Spurningamerki

Ég er alls ekki viss um, að þetta hafi verið alveg svona. Ég trúi Saudunum alveg til að knyja þetta fram einhvern veginn; þeir hafa vitað af þessu liði og ákvað að senda Bastian bæjarfógeta á vettvang einmitt núna og að það sé ekki fyllilega sannað, að al-Kaída hafi ætlað að sprengja á Hajj.

Ok, það er auðvitað ekki útilokað (og skv. sumum vinstri mönnum er al-Kaída aðeins tilbúningur Bandaríkjanna og annarra auðvaldssinna) að liðsmenn Osama bin Ladens hafi ætlað að hrista aðeins upp í Saudunum með árás á pílagríma, en mér finnst það ólíklegt. Ég trúi þessu semsagt ekki fyrr en sannanir hafa verið birtar.

En síðan er auðvitað eitt að sprengja "á meðan" á hajj stendur, og allt annað að sprengja meðal pílagrímanna.

Áformuðu árásir á trúarhátíð

Athugasemdir

[Ómar Kjartan Yasin, 21.12.2007 kl. 21:33]

Ekki eins og það hafi aldrei ferið framin hryðjuverk á meðan á Hajj stendur..

[Anna Benkovic Mikaelsdóttir, 21.12.2007 kl. 21:49]

...mér finnst nú Saudi Arabía vera hryðjuverkaríki í sjálfu sér..?...sýnir vanþekkingu mína?

[Snorri Bergz, 21.12.2007 kl. 22:07]

Ómar: Grundvöllur al-Kaída og slíkra samtaka hlýtur að vera stuðningur fólksins. Fari þeir að sprengja á Hajj, gæti sa stuðningur minnkað eða horfið. En annars veit maður aldrei hvað menn eins og Osama hugsa; og hann hugsar kóngsætt Saudanna þegjandi þörfina.

Einar: Af hverju heldurðu að hryðjuverkamenn séu bara geðsjúkír glæpamenn? Ég þekkti tvo terrorista. Annar var Írani, yfirmaður lífvarðasveita keisarans. Hann gerðist terroristi gegn klerkaveldinu. Yfirburðamaður; meistari í fimleikum, skotmeistari hersins og með 3 doktorsgráður (frá e. 1979). En hann er hinn ljúfasti í umgengni og læknaði í mér kvefið forðum með gömlu írönsku húsráði. Ég þekkti líka annan, Pakistana, sem var með ljúfustu og bestu mönnum sem ég hef kynnst. Annan eins ljúfling hef ég ekki umgengist. Við leigðum saman fyrir um 15 árum síðan. Hann var heittrúaður, mjög svo. En hann var afbragðs náungi. Síðan fór hann heim til Pakistan einhverra erinda, frá Bretlandi, og ku hafa farið þaðan til Afghanistan með Talibönum. Hvorugur þessara manna var geðveikur. En báðir höfðu sterka hugsjón. Annar rændi eldflaugabát Írana og sprengdi upp nokkur hús og komst á efsta sætið á hitlista Khomeinis; hinn var Talibani. En báðir indælis náungar.

Anna: Já, eiginlega en eiginlega ekki. Fer eftir því hvernig menn skilgreina hryðjuverk. En kannski mætti tala um ákveðnar athafnir í landinu sem hryðjuverk, en varla þó.

[Sólveig Lilja Óskarsdóttir, 21.12.2007 kl. 22:50]

Það er bara Guð sem hefur svarið við þessu og það finnum við í heilögu orði hans , BIBLÍUNNI en þar stendur að allir menn hafa syndgað og skortir Guðs dýrð. við mannfólkið erum með syndugt eðli og stöndum frammi fyrir ákvarðanatöku á hverju augnabliki lífs okkar að velja að fylgja hinu synduga eðli eða að velja að fylgja Guðs vilja inn í líf okkar. hver er ekki indælis náungi við kjör-aðstæður?

Þú talar um vin þinn sem er heittrúaður, ég er sjálf heittrúuð og trúi mjög heitt á Jésú Krist. að Jésús hafi dáið fyrir syndir mínar og fyrirgefið mér og ég eigi ekki að syndga meir, ég tel mig hvorki vera geðveika og ég tel mig ágætis náunga (þó svo að margir hér inná blogginu hafi fordóma í minn garð og trúsystkina minna vegna trúarafstöðu okkar)

Á hvað trúir vinur þinn heitt...? það er stóra spurningin, ég sá myndband á visir.is sem heitir Ég vil sprengja mig eins og mamma...! og fjallar um múslímska konu sem sprengir sig í loft upp  og tekur hermenn með sér í fallinu og dóttirin vil gera það sama og mamma hennar þegar hún verður eldri. Það er hennar heita trú, og stefna í lífinu. kíkið á þetta myndband því miður er það ekki einsdæmi.

Eitt að lokum.. Snorri hvernig stendur á því að þú þekkir tvo terrorista...?????

[Gunnsteinn Þórisson, 21.12.2007 kl. 22:56]

Já, nokk merkilegt, það skemmtilegast við svona trúardæmi er einmitt að það er sama hver hefur rétt fyrir sig...

...meirihlutinn hefur rangt fyrir sér. 

[Anna Benkovic Mikaelsdóttir, 21.12.2007 kl. 22:56]

já Snorri, en það að dæma unglingsstelpu fyrir að vera nauðgað og svo "náða" er svo fjarri okkur...sem betur fer!  En auðvitað afhjúpa þessir alkædamenn sig með því að ætla að ráðast á sitt "draumaríki"

[Snorri Bergz, 21.12.2007 kl. 23:06]

Amm, Anna, margt er skrítið í kýrhausnum. Ein íslömsk stúlka, sem ég þekkti frá háskólanum, hafði misst framan af hendi sinni. Hafði verið höggið af með sveðju. Ju, pabbi hennar gerði það, til að refsa henni fyrir að hafa "farið á deit" með "röngum" manni og án leyfis.  Og þetta var í ekki í svörtu Saudi Arabíu, heldur í Austur-Jerúsalem.

Sólveig: ég þekki undarlegasta fólk. Talibaninn var "room-mate" þegar ég var í Englandi í námi. Íranski terroristinn var á flótta undan írönsku leyniþjónustunni og fann að lokum hæli á stað, sem hvort sem er telst á hitlista Írana. Ég prófarkalas ævisögu hans í handriti, og einnig 400 bls. bók hans, í handriti, um sögu Írans. Þannig kynntist ég honum. Og ég var þá eitthvað kvefaður, en þá tók hann appelsínuberki af ofninum, setti þá í soðið vatn, setti krydd og svoleiðis útí, og lét mig síðan drekka. Kvefið flúði á notime og ég er ekki frá því, að skallinn hafi minnkað eitthvað í  kjölfar þessa.

Gunnsteinn: Meiri hlutinn hefur yfirleitt rangt fyrir sér.

[Gunnsteinn Þórisson, 21.12.2007 kl. 23:13]

Ávalt ;)

[Sævar Finnbogason, 22.12.2007 kl. 00:22]

Já Snorri
Ávalt þegar koma fréttir af einhverjum "hóp manna, tengdan hryðjuverkasamtökunum al-Qaeda" einsog mbl kallar það er full ástæða til að setja fram risavaxið spurningamerki. Sér í lagi ef fréttirnar eiga rætur að rekja til bandalagsþjóða Bandaríkjana.

Og þetta eru bestu vini aðal.

 

[Anna Benkovic Mikaelsdóttir, 22.12.2007 kl. 00:25]

uss ekki nefna USA ...við verðum bara sjálf að vera okkar bestu bandamenn!