100 kíló farin

Þetta er athyglivert.

Maður vissi, að þessar magahjáveituaðgerðir hefðu einhverjar afleiðingar, en þetta virðist alvarlegra en maður gerði sér grein fyrir. Það er auðvitað slæmt, ef slík vanlíðan fylgir. En hafa ber í huga, að með slíkri aðgerð, sem aðeins skal gera í ítrustu nauðsyn, er verið að "svindla" á líkamanum.


Sjálfur hef ég misst um fimmtán kíló síðan í apríl - fyrir utan massabreytingu - og hefur mér aldrei liðið svona vel. Á afmælisdaginn minn, 3. apríl, notaði ég buxur nr. c.a. 46, eða jafnvel 48. Þegar þetta er skrifað er ég í gallabuxum nr. 34. Og mér líður stórkostlega. Ekkert Herbalife, ekkert sull. Maður bara borðar betur, hreyfir sig meira -- og notar Slendertone beltið (reyndar aðeins frá því í júlí)!

Lykillinn er kolvetnisjöfnun. Forðast kartöflur, pasta, hrísgrjón og svoleiðis (ég hef reyndar svindlað óþarflega mikið á brauðinu!!) "ruslfæði". Og þrátt fyrir þetta, hef ég ekki verið í neinu svelti.

Það er semsagt hægt að léttast, án þess að "svindla". Er það ekki best þannig?

Hefur losnað við 100 kíló

Athugasemdir

[Rannveig Lena Gísladóttir, 19.9.2007 kl. 08:18]

Jú, það er best að léttast þannig... það getum við öll verið sammála um held ég.  Sumir bara einfaldlega geta það ekki.  Ég er amk í þeim hópi.  Ég fór í svona magaaðgerð og er svoooo hamingjusöm með árangurinn.  Jú, vissulega fylgja þessu "reglur" og örlítil vandamál.  En vandamálin get ég verið laus við með því að borða rétt, sem sagt allt undir mér sjálfri komið.  "Reglurnar" eru ekkert meiri eða flóknari heldur en bara það að setja sér sínar eigin reglur og léttast þannig...

Ég vil þó ekki gera lítið úr upplifan þessarar konu eftir aðgerð.  En þetta virkaði fyrir mig.... ég er búin að eignast nýtt líf.

[lipurtá, 19.9.2007 kl. 08:19]

segðu okkur frá Slendertone beltinu!

[Snorri Bergz, 19.9.2007 kl. 08:58]

Já, ég veit líka um konu sem hefur eignast "nýtt líf" --ja, eiginlega tvær konur. En maður finnur til með konunni, sem hér á í hlut í fréttinni.

Slendertone-beltið. Já, ég sé rosalegan mun á mér meðan ég nota og þegar ég tók 3 vikna frí, rétt til að sjá muninn. Bæði líðan og síðan brennsla. Ég tek þetta reyndar svoldið "extreme" -- fer eins langt og má.

En eins og sést að ofan, hefur ummálið minnkað rosalega. Ég byrjaði að nota beltið um miðjan júlí, c.a. Fötin, sem ég hafði þá nýlega keypt, eru orðin of stór núna. Og vel stór. Ég tók mér frí um daginn í þrjár vikur og stóð í stað. Núna á tveimur dögum hef ég brennt aukafituna í hrönnum, eins og Mr. Gustavsberg getur vitnað um. Þar sem ég hef átt við ristilvandamál að stríða, hefur meltingin ekki verið neitt sérlega góð. En núna rennur þetta út eins og vatn úr krananum og maður sér afraksturinn á vigtinni og á fötunum sínum. Ég er a.m.k. hæstánægður.