Skeljungsmótið hefst 6. janúar - skráning hafin

Skeljungsmótið - Skákþing Reykjavíkur 2008 mun hefjast sunnudaginn 6. janúar 2008. Teflt verður, að venju, á sunnudögum kl. 14.00 og miðvikudögum og föstudögum kl. 19.30. Mótið fer fram í Skákhöll Reykjavíkur, Faxafeni 12.


Teflt verður í einum flokki, opnum öllum skákmönnum. Tímamörk eru hefðbundin, eða 90 mínútur á skák, en að auki bætast við 30 sekúndur á leik.


Dagskrá mótsins  

1.  umferð sunnudag      6. janúar  kl. 14-18 

2.  umferð miðvikudag  9. janúar  kl. 19-23 

3.  umferð föstudag      11. janúar  kl. 19-23 

4.  umferð sunnudag    13. janúar  kl. 14-18 

5.  umferð miðvikudag 16. janúar  kl. 19-23 

6.  umferð föstudag      18. janúar  kl. 19-23 

7.  umferð sunnudag    20. janúar  kl. 14-18 

8.  umferð miðvikudag 23. janúar  kl. 19-23 

9.  umferð föstudag      25. janúar  kl. 19-23 

Skákþingið er reiknað til íslenskra og alþjóðlegra skákstiga. 


Skráning fer fram í síma 895-5860 (Ólafur) eða í netföngin  [e-mail]  og [e-mail]


Nokkrir keppendur hafa þegar skráð sig, þeirra á meðal stórmeistarinn Henrik Danielsen, alþjóðlegu meistararnir Jón Viktor Gunnarsson og Arnar E. Gunnarsson og FIDE-meistararnir Sigurður Daði Sigfússon og Ingvar Þór Jóhannesson. Síðan er næsta víst að fleiri bætast í hópinn.



Verðlaun verða:

1. sæti: 100.000
2. sæti:   60.000
3. sæti:   40.000


Þátttökugjöld verða : 3.500 krónur fyrir fullorðna / 2.000 kr. fyrir grunnskólabörn.


Sigurvegarinn hlýtur jafnframt nafnbótina Skákmeistari Reykjavíkur, sé hann búsettur í Reykjavík eða félagi í reykvísku taflfélagi.


Núverandi skákmeistari Reykjavíkur er Sigurbjörn J. Björnsson.

Hraðskákmót Reykjavíkur verður haldið sunnudaginn 27. janúar og hefst það kl. 14.00. Tefldar verða 2x7 umferðir eftir Monradkerfi.