Írakar halda sprengidaginn hátíðlegan

Í Írak er sprengidagur haldinn hátíðlegur nánast alla daga ársins. Ég kann þó illa við það, hvernig þeir framkvæma hátíðahöldin. Íslenska leiðin, að sprengja menn með saltketsáti virkar einhvern veginn betur en sú íraska, þar sem menn og mýs eru sprengdir upp með det samme.

Í mínum huga er alveg ljóst, að uppreisnarmenn í Írak hefðu ekki haft ráð á, að reka þessa baráttu svona lengi, hefði utanaðkomandi hjálp, sér í lagi frá Sýrlandi, Íran og e.t.v. einhverjum fleirum ekki komið til. Þá er ég fyrst og fremst að tala um hernaðar- og/eða fjárstuðning. Uppreisnarmenn sjía eru vísast aðal móttakendur þessa stuðnings. Súnnítar fá vísast hjálp annars staðar frá, eða lifa á gömlum og földum vopnabirgðum Saddams Husseins og úrvalssveita hans. Ég las það einhvers staðar, að fljótlega eftir að Bandaríkjamenn, Íslendingar og fleiri viljugar þjóðir réðust inn í landið, hafi úrvalslið Saddams, það sem Bandamenn óttuðust mest en þurfti lítið að berjast við, horfið og með þeim þær miklu vopnabirgðir, sem menn töldu að Íraksher hefði þrátt fyrir allt ráðið yfir. Mig grunar, að Bandaríkjamenn séu nú að finna fyrir því vopnabúri.

Við Vesturlandamenn glottum gjarnan út um annað, þegar hinn skellegi PR maður Saddams kom í fjölmiðla og sagði, að Írak yrði grafreitur Bandaríkjamanna. Hann hafði rétt fyrir sér í því, en menn misskildu hann þá, en ekki lengur.

En Bush og Blair höfðu þó rétt fyrir sér í því, að til væru gereyðingarvopn í Írak. En þeir áttuðu sig ekki á því, að þau væru af holdi og blóði, gangandi eða keyrandi tímasprengjur.

 

Fjórtán látnir í árásum í Írak í dag

Tengdasonur Íslands?

Þetta gæti leitt til þess, að einmana "stjörnur" gætu farið að leita hingað eftir "hjálp".

En þetta ástarævintýri svokallaða gæti orðið spennandi úr fjarlægð. En gott að vita að jafnvel frægir kvennabósar hafa þróað með sér góðan smekk á konum!

The Sun fjallar um Jude og Höllu

McCain: Rumsfeld ómögulegur

Jæja, McCain reynir að bjarga sér á flótta með því að gera Rumsfeld að blóraböggli fyrir eigin stuðning við stríðið í Írak. En hitt er svo annað mál, að hann hefur hér rétt fyrir sér. Rumsfeld hlýtur að minnsta kosti að vera mjög vænlegur kandidat fyrir titilinn: Lélegasti varnarmálaráðherra Bandaríkjanna.

McCain segir Rumsfeld versta varnarmálaráðherra sögunnar

Vegir liggja til allra átta

Jæja, nú virðist vorið vera farið að gægjast út um glugga sinn hér sunnan- og suðvestanlands, en vetur konungur enn við völd fyrir norðan. Og Kári í vígamóð víða.

Ég er nú ekki eldri en svo, að ég man þá "gömlu góðu" daga, þegar hér var allt á kafi í snjó a.m.k. vel fram í mars og þótti það tíðindi, ef snjóa leysti fyrr. En maður hefur ekki séð hérna almennilegan snjó í mörg herrans ár. Í gamla daga voru snjóskaflar út um alla borg, og úr þeim gátum við strákarnir byggt okkur snjóhús með því að grafa í þá. Slíkt er allt löngu hætt. Í mesta falli verða til sérútbúnir skaflar, sem gröfur búa til, og þeir standa yfirleitt ekki lengi.

En maður veltir fyrir sér, af hverju landið skiptist eins mikið í ólík veðurkerfi og raun ber vitni? Hvers vegna er gjörólíkt veður sunnanlands og austan? Ekki er nú langt á milli Borgarness og Akureyrar. Hvers vegna er veðurfarið svona ólíkt á milli þessara staða?

Bara smá pælingar. Kannski Einar Sveinbjörnsson geti svarað þessu?

Austan- og norðaustanátt á landinu í dag

Henging

Jæja, einhverra hluta vegna virðist mönnum ekki finnast það jafn agalegt, þegar þessi maður er hengdur, en þegar Saddam Hussein lenti í snörunni. Engu að síður er Saddam greinilega ábyrgur fyrir morðum margfalt fleiri óbreyttra borgara.

Nú er spurning hvort bloggarar fari ekki að blogga enn á ný um illsku henginga...sumir verða að gera það, til að vera samkvæmir sjálfum sér.

Sprengjumaður hengdur fyrir allra augum í Íran

Göngum sem fyrst í Evrópusambandið!

Árið 2004 lifðu 16% íbúa ESB undir fátækramörkum sem er skilgreint sem 60% af meðaltekjum viðkomandi lands.

Við gætum jafnvel náð þessum 16% á nokkrum árum, aukið hér fátækt, atvinnuleysi og skattheimtu, svo nokkuð sé nefnt. Það eina sem þarf að gera er að kjósa Samfylkinguna til valda. Við gætum síðan rústað endanlega sjávarbyggðunum við landið og reist hér tugi barnaheimila fyrir fátæk börn, eins og gert var í Rússía og Alþýðublaðið dásamaði svo forðum.

Þá eru börn líklegri en aðrir að verða fátæktinni að bráð en 19% barna í ESB lifa undir fátæktarmörkum.

Já, þetta gæti líka tekist á nokkrum árum, eða jafnvel fyrr. Já, þetta er fagurt fyrirmyndarríki, hið nýja Sovét, sem kratarnir vilja leiða okkur inn í.

Já, endilega göngum barasta í ESB...það er sennilega stysta leiðin til að gera Íslendinga fátæka að nýju. Er það ekki það sem við viljum, eða öllu heldur sumir vilja?

Einn af hverjum sex Evrópumönnum býr undir fátæktarmörkum

Kaupstaðarferð sem lyktaði illa

En ef vínlykt er "kaupstaðarfnykur", hvað er þá skítafýla? Fjósalykt eða "sveitafnykur"?

Kaupstaðarlykt af ökumanninum

Grænfriðungar, hvalveiðar og eiturefnaúrgangur

 Jæja, nú fæ ég vísast skammarpósta frá Sóleyju og hinum!

Ég varð bara að setja þetta inn...

Neita Grænfriðungum um sýni úr hvalaafurðum

Kastrup!

Ekki má gleyma því heldur, að leigutekjur af verslunum og duty free hljóta að vera afar háar, því verðið þar er jafnan ótrúlega hátt. Sá misskilningur er jafnan, að það sé ódýrara að kaupa á flugvöllum en annars staðar. Ég á mjög erfitt með að sjá það varðandi Kastrup.

Kastrup hefur verið uppáhalds flugvöllur minn í fjölda ára, en ekki lengur. Jafnvel Heathrow er betri, þrátt fyrir alla langhalana.

Kastrupflugvöllur sá dýrasti í Evrópu

Umhverfisvernd núna!

Ég held að þessi myndbönd séu mjög fræðandi og lýsandi fyrir alla þá, sem áhuga hafa á umhverfisvernd.