Össur að missa það?

Jæja, nú hefur Össur heldur betur verið "tekinn", þ.e. "punk'd". Ég á nú ekki eitt einasta orð yfir framgöngu þessa manns, hvernig hann getur hagað sér og það aðeins nokkrum dögum fyrir kosningar. Hann fær hálfgert æðiskast yfir heimboði sjálfstæðismanna til háskólanema, þar sem ferð á Hverfisbarinn er innifalin, en gleymir því að Samfylkingin bauð þeim skömmu áður, og það á sama rúntinn. Af hverju var þetta í lagi, þegar Samfó gerði þetta, en siðspilling, þegar Sjálfstæðisflokkurinn gerir þetta.

Samfó hefur hækkað í fylgi upp á síðkastið, m.a. vegna þess að flokkurinn hefur rekið jákvæða kosningabaráttu, Ingibjörg hætt að nöldra og farin að brosa, og Össur hefur verið minna áberandi en áður. Ef Samfó fer aftur niður núna, má búast við að Össur verði ekki vinsæll hjá krötunum 13. maí.

En það er greinilegt að Össur ætlar ekki í stjórn með Sjálfstæðisflokknum næsta kjörtímabil. Og jafnvel þó hann vilji, er ekki víst að hann fái. Svona samstarfsmanni er ekki hægt að treysta, því miður.

Athugasemdir

[Gunnar Björnsson, 9.5.2007 kl. 09:31]

Já, þetta er grafalvarlegt mál og fyrir þetta þarf að refsa Samfylkingunni.  

[Snorri Bergz, 9.5.2007 kl. 10:30]

Jamm! En þetta sýnir bara hvurslags kosningabarátta er greinilega rekin þarna á afturhaldskommatittaheimilinu!

[Sveinn Arnarsson, 9.5.2007 kl. 11:02]

Snorri, vertu til friðs

þetta er algjör tittlingaskítur úr kommatittsheimilinu, eigum við ekki að ræða málefni

[Snorri Bergz, 9.5.2007 kl. 11:11]

nei, ekki kommatittsheimilinu (það er annað), afturhaldskommatittsheimilinu.

En ekki meiri "tittlingaskítur" en margt það sem þið kratarnir hafið verið að hamra á upp á síðkastið.

En Svenni: síðan hvenær er ég til friðs :) En gaman að ræða málefni, það væri framför. Maður er orðinn vanur neikvæðri umræðu Samfó, þar sem allt snýst um slagorðin "fellum stjórnina" og blablabla. En merkilegt er að strax og Samfó fór að ræða málefni, og hætti nöldri og níði, rauk fylgið upp. Segir það ekki eitthvað? En Össur virðist hafa gleymt þessu smástund.

[Sveinn Arnarsson, 9.5.2007 kl. 11:20]

HEHE, þú ert ávallt til friðs, prúður drengur eins og Frammara (ekki framsóknarmanni) sæmir.

En pólitík án skotgrafa og hræðslu, þvælu og uppspuna, er langskemmtilegasta pólitíkin...

ÉG VIL SIGUR ÞANN 12. MAÍ ( að FH rúlli yfir ÍA uppi á skaga )

[Snorri Bergz, 9.5.2007 kl. 13:45]

Sammála þér með skemmtilegustu pólítíkina. But "polar bitch" is still a bitch.