Hvað með gamla góða júgursmyslið?

Já, öldin er greinilega orðin önnur.


45.000 kall fyrir andlitskrem? Úff, maður veit ekki hvað segja skal við þessu, nema,...



Ég vona að þetta sé virði svona fjárausturs.

Íslenskar konur nota 45 þúsund króna andlitskrem

Tyrkjarán eða...?

Ég sá ekki þennan leik, en ég var að kenna á meðan á þessu stóð. Og ég hefði heldur ekki nennt að horfa á leikinn, þótt ég hefði ekki haft neitt sérstakt að gera.


Sko, það er nógu leiðinlegt að horfa á Liverpool á Anfield, en að horfa á Liverpool á útivelli er hreinasta pína.

Gott hjá Tyrkjunum. Fínt að brjóta Púlarana aðeins niður fyrir leikinn á sunnudaginn.

Liverpool lá í Istanbul

Það vantar nauðsynlega hraðlestir á Íslandi

Til dæmis á milli Keflavíkur og Reykjavíkur. Ekki aðeins til þess að flugfarþegar verði snöggir á völlinn eða heim (á einfaldan og þægilegan hátt), heldur mætti selja svona einhleypingaferðir til að hafa nú fleira fólk þarna en annars.

Nú, eða framhjáhaldaferðir fyrir gifta, gleðiferðir fyrir samkynhneigða, rómantískar ferðir fyrir einstæða eldri borgara, nú eða bara bíóferðir fyrir krakka.


Allt hægt ef viljinn er fyrir hendi.

Stefnumót í hraðlest

Skeinipappírssölumennska

Það hringdi í mig ágætis náungi í gærkvöldi og vildi selja mér skeinipappír. Ég fengi hann ókeypis í nóvember, ef ég myndi skrá mig. Þennan skeinipappír yrði ég að prófa.


Ég hef nú tekið ágætis syrpur á Svíanum, eins og dyggir lesendur þessa bloggs muna, en hingað hef ég ekki verið í miklum vandræðum með pappírinn. Ég á semsagt til alveg nóg af slíkum.


Það sem verst er, við þessa tegund af skeinipappír, að þar er oft innbyggð skítafýla sem oft á tíðum er yfirgengileg og veldur manni ógleði.


Þessi nýja tegund skeinipappírs er mér semsagt ekki til gleði. Mér er alveg sama þó tegundin komi út flesta daga vikunnar og fáist afhent heim til manns, ég segi bara nei takk.


Og þá breytir engu þótt hún hafi skipt um ritstjóra.


Því DV er og verður DV, hvort sem skítafýlan er af fullum styrk eða bara "light", eins og núna.

Gjöldin burt?

Það er kominn tími til. En mun þetta takast?


Ég vona það. Þessi gjöld eru skandall, sem þarf að lagfæra. Við, fólkið í landinu, þurfum nóg að borga fyrir, þó þessi smán sé ekki innheimt af okkur reglulega.


Jæja, kannski að Bjöggi ráðherra sé ekki eins slæmur og Evrópusambandsástarsamband hans gefur til kynna? :)

Vörugjöld, stimpilgjöld og uppgreiðslugjöld afnumin

Rekum Eyjólf

Í venjulegum löndum hefði hann verið rekinn fyrir löngu.


Ég held að Jolli ætti að byrja á að þjálfa lið á Íslandi, áður en hann þjálfar landsliðið. Gæti byrjar á Tindastóli, og síðan unnið sig upp.

Eru landsliðsmennirnir óánægðir með Eyjólf?

Efni í fína einkaþotu

Spurning hvort Baugur eða Björgólfsfeðgar verði fyrri til að kaupa sér svona eintak. Ég meina, þeir síðarnefndu þurfa svona stórt flykki til að flytja vini sína á leiki West Ham.

A380 í fyrsta farþegaflugið á fimmtudaginn

7-0

Maður var nánast orðlaus í gær, að horfa á leikinn hjá Arsenal og Slavia. Og Arsenal hefði getað skorað fleiri mörk, ekki vantaði færin, en merkilega nokk kláraðu Arsenal menn færin sín betur nú en oft áður.


Gaman að sjá Walcott koma svona sterkan inn. Og Cesc var frábær að venju og Hleb heldur áfram að spila afburða vel, sér í lagi miðað við frekar slakt tímabil í fyrra. Hvergi var veikan blett að finna hjá Arsenal.

Til hamingju strákar og allir Arsenal menn.

Arsenal skoraði 7 mörk gegn Slavia Prag

Mannlíf í okt 1959: nokkur fróðleiksbrot úr Lesb. Mbl.

Úr Lesb. Mbl.

FRAMKVÆMDIR

 

• Tekið í notkun ultrastuttbylgjuskeytakerfi fyrir flug um Ísland.
• Ný lýsing sett á Keflavíkurflugvöll fyrir aðflug. Slíkt kerfi var þá hvergi annars staðar í Evrópu.
• Guðni Þórðarson blaðamaður stofnar ferðaskrifstofuna Sunnu
• Nýtt skip vígt, til að annast ferðir milli lands og Eyja. Nefndist Herjólfur.
• Ný sjúkraflugvél keypt til Akureyrar
• Nýtt varðskip tekið í notkun. Nýsmíðað frá Álaborg. Kallast Óðinn.
• Lendingarljóst sett á flugvöllinn í Vestmannaeyjum.
• Farið að selja mjólk í pappaumbúðum í Reykjavík
• Jarðskorpan á Íslandi mæld. Þykkari en menn áttu von á.
• NIðurskurður fjár á mæðiveikisvæðinu í Reykhólasveit
• Reynivallakirkjan stækkuð og endurvígð.
• Nýtt togskip, Skagfirðingur, kemur til Sauðárkróks.
• Miklabraut í Reykjavík upplýst með kvikasilfursljósum
• Ákveðið að leggja nýja vatnsæð þvert yfir borðina, frá Þorfinnsgötu að Suðurgötu. 1.680 km að lengd.

LISTIR

• Hafmeyjan, eftir Nínu Sæmundsdóttir, afdjúpuð í Reykjavíkurtjörn
• Þjóðleikhúsið tekur til starfa
• Tékkneskir tónlistarmenn halda hér tónleika
• Guðmundur Jónsson óperusöngvari fer til Vínarborgar
• o.fl.

ÍÞRÓTTIR

• Ríkarður Jónsson knattspyrnumaður fer til æfinga hjá Arsenal í 2 mánuði
• Benedikt Waage endurkjörinn forseti ÍSÍ
• Ákveðið að senda skíðamenn á Ól í Squaw Valley
• KR verður Íslandsmeistari
• Ólafur Á. Ólafsson er golfmeistari Reykjavíkur í 2. sinn
  

osfrv, osfrv. Margir skemmtilegir fréttaflokkar.

Gaman að skoða gömul blöð og sjá hvernig þetta var í den.

Eiður Smári ....eða Gudjohnsen?

Jæja, Eiður byrjar inná í kvöld.

"Eiður Smári er góður leikmaður sem stóð sig vel með okkur í fyrra en hefur verið meiddur. Hann hefur ekki leikið mikið með okkur í vetur vegna meiðslanna en hefur lagt hart að sér og fær tækifæri í kvöld," sagði Rijkaard.

Ég er næstum því 100% viss um, að Rijkaard sagði ekki "Eiður Smári...", heldur "Eidur" eða "Gudjohnsen".


Spurning að senda blm. Moggans á gæsalappanámskeið til Helgu Kress?

Eiður Smári í byrjunarliði Barcelona