Er þjóðin í hlekkjum hugarfarsins?

Ísland var öldum saman nær óþekkt land á mörkum hins byggilega heims. Það var Ultima Thule, landið yst í norðri, fyrst setið af þræli og ef til vill nokkr­um munk­um. Þar grúfði myrkur yfir djúpinu stóran hluta árs, en á hásumri gátu einsetumenn týnt af sér lýs að nóttu til.  

Á landi þessu þróaðist sér­kennilegt mann­líf í drungalegum moldarkofum og afskekktum dalverpum, þar sem grá­mosinn glóði og eldfjöllin spúðu. Þar ríkti blóðhefnigjarnt lýð­ræðis­sam­félag, með fjölda smákónga, sem troða reyndu börnum sínum undir hvert annað og planta niður kirkju á hverjum hóli, einkum til að sanka að sér tíundar­greiðslum.

Í sam­búð elds og ísa hélt til stolt eyþjóð í landi, sem hafði „með harð­ær­­um, jarð­­skj­álftum, eld­gosum og með sinni kjána­legu ­legu á jarð­hnett­in­um strá­­drep­ið hv­orki meira né minna en helming þjóð­ar­innar og gert þús­­­und­ir manna að flæk­ingum, lúsugum aumingj­um, niður­setningum, þjóf­­um og ræn­­ingjum.”[1] 

Þeir fáu meginlandsbúar, sem vissu eitthvað um landið, fengu gjarnan fréttir sínar úr ferðasögum manna, sem jafnan dæmdu það og lands­menn sjálfa eftir eigin viðmiðunum. Þá var jafnan greint rangt frá aðstæðum og farið ófögrum orðum um hætti þjóðarinnar. Frásagnir manna eins og Dietmars Blief­kens og annarra froðusnakka æstu Íslendinga til reiði,[2] enda væri illa að þeim vegið. Á hinn bóg­inn er ljóst, að nokkuð af hinum ófögru frásögnum erlendra ferðalanga átti við rök að styðjast. Íslendingar gátu þó afsakað sig með því, að land þeirra hafði öldum saman verið einangrað frá umheim­inum og íbúarnir að­eins haft nokkra glugga til að gægjast út um eða hleypa inn um fersku lofti. 

Hin þjóðkunna Íslandssaga er að stærstum hluta skrifuð af mönn­um, sem grundvölluðu skoðanir sínar á þjóðernissinnaðri ofurást á landsins gæðum og í­búanna göfugleika. Samhliða því að móta söguvitund þjóðarinnar stigu þeir á stokk og kröfðust sjálfstæðis frá aldalangri kúgun Danakóngs eða brottreksturs erlendra tindáta, sem héldu til einhvers staðar úti í hrauni og borguðu stórfé fyrir að verja þetta land fyrir væringjaþjóð af fjarlægu landi. 

Það væri því ekki landið sjálft, sem gert hafði helming þjóðarinnar að lúsugum aum­ingjum og niðursetn­ingum, heldur hið útlenda vald og svikræði óþjóðhollra aft­aníossa þess hér á landi. Síðan hóf hið breska heimsveldi að senda hingað her­skip til að verja þorskaþjófa sína, svo skyndilega urðu enskir sæfarendur allra tíma að eljum Ís­lendinga líka. Af þeim sökum voru t.d. enskir kaupmenn, sem veru­lega bættu hag Íslendinga á 15. öld, úthróp­aðir og gerðir að hinum verstu skúrk­um.  

Á móti var jafn­vel Björn ríki Þor­leifs­son hirðstjóri, einn mesti þrjótur Ís­lands­sög­unnar, gerður að þjóðhetju fyrir að hafa rænt Eng­lendinga þessa og liðið píslarvætti af höndum þeirra í ránsferð að Rifi 1467.[3] Hetja þessi, sem reið um héruð með ribböldum og rumparalýð, hafði sölsað undir sig stóreignir víða um land, jafnan með vafasömum hætti. Hann réðist jafnvel á Skálholtsstað þegar biskups­laust var. Þar rændi hann og ruplaði, og skeytti lítt um helga dóma og eignarétt. Vegna þjóðrembings sumra sagnaritara var þessi mesti glæpamaður Íslandssög­unnar gerður að þjóðhetju fyrir það helst, að hafa byrjað að ræna útlendinga, þegar hann gat ekki stolið meiru frá íslenskum ættmennum sínum. 

ER EKKI ÍSLAND Í DAG Í RAUN NOKKUÐ SVIPAÐ ÍSLANDI HIÐ FORNA?

 

[1] Þórbergur Þórðarson: Rauða hættan (Rvík 1935), 160-161.

[2] Frásagnir þessar eru teknar saman í; Glöggt er gests augað.

[3] Sjá t.d.: Björn Þorsteinsson: Tíu þorskastríð (Rvík 1975).

Mr. and Mrs. Pitt

Jæja, þá fer að koma að því. Brad Pitt og Angelina Jolie að fara upp að altarinu.

Eigum við ekki að segja: "the beginning of the end"?

Pitt og Jolie í hjónasæng um páskana

Geir og Grani

hafa þó varla átt hér í hlut.

En hrikalega var þetta góður húmör á þá Spaugstofustrákana. Láta þá finna aðeins fyrir eigin meðölum!

Þetta hefði átt að taka upp með falinni myndavél,einskonar "Tekinn", og síðan sýnt í Sjónvarpi allra landsmanna.

Handtaka átti Spaugstofumenn

Snorri alltaf flottur!

Selurinn þ.e.a.s.

Nafni minn Snorri Snorrason er með flott tattó af Snorra sel á hendi sinni.

Nafnið tryggir gæðin --varist eftirlíkingar

Gestir úr dýraríkinu boða vorið í Eyjum

Skattaskýrslan

Undirritaður er nú gjörsamlega að missa sig vegna skattaskýrslunnar, en ég hef frest fram á kvöld til að skila.

Ég safnaði saman öllum gögnunum um helgina og fyllti þetta út þá og í gær. En þá kom upp VILLA. Ég náði ekki að leiðrétta hana og hringdi í vin minn sem vinnur hjá Skattinum og leitaði hjálpar. Hann gat ekki fundið út hvað væri að (en sá ekki skýrsluna hjá mér - en reyndi að hjálpa í gegnum síma).

Ég hringdi því aftur kl. 9:37 í morgun og komst í gegn kl. 9:59. Þar svaraði mér afskaplega elskuleg kona, Sigurlaug eða Sigurveig, minnir mig að hún heiti.  Hún fann heldur ekki svar við þessari villu, en leitaði tvisvar aðstoðar hjá VSK deildinni, um villan sneri að því, að það væri ekki samræmi á milli upphæðar í rekstrarskýrslu (RSK 4.11) og einu VSK blaðinu (RSK 4.25).

VSK deildin reyndi við þetta tvisvar, en ekkert gekk.

Þessi elskulega kona gekk á milli Heródesar og Pílatusar, og benti mér að lokum á, að hafa samband við tæknideildina. Þar fékk ég mikinn snilling til að aðstoða mig í málinu, en hann fann heldur ekkert athugavert. Er reyndar núna enn að reyna að fá botn í málið.

Staðan er því þannig, að ég get ekki skilað skattaskýrslunni og hef ég eytt mörgum klst bara við að reyna að leiðrétta þessa villu, sem enginn skilur í hverju felst.

Og engin lausn í sjónmáli. Hvað gera bændur nú?

Stoppflokkarnir

Jæja, ýmislegt kom nú í ljos á morgunverðarfundi Viðskiptaráðs í morgun. Hin nýja kynslóð Íslendinga telur sig víst Evrópubúa, ekki Íslendinga.

Ég er ekki sammála þessu, því hvar sem maður hittir Íslendinga, sem búa erlendis, segjast þeir fyrst og fremst vera Íslendingar. Jafnvel börnin, sem varla eru farin að tala og sum tala jafnvel ekki íslensku: Ég er Íslendingur.

Það, að vera Íslendingur, er eitt og sér töluvert dýrmæt auðlind. Ég veit ekki til að við eigum neina eiginlega óvini, alls staðar þar sem maður kemur er talað um litla Ísland af vinsemd og virðingu, já, og forvitni.

Það, að búa á Íslandi og vera Íslendingur er ekkert til að skammast sín fyrir. Fólk getur flust til útlanda og búið þar um lengri eða skemri tíma, en það verður áfram Íslendingar í hjarta sínu.

En það, að vera "Evrópubúi" er þó vísast ekki endilega stuðningur við ESB. Við höfum verið Evrópubúar löngum öldum og hættum því ekki, þótt við verndum sjálfstæði og sjálfsvirðingu þjóðarinnar.

En síðan barst talið að umhverfis- og stóriðjumálum. Það var þar, að stoppflokkarnir komu undan feldinum og sýndu sitt rétta andlit.

 

Ingibjörg Sólrún Gísladóttir var hins vegar á öndverðu meiði og sagði Íslendinga þegar hafa gengið of langt í stóriðjuframkvæmdum sínum. Engin spurning sé um það að Íslendingar eigi gríðarlega mikla orku sem einungis verði verðmætari með tímanum. Rangt sé hins vegar að nýta auðlindina af skammsýni til að framleiða ál enda sé orka okkar langt frá því að vera á síðasta söludegi.

Katrín Jakobsóttir, varaformaður Vinstri grænna, kvaðst vera á sama máli og Ingibjörg Sólrún enda telji hún rétt að gera hlé á virkjunar- og stóriðjustefnunni á meðan rannsóknir fari fram þannig að hægt verði að leggja mat á niðurstöður þeirra áður en hafist verði handa við nýjar framkvæmdir.

 

Ingibjörg, við erum með tvö álver. Er það að ganga of langt? Og verður orkan verðmætari með tímanum? Jæja, en hvað með alla þá orku sem tapast, á meðan Samfó bíður eftir því að geta gefið ESB orkuna?

En Samfó og Vinstri grænar eru ekki aðeins stoppflokkar, þegar kemur að orku- og stóriðjumálum. VG vill greinilega, ef marka má Ögmund Jónasson, stöðva bankastarfsemi í landinu, stöðva hagsæld, stöðva framfarir. VG vill semsagt segja stopp við hagsæld þjóðarinnar og flytja hana aftur til 1974. VG vill síðan segja stopp við hinu og þessu....listinn er of langur til að ég nenni að telja hann upp hér.

Samfó vill jafnframt stoppa ýmislegt, en Samfóarnir eru þó ekki alveg jafn harðir stöðvunarsinnar og VG. En þeir vilja samt stöðva nógu mikið, til að hér komist á kreppa...ef ég fæ skilið stefnu þeirra rétt. Þeir hafa mörg ágætis mál í stefnuskrá sinni, en eru duglegir að fela þau innan um einhverjar fantasíur, sem ganga ekki upp, svo sem að taka upp Evru, ganga í ESB,  koma á einræði (það virðist amk markmið þjóhnappakratanna) og selja landið smám saman í hendur erlendu stórveldi.

Það er dálítið erfitt að fara sómasamlega yfir stefnumál Samfó, af eðlilegum ástæðum, því líklegter, að á meðan ég væri að lesa stefnuskrá flokksins myndi amk eitt stefnumál taka breytingum, amk á borði, ef ekki í orði. Þessi hringlanda- og vingulsháttur, sem einkennt hefur Samfó, segir einfaldlega við þá, sem fræðast vilja um stefnu flokksins: STOPP.

Já, vinstri flokkarnir eru stoppflokkar. En ef við stoppum allt galleríið, getum við bara flust til Kanarí, og verið þar góðir Evrópubúar.

 

Svafa: Ný kynslóð Íslendinga lítur á sig sem Evrópubúa

Sammála Ómari: seljum rokið og rigninguna

Ómar Ragnarsson segir í bloggi sínu, að hægt sé að selja rokið og rigninguna á Íslandi.

Ég er í sjálfu sér sammála þessu markmiði, en veit ekki hvernig við getum fengið neinn til að kaupa þetta af okkur og flytja til síns heima.

Mig grunar því, að við munum sitja uppi með rok og rigningu á Íslandi eitthvað áfram.

Auðveldari leið til að losna við rokið og rigninguna er, að setja álver í hvern fjörð og menga svo mikið, að varanleg breyting verði hér á veðurfari með auknum gróðurhúsaáhrifum.

En varðandi Ómar: Maður fer að halda að þessi flokkur hans sé samansafn ídíóta, ef málflutningurinn á að vera með þessum hætti.  

 

Debet og kredit hjá Baugi

Jæja nú virðist farið að syrta í álinn hjá Baugi Grúpp. Saksóknarinn heldur þrumuræður og fer hamförum. Og stjórnmáladeild Baugs Grúpp er komin niður fyrir 20% fylgi.

Verjendur Baugsmanna gætu þó náð að redda einhverju. En ég efast um að stjórnmálaarmur þessa mikla veldis nái að rétta úr kútnum.

Kreditreikningur upp á tugi milljóna fjarstæðukenndur

Afsakið biðina, vinsamlegast bíðið

Jæja,  ég á víst að skila skattaskýrslunni í dag. Hún er tilbúin, nema ein villumelding kemur upp, varðandi samspils virðisaukahlutans og rekstrarskýrslunnar. Ég hef reynt allt, en get ekki lagað þetta.

Nú, ég reyndi að hringja í gær. Beið þá í hálftíma, en komst ekki að. Ég reyni aftur núna. Ég hef, þegar þetta er skrifað, beðið í tæpar 20 mín. Enn ekki kominn að. Og síðan fær maður rödd á hálfrar mínútu fresti, og segir hún:

Afsakið biðina. Vinsamlegast bíðið.

Mér finnst að skatturinn ætti að veita aukinn frest, úr því þeir geta ekki veitt mönnum neina hjálp við framtalninguna, nema með því að láta fólk bíða í klukkustund í símanum eftir aðstoð.

Langavitleysa!

Í fyrsta lagi: hverjum dettur í hug að nefna þorp svona löngu og fáránlegu nafni.

Í annan stað: það mun enginn getað slegið þetta nafn inn á netinu...eina leiðin að slá á link.

Í þriðja lagi: venjulegt fólk sofnar áður en það klárar að slá þetta inn.

Langavitleysa.

Lengstu slóðirnar á netinu