Eyjólfur Sverrisson fær ekki að halda áfram

Gott. Hann á ekkert erindi í þetta djobb. Ágætis náungi, en því miður hefur hann ekki það sem til þarf. Hann einhvern vegin gleymdi því, að til þess að skora þarf að gefa boltann á samherja, en ekki nota Wimbledon taktíkina og kýla fram, hlaupa og vona hið besta.


En hver ætli stjórni landsliðinu gegn Dönum?


Ja, hvernig væri að ráða Bjarna Felixson í starfið í þessum eina leik. Ástandið getur ekki versnað frá því sem nú er.

Eyjólfur hættur sem þjálfari landsliðsins

Morkinn laugardagur

Jæja, morkinn laugardagur. Veðrið þó með skásta móti, þ.e. engin rigning og það sést jafnvel til sólar héðan úr Faxafeninu.


Já, ég þurfti að flýja skrifstofuna. Ég er í sama húsi og Rafhönnun og þeir kumpánar fóru að endurnýja símkerfin hjá sér og skáru á línuna mína. Og ekki í fyrsta skipti. Þeir gleyma því alltaf að mínar lagnir liggja um sömu lagnir og þeirra; og þeirra kaplar liggja um skrifstofuna mína. En þeim er sama. Síðast var ég viku án internets og hlaut aðeins leiðindi, lygasögur og stæla frá þeim í Rafhönnun. Þá lá við að ég flytti út. Kannski ég geri það núna. Svona gengur þetta ekki lengur að þeir telji eðlilegt að skera á símann minn þegar þeim hentar og það án þess að láta mig vita eða spyrja leyfis.


Ég fór núna í TR og sit hér frekar morkinn. Aðstæður ekki sérlega góðar, en allt í lagi. Og internet sambandið töluvert verra en hjá mér á skrifstofunni. En þetta hefst allt.


Þetta er bagalegt því ég er að falla á tíma með verkefni. Var að vinna í heimasíðu, að þessu sinni að búa til speglasíður á þýsku, frönsku og spænsku. Ég hafði þegar skrifað þessar síður á íslensku og ensku, og nú var komið að hinum þremur. Sami texti, en á þremur öðrum málum. Ég var nú stúdent í frönsku og spænsku, en datt ekki í hug að reyna að þýða þetta, svo Skjal reddaði þessu. Snillingar þar á bæ.


En þegar ég var að setja inn, rofnaði sambandið. Gjörsamlega pirraður á þessu rugli hjá nágrönnum mínum í Ármúlanum. Þótt þeir séu stórfyrirtæki en ég bara einyrki, hef ég mín réttindi fyrir því. Þeir geta ekki vaðið svona yfir mann og það ítrekað. Og biðjast ekki afsökunar, hvað þá bæta skaðann, en síðast tapaði ég viku. Og það munar um, þegar maður fær fyrir salti í grautinn með því að vinna on-line.


Og þeir vildu ekki viðurkenna að þeir hefðu neitt með þetta að gera, jafnvel ekki þegar gaurinn frá Símanum hafði rekið það oní þá. Þá spunnu þeir upp þá lygasögu að ég hefði skipt um símafyrirtæki og þess vegna hefði sambandið hrunið! Ég skipti síðast um símafyrirtæki þegar ég fór frá Símanum yfir í þáverandi Íslandssíma, þegar Eyþór Arnalds var forstjóri. En þeir héldu sig við þessa sögu og í meira en viku mátti ég þola háðsglósur frá þeim af þeim sökum.

 

En hér er maður kominn í Taflfélagið að dúlla sér. Eiginlega er maður hér sem skákstjóri, því tefla á í dag frestaða skák Davíðs Kjartanssonar og Guðna Stefáns Péturssonar. Og þar sem ég er skráður skákstjóri í Haustmóti TR, verð ég að vera hér hvort sem er.

En jæja, morkinn laugardagur. Úff, ég vildi að það væri sunnudagur.

Tímakaupið

Jæja, þetta er magnað mál. Þekktur listamaður spilar frítt og fær tvo öllara að launum, og má alls ekki fá þrjá.

Hver er munurinn á tveimur og þremur, peningalega séð. Varla marktækur.


En samt sem áður skrítið að borga mönnum í alkóhóli.


Og hvernig datt honum í hug að samþykkja þetta?

Tveir bjórar eru andskotans nóg!?

Rakarinn frá Sevilla

Eða þannig. Ramos hættur hjá stórliði Sevilla, sem spilar í riðli með Arsenal í Meistaradeildinni og lá við að sigraði í spænsku deildinni síðasta ár.

Mönnum þykir ljóst að hann muni sjálfviljugur taka á sig þá smán að þjálfa Tottenham. Ég meina, mikið hlýtur hann að fá borgað fyrir þessi merkilegu vistaskipti. Þetta er svona svipað og að Willum á Pillum færi að segja upp hjá Val til að taka við einhverju smáliði á landsbyggðinni.

En jæja, Spurs menn ættu að gleðjast, en nú býst ég við, að þeir komist á beinu brautina.

Ramos hættur hjá Sevilla

Rakarinn í Manila

Nýjustu fregnir herma, að nýtt æði hafi nú gripið um sig í Manila, höfuðborg Filippseyja. Málið er, að rakarar í borginni sé farnir að kvarta yfir því, að menn streymi nú til þeirra og biðji um að fá Amish skegg sett á sig, "eins og skrítni kallinn frá Íslandi er með".


Einar Bárðarson er þegar búinn að sama samband við Andrew Lloyd Webber um að semja óperu um þessa skemmtilegu málavöxtu og ku Garðar Cortes eldri þegar hafa verið ráðinn til að syngja hlutverk "Amish karlsins".


Já, margt gerist hjá Rakaranum í Manila.

Össur átti fund með forseta Filippseyja

Forngripir koma heim

Úff, nú var ég plataður illilega. Ég hélt að KRingar væri að koma heim úr keppnisferðalagi.

Fornmunir á heimleið

Óendurgoldin ást

En stuðningsmennirnir verða vísast fljótir að gleyma Martin Jol.


En Jolasveinninn hættur. Ágætt fyrir Spurs, slæmt fyrir aðra, því nú ku Juando Ramos víst taka við liðinu.


Tottenham gæti farið að geta eitthvað á komandi misserum.

Martin Jol: Gleymi aldrei stuðningsmönnunum

"Framsóknarsiðferðið í algleymingi. Daglega ný met í blekkingum"

Slíkur er titill greinar í Mbl frá 1954 og við lestur greinarinnar, sem er á baksíðu blaðsins 31. ágúst 1954, kemst maður ekki undan því að taka undir...ekki síst í ljósi nyliðinna atburða. En ég ætla að láta mér nægja að birta hér innganginn að fréttinni. Þar segir:

Aðalmálgagn Framsóknarflokksins "Tíminn" hefir löngum verið frægt að endemum og skrif þess hafa jafnan verið með þeim brag, að illmögulegt hefir verið oft á tíðum að hafa samvinnu við Framsóknarflokkinn um vandasöm mál, því að "Tíminn" hefir haft sérstaka unun af því að reka ríting í bak samstarfsmannanna. Hefir blaðið af þessu hlotið almenna andúð heiðarlegra manna og er það vel.

Tíminn var sem sagt byrjaður að "binga" snemma og það áður en Björn Ingi fæddist. Þetta er þá kannski ekki honum að kenna, heldur partur af arfleifð hans?

Spurning að taka þetta upp hér á Íslandi

Það gæti a.m.k. trekkt menn á staðina...en vísast myndi Sóley ekki verða nógu glöð með svoleiðis.

Sektuð fyrir að kremja bjórdósir með berum brjóstunum

Gott hjá Kaupþingi

Láta Baunana finna til tevatnsins. Öfundssýki Baunanna vegna árangurs Íslendinga hefur verið vaxandi á síðustu árum.

Solid að láta þá finna fyrir krafti Íslendinga.


Áfram Ísland.

Dómsmál vegna Íslandsgreina gæti reynst Ekstra-Bladet dýrt