Íþrótt?

Æ, ég veit ekki. Skv. lýsingu Mbl. voru þarna bara 2 ruddar að slást.


Hvað á nú að segja í skólunum, þegar t.d. 2 strákar slást: "Við vorum bara í íþróttum"! Þeir gætu jafnvel farið að heimta að fá þetta metið og losnað til dæmis við leikfimi í staðinn:

Ég er ekki hrifinn af svona "íþróttum".

Gunnar rotaði breskan sérsveitarmann

Athugasemdir

[Halli Nelson, 11.12.2007 kl. 10:59]

Að venju ertu úti að aka með það sem þú ert að tala um, uppfullur af fordómum og fáfræði. MMA hefur ekkert með ofbeldi að gera, frekar en aðrar bardagaíþróttir. Þetta er harðger íþrótt en meiðslatíðni þar er ekki hærri en annarsstaðar og hættuleg meiðsli afar sjaldgæf. Hins vegar er það auðvitað svo að bardagaíþróttir eru ekki fyrir alla en það er óþolandi að þeir sem hafi hvorki kynnt sé íþróttina né þekkja neitt til hennar séu að skella fordómum sínum yfir hana.

[Pétur Marel Gestsson (IP-tala skráð) 11.12.2007 kl. 11:03]

Það er augljóst að þú þekkir lítið eða ekkert til íþróttarinnar, skiljanlega reyndar. Þarna eru ekki á ferðinni "2 ruddar", svo mikið er víst. Þarna fara tveir þrautþjálfaðir íþróttamenn. Ég get bara talað um Íslendinginn sem þarna á í hlut en það er drengur góður og er það vanvirðing við þá gríðarlegu vinnu sem hann hefur lagt á sig til að komast áfram í sinni íþrótt að kalla hann slíkum nöfnum.

Ég skil mæta vel að íþróttin sé ekki allra, frekar en hnefaleikar. Það breytir því ekki að mér finnst leiðinlegt að sjá að þegar stóru fréttamiðlarnir taka loksins við sér og birta íþróttafréttir af öðru en að landsliðsfyrirliðinn fái ekki að spila, þá kalli menn okkar frábæra íþróttafólk "rudda".

[Kristján Magnús Arason, 11.12.2007 kl. 21:45]

Já, heyrðu Snorri:  Er skák íþrótt? 

[Snorri Bergz, 12.12.2007 kl. 06:37]

Lesið betur: "skv. lýsingu Mbl." sagði ég. Ég hef enga aðra lýsingu. Frétt Mbl. var nú ekki neitt sérlega góð auglýsing fyrir þennan bardaga. Og ég efa ekki að Gunnar sé fær í sínu fagi og eigi virðingu skilda. Það hefur vísast kostað blóð, svita og tár að komast svona langt, og þrotlausar æfingar.

Skák er á sinn hátt íþrótt, en má einnig flokka öðruvísi.