Fyrirliði Birmingham

mun aldrei getað spilað á Emirates aftur, a.m.k. ekki í friði. Þetta er eitt það ljótasta sem sést hefur í boltanum. Svona menn eiga að fara til sálfræðings. Svona gera menn ekki í fótbolta.

Eduardo hjá Arsenal illa slasaður?

Framtíðar sumarleyfisstaður Íslendinga?

Alveg greinilegt. Saudi-Arabía er framtíðin, eða...?

 Hvað ætli margir íslenskir karlmenn á aldrinum 18-30 myndi sleppa úr landi aftur, nema eftir að hafa verið hýddir?

Og stúlkurnar á sama aldri hýddar líka fyrir að vera í stuttbuxum á almannafæri.

Spurning hvenær miðöldunum ljúki þarna suðurfrá?

Handteknir fyrir að daðra við stúlkur

Eigi skal víkja

Vér mótmælum allir.

Vilhjálmur Þ. Vilhjálmsson víkur ekki

Afsakanir og Alþingi

Jájá, það má alveg biðja Breiðuvíkurpilta afsökunar. Það var illa farið með þá, svo og marga aðra. Ömurlegt að sjá svo mörg líf eyðilögð.

En þjóðin má líka biðja Alþingi afsökunar á að hafa sent þangað svona marga vitleysinga í gegnum tíðina.

Og ég vil líka biðja þá afsökunar sem ég hefi sært með óígrunduðum orðum í gegnum tíðina.

Hvernig væri að gera t.d. 3. maí að sérstökum afsökunardegi, þar sem menn biðjast afsökunar og allt verður í gúddí?

Alþingi Íslendinga biðjist afsökunar á Breiðavíkurmálinu

Maður missti af fjörinu!

Það er aldeilis fjörið í Belgrað núna. Og ég missti af því.

Ég var reyndar að spá í Belgrað á þessum tíma; mér var boðið á sterkt skákmót sem nú fer fram þarna í Belgrað, rétt hjá sendiráði Bandaríkjanna. Ef ég man rétt, er það ekki auðvarið. Síðast þegar ég ók þarna framhjá, sá ég bara einn vörð fyrir utan. Óvenjulegt fyrir bandarísk sendiráð.

En jæja, ég hefði getað fylgst með fjörinu, hefði ég ákveðið að þiggja hið góða boð, reyndar ásamt Robba Lagerman, en við förum gjarnan á skákmót í Serbíu. (Mynd tekin í Belgrað fyrir 3 mánuðum tæpum)

En ég sit bara heima og fylgist með úr fjarlægð. Það er kannski bara betra.

Sendiráðsmenn yfirgefa Belgrad

Hizb'Allah að æsa sig

Ja, það er nú talið að vinir Hizb'Allah í Sýrlandi hafi nú verið eitthvað viðriðnir þetta morð á einum grimmasta terrorista samtímans. En auðvitað veit maður ekki hvað er rétt og hvað ekki í þessum fréttum.

En hitt veit ég, að nýlega komu lögreglusveitir í Evrópu upp um samsæri Hizb'Allah um að myrða eða ræna háttsettum stjórnmálamönnum eða öðrum "major figures" í Frakklandi, Þýskalandi, Bretlandi og Ítalíu, eins og komst upp í árás frönsku lögreglunnar á bæli terroristanna í París. Um þetta má lesa í nýlegu Spectator. Og franska leyniþjónustan hafði semsagt frétt frá Beirút að Nasrallah hafi kallað saman fund foringja sinna og sagt þeim að "vekja" svokallaðar "sellur" Hizb'Allah í Evrópu og láta þær hefjast handa við þessa áætlun.

Ég held að Hassan Nasrallah, sem er einn helsti ófriðarseggur heimsins þessa dagana, ætti að líta í eigin barm.

Leiðtogi Hizbollah segir Ísraela hóta nýju stríði

Vilhjálmur Tell

us what you will do!

Hann virðist ætla nánast óstuddur að eyðileggja Sjálfstæðisflokkinn í Reykjavík, a.m.k. tímabundið. Eins gott að kjósendur eru gleymnir.

Vilhjálmur ætlar að sitja áfram

Enginn Bubbi?

Bubbi og hljómsveit ekki með?

Æ, hvað hét aftur hljómsveitin sem mynduð var utan um kónginn? Forhúðin?

Tilnefningar til Íslensku tónlistarverðlaunanna birtar

Ótrúleg siðspilling þrífst...jafnvel á Íslandi

Ég er alveg yfir mig hneykslaður. Ótrúleg spilling er þetta á Íslandi að geta ekki mútað mönnum hressilega eins og viðgengst erlendis. Til dæmis hefur enginn nokkru sinni borið mútur á mig (nema púbertíið -- og þeim mútum komst ég ekki undan að þiggja) og ég er mjög hneykslaður.

Eða eins og skáldið sagði: "Þeir sem harðast tala gegn spillingunni eru þeir, sem komast ekki í hana en vilja það gjarnan."

Dæmdur fyrir að þiggja mútur

G-bletturinn

Íslendingar hafa nú þekkt G-blettinn í mörg ár, amk merktu ótrúlega margir við þennan blett á fjögurra ára fresti og fengu sérkennilega pólítíska fullnægingu fyrir vikið.

En nú er íslenski G-bletturinn týndur og V-bletturinn kominn í staðinn.

Leitað að G-blettinum