skotum við hlið þeirra, reykt þar og skilið eftir sig stubbaflóð. Þó hafa þeir reynt sitt besta, t.d. með því að setja dunka þarna, en það breytir því ekki, að þetta er ekki mjög til að auka viðskipti fyrirtækja á götunni gegnt Símanum, allt frá a.m.k. Teppaversluninni Stepp og niður til Ármúla 42, þar sem m.a. er veitingastaðurinn Brautarstöðin. Í því húsi einmitt hef ég skrifstofu.

Þetta angrar mig svosem ekki verulega, því ég rek ekki verslun. En ég hef heyrt af óánægju verslunareigenda við Ármúlann. Og ég áfellist ekki krakkana. Þau þurfa að leita eitthvert, úr því Síminn tekur svona harðvítuga afstöðu. Hvers vegna geta Símamenn, sem eiga svona stórt húsnæði, ekki skaffað þessu fólki horn einhvers staðar, þar sem starfsmennirnir geta svalað fíkn sinni?

Og með því er Síminn að gefa skít í nágranna sína. Spurning hvort reykingamenn ættu ekki að mótmæla þessu með því að svara Símanum í sömu mynt?