Stuðningsmaraþon í Ráðhúsinu

Borgarstjórnarflokkur Samfylkingarinnar mun halda stuðningsmaraþon í ræðuhöldum í Ráðhúsi Reykjavíkur á morgun, mánudag. Þá verður málefnasamningur Tjarnarkvartettsins lesinn upp aftur og aftur til stuðnings Degi B. Eggertssyni, oddvita, sem komst ekki til Kína og þykir framhjá sér gengið.

Stuðningsmaraþon í Borgarfirði

Athugasemdir

[Sigurður Þórðarson, 31.8.2008 kl. 07:51]

Tjarnarkvartettinn ríkti í 100 daga og gerði aldrei neinn málefnasamning. Ekki einu sinni drög að málefnasamningi. Við skulum halda þessu til haga.

[Árni Gunnarsson, 31.8.2008 kl. 10:21]

Mér er málið ekki skylt en þessi færsla er að mínu mati árekstur við mannasiði. Tilefni þess framtaks sem hollvinir Snorra Heiðars tóku sér fyrir hendur er stuðningur við hetjulega baráttu manns sem tekið hefur lífshættulegan sjúkdóm. Þetta er fallegt og það kveikir góða samkennd, jafnvel hjá okkur sem þekkjum ekki til,- en þar talar auðvitað hver fyrir sig. Að drepa þessu máli á dreif með kjánalegum samanburði sem á að vera fyndinn vegna pólitískrar skírskotunar er ósmekklegt í meira lagi.

Þetta er ekki ályktun; þetta er úrskurður.

[Snorri Bergz, 31.8.2008 kl. 10:33]

Já, Siggi, ég veit. Það var enginn málefnasamningur...engin drög.  Þess vegna sagði ég þetta.

Árni: Ég tek fram að ég styð svona atburði eins og í Borgarfirði. Alveg sammála þér í því sem þú segir, en verð þó að segja, að færslan hjá mér var í raun alveg óháð þessum atburði í Borgarfirði - dálítill útúrsnúningur.

Ef ég hef sært einhverja með þessu biðst ég forláts..það var aldrei neinn ásetningur af minni hálfu.

[Árni Gunnarsson, 31.8.2008 kl. 11:50]

Meðtekið Snorri: Þekki af sjálfum mér þessa hvatvísi í bland við gálgahúmor og hef orðið að berjast við þann ófögnuð alla ævi.