Er Össuri ekki treystandi?

Jæja, Össur sagði að Guðni væri hvalreki...ekki Guðni Ágústsson, hann er kúreki, heldur Guðni hinn. En Svavar segir að Össuri sé ekki treystandi.

Ætli Guðni hinn sé þá ekki hvalreki eftir allt saman?

En hitt er svo annað mál að ég myndi frekar treysta Össuri en Svavari, aðallega af því að ég þekki Össur betur og hann er haukur í horni. Helsti galli hans er, að hann er með pólítískt kvef og skilur ekki að hann á ekkert erindi í þennan hálfsósíalista kvennalistaflokk Ingibjargar og ætti að halda með det same yfir á blárri gresjur.

Ég hef bara einu sinni hitt Svavar, þegar hann veitti mér einhver verðlaun fyrir nærri því 20 árum. Hef ekkert út á hann að setja persónulega, en treysti illa mönnum sem burðast með beinagrind í skápnum og vilja ekki grafa hana með sómasamlegum hætti.

Jú, íslensku kommarnir eiga eftir að gera upp málin, svo sem hvað snertir blindan stuðning við Sovétið og fleiri mál.

En Svavar er vísast byrjaður, skv. dagbókum Matthíasar. Hann er amk byrjaður að gera upp við nokkra félaga sína. Ólafur Ragnar er semsagt fjármálasukkari, og einhverjum komma og Merði Árna er ekki viðbjargandi. Þetta með Mörð skil ég reyndar ósköp vel. Minnir að bloggari hafi verið sömu skoðunar nýlega.

Svavar dregur dagbækur í efa

Athugasemdir

[Guðmundur Björn, 20.8.2008 kl. 07:13]

Mikið rétt!