Er stjórnarandstaðan að missa marks?

Skrítið. Jafnan er það þannig, að stjórnarandstöðuflokkar hækka í skoðanakönnunum, a.m.k. séu þeir að standa sig í stjórnarandstöðunni.

En bæði Framsókn og VG tapa fylgi, Framsókn sýnu meira. Nú er svo komið að xB er, skv. þessari könnun, við það að falla út af uppbótarþingmannakerfinu. Hvernig stendur á þessu? Ætli þjóðin sé búin að fá upp í kok af þessu ágæta fólki sem stjórnar Framsókn? Eða eru það stefnumálin sem gera fólkið afhuga flokknum?

Og F-listamenn eru rétt með botnfylli og þurfa að herða taktinn ætli þeir sér upp aftur. Kannski Brúnkugengisránið í Lækjargötu hafi fengi menn til að fá ógeð á Jóni Magg? Eða eru það skoðanir hans? Eða er ástæðanna fyrir óvinsældum F að finna annars staðar?

En í öllu falli er stjórnarandstaðan að gera í leðurbuxurnar. Jafnvel VG, sem jafnan kemur vel út úr skoðanakönnunum, er ekki alveg að meika það.

En stjórnarandstaðan er a.m.k. búin með pappírinn.

Fylgi Sjálfstæðisflokks eykst