Hundraðdagakóngurinn

Já, það er kalt á toppnum. Og Dagurinn er stuttur nú í skammdeginu, eins og Friðjón appelsínublái sagði fyrr í dag.


Þessi "versti dagur ársins" er næstum liðinn. Og nóg að gerast.

1) Fisher grafinn í kyrrþey og með það mikilli leynd að lík hans hefur varla tekið eftir því. Og það var grafið við dyrnar á kirkjunni sem afi og systkini hans reistu og gáfu til minningar um bróður þeirra sem lést ungur, og ég heiti reyndar eftir.

2) Óli F sendir dag í læknisferð til að tékka á Svandísi og meðan þau eru bæði upptekin, og Bingi að skoða jakkaföt í Herragarðinum laumast Óli upp í Valhöll og kemur að þar sem Villi er að setja upp kolluna, og spyr: "Ok, hvaða díl varstu að bjóða mér í afmæli Davíðs? Stólinn og allan pakkann"?

3) Og Dagur fréttir af þessu, enda með njósnara dag og nótt bæði fyrir utan hjá gamla góða Villa og við útidyrnar á Valhöll. Hann hringir sex sinnum í Óla og spyr: "Ertu að henda hnífasettum í bakið á mér"? Ólafur kveður það ekki vera svo. Hann sé ekkert að svíkja neitt, enda hafi hann ekki verið memm þegar Magga lyfti upp pilsinu fyrir rúmlega 100 dögum síðan.

4) Og á meðan á þessu öllu stendur komast fjölmiðlar yfir 1260 þús. króna c.a. reikning Framsóknar hjá Hugo Boss og Herragarðinum. Já, Bingó lætur styrktaraðila flokksins borga fötin á sig. Svo ekki sé talað um allt make-uppið.

´5) Og ég er í fríi eftir að hafa unnið alla helgina og klárað verkefnin. Og ég nenni engu, og eyði deginum í hangs, tiltektir og blogg.


Versti dagur ársins? Nei, en þarna fer Versti Dagur ársins beint í minni hluta aftur.

Dagur: Óvanur því að samstarfsmenn segi ekki satt

Athugasemdir

[Félag Ungra Frjálslyndra, 21.1.2008 kl. 23:44]

Félag ungra frjálslyndra lýsir yfir algerum stuðning við Ólaf F. Magnússon borgarfulltrúa F-Listans og fagnar því að grundvallarmálefni Frjálslynda flokksins séu nú að fá brautargengi í Reykjavík.

Félag ungra frjálslyndra fagnar því sérstaklega að nýi borgarmeirihlutinn ætli sér að viðhalda eign almennings á Orkuveitu Reykjavíkur og orkuauðlindum hennar.

[Snorri Bergz, 21.1.2008 kl. 23:50]

Já, hehe, ég las þetta áðan á FUF og VGudj, vefunum.

Alveg sammála. Líst ágætlega á þetta dæmi!