Everest í lífi fótboltamanns

Já, hann spilaði ungur með Coventry og sló í gegn. Fór til Inter og var kominn "á tindinn". Síðan hefur leiðin legið niður á við. Maður hélt að botninum væri náð þegar hann gekk til liðs við Tottenham, og jú, þar var botninum náð, en nú er það Liverpool.

Ég skil ekkert í þessum skemmtilega leikmanni að vilja ekki frekar fara til alvöru liðs! En jæja, Liverpool er þó að vísu greinileg framför frá Spurs, en ef hann á að taka við af Crouch er spurningin  hvort betra sé að spila með Spurs eða vera á bekknum hjá Liverpool?

En grey strákurinn hefur auðvitað spilað það lengi með Spurs að ég held að hann eigi ekki viðreisnar von úr þessu.

Keane færist nær Liverpool

Athugasemdir

[Friðrik Þór Guðmundsson, 16.7.2008 kl. 23:59]

Fáheyrt kjaftæði. Spurs er gott lið og Keane hefur spilað frábærlega með liðinu, mikill team-player og fyrirliði og hefur skorað reglulega og lagt mörg mörk upp. Ég er verulega svekktur að hann sé á förum. Hvað ertu, fokking Gunner eða hvað?

[Snorri Bergz, 17.7.2008 kl. 00:09]

Hehe, gaman að tala um fótbolta við mann sem heldur með Spurs og KR.

[Friðrik Þór Guðmundsson, 17.7.2008 kl. 00:18]

Nema hvað. Hugsaðu þér skemmtilegheitin að tala um fótbolta við einhvern sem heldur með Derby og finnst Guðjón Þórðarson vera æðislegur!

[Snorri Bergz, 17.7.2008 kl. 09:05]

Æjá, skemmtilegt að hafa einhvern ríg í gangi.